الروايه: لم تكن صدفه بل ساقتنا الاقدار ♥.
للكاتبه: وٱسۜيۧ ❤️.
الحلقه: الـثامنـ(8)ــه.
رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.
•••••••••••••••••••••••
(نزلو وقعمزو ع الكراسي ؏ البحر)
ملاك: احكي هي نسمع فيك
ادم(تنهد): الكلام اللي قاله باتي انا مش راضي عليه ومش موافق واصلا حتى ولو كنتِ انتي مش في حياتي انا مانبيهش ملاك انتي من يوم جيتك في حوشكم معش طلعتي من تفكيري معش اشتغلت كيف الناس وصورتك الوقت كله في بالي معش ركزت في شيء غيرت
ملاك (مصدومه من كلامه ومش عارفه ترد)
ادم(تنهد) : انحبك نعشقك وربي حبيتك ملاك حبيتك بشكل مش طبيعي انشوف فيك دنيتي بنتي واختي وكل شيء في حياتي قبلك مستحيل نمشي مستحيل نحكي بهدوء جيتي انتي لعبتي بأعداداتي وبـ قلبي وعلقي وخذيتِ تفكيري مش قادر انتخيل حياتي بلاك كنت ناوي نأجل الكلام هذا بعد العرس بس مطر عشان تقعدي
ملاك (دموعها ينزلن وقفت وحضناته)
ادم(يمسح في دموعها): اسس ليش البكاء توه
ملاك (سكتت وردت قعمزت ع الكرسي)
ادم: باهي وانتي؟
ملاك (نزلت راسها): انا شنو؟!
ادم: انتي ماتبيش اتقوليلي حاجه
ملاك(تنهد): لا
ادم: باهي ليش اضايقتي؟!
ملاك: مش عارفه مرات لانك السند الوحيد لياء كنت انشوف فيك حنان ماما الله يرحمها و سند الاب و الاخ اللي فاقدته كنت انشوف فيك الامل اللي مخليني نعيش في الدنيا خفت نخسࢪڪ
ادم(ابتسم وعرف انها تبادله نفس الشعور بس تحشمت)
ادم: مستحيل تخسريني انا معاك في كل وقت وانتي حبيبتي و بنتي و اختي و صاحبتي الوحيدة نعشقك وربي
ملاك(نزلت راسها بحشم): خلاص عاد
ادم(ضحك بعدها كح)
ملاك:كنك من الريح هيا نروحو
ادم: باهي ساعديني مش قادره انصبي
ملاك(ضحكت): صبي ياسامط هيا
ادم(ضحك وصبي)
•••••••••••••••••••••••رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.
تسريع الاحداث 🔥🔥🔥🔥🔥
روحو للحوش والكل كاين خايف من رد فعل ادم بس ادم كان هادي لان ملاك صدقاته وكان اهم حاجه عند ادم ملاك وبعد ايام الوضع نفس ماهو غير تطور علاقه ملاك و ادم اللي الكل لاحظها يجهزو للعرس وڪ أي عيله في ليبيا في الصبح و في الليل في السوق
محمود (مدخل عرم اكياس)
محمود: اه يديا خلاص دايريني البدقادر بتاعهن محد يكركر في الشكاير غيري
اسراء: الله غالب هيا عروس وانا مركبه اظافر
محمود: واللهِ عذر اقبح من ذنب
اسراء:به
••خشو للحوش••
محمود: سلام عليكم
فوزيه و ملاك: وعليكم السلام
ملاك: ربي يعاونك
محمود: سلمك
(خش ادم)
ادم(عاقد حواجبه): ملاك
ملاك: نعم
ادم: تعالي فوق اشويا
ملاك (عرفت في حاجه): هيا حاضر
(لحقاته ملاك)(سكرت بابا داره ولفت)
ملاك: كنك شغلتني
ادم(قعمز ع السرير): تعالي بنقولك حاجه
ملاك (جت جنبه): كنك ان شاء لله خير شغلتني
ادم:خير ان شاء لله لياء فتره نشتغل في الشركه هذي ؏ اساس بنفتحو مقر ثاني من شركه (***) في تركيا
ملاك: باهي؟!
ادم(تنهد): توه رنو علياء قالو تم الموضوع
ملاك: باهي ماشاء الله كنك مش فرحان
ادم(تنفس بعمق): مش عارف مرات لانِ حـ نبعد عليك
ملاك(مسكت يده و الدمعه في عينها): عدي واشتغل وانا هنا انراجي فيك حياتي حـ تكون صعبه من غيرك اكيد بس وعد انراجيك (فرحانه له بس في نفس الوقت زعلانه انها حـ تفقده)
ادم(حضنها): اه وربي مالقيت وحده تفهمني غيرڪ
ملاك(زادت من حضنه كانها بتحتفظ بشيء منه قبل مايسافر)
ملاك (بعدت ومسحت دموعها): قولي
ادم: عيونه
ملاك: امتي مسافر بعد العرس ولا توه وهلك عندهم العلم ولا لا
ادم: باذن الله مسافر بعد العرس باسبوع وهلي حكيتلهم لما بديت في المشروع بس مزلت ماقتلهم ان تم الموضوع
ملاك(ابتسمت وتغطي في حزنها): ربي يقدم اللي في الخير
ادم: امين
أنت تقرأ
لم تكن صدفه بل ساقتنا الاقدار
Storie d'amoreقصه تتكلم عن اخين كل شخص فيهم طاح في الحب بدون مقدمات واحد واقف ع كافي وجت بنت حضنته و تطلب منه الاستغاثه والثاني شاف بنت خالته بالفستان مغمى عليها اسعفها للمستشفي و اعترفلها بحبه لها وباقي الاحداث ح تعرفوهن مع الروايه
