الروايه: لم تكن صدفه بل ساقتنا الاقدار ♥.
للكاتبه: وٱسۜيۧ ❤️.
الحلقه: الـسادسـ(6)ــه.
رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.
•••••••••••••••••••••••
(جوا ادم و عزو وبنات كانن كلهن في الصاله يديرن في نوع حلو للعرس ومعاهن باقي خالتهم اللي هنا«خوات فوزيه» وبناتهن وجو يهبل)
ادم (دق ؏ الباب): سلام عليكم
(البنات لبسن وشحاتهن «بنات خلاته»)
ادم: انستو كيف حالكم
خالته الكبيره«فاطمه»: بخير الحمدلله كيف حالك انت العقبال مانشوفوك عريس
(تلاقن عيونهم ادم و ملاك بحركه لا ارديه بس الاغلبيه انتبهوا)
ادم: احمم ان شاءلله ملاك
ملاك: نـ نعم
ادم: نبيك اتديريلي حاجه ناكلها قاعد من الفطور
ملاك (صبت): حاضر هي
(طبعاً الكلام هذا قدام الكل يعني كلهم شافوه وهو ينادي)
فاطمه(طبست ؏ فوزيه): في حاجه بيناتهم
فوزيه: لعند توه لاء ان شاءلله شن ودي
فاطمه: بس لما لحقاته واضح انه في حاجه
فوزيه: والله علمي علمك ادم تعرفيه مايحكيش وان شاءلله يارب
فاطمه: بس يهبلو مع بعضهم
فوزيه: ربي يتمم عليهم ؏ خير
فاطمه يارب
•••••••••••••••••••••••
نرجعو لـ ابطالنا
ملاك: شن نديرلك توست ولا سندوتش ولا انحطلك من الغداء
ادم(قرب منها و مسك يدها وقدامها اشويا و سكر الباب و ردها لمكانها): نبيك انتي
ملاك(ارتبكت): كـ ڪيف
ادم(قرب خطوة): تبيها من اللاخير رايفتلك
ملاك(دفاته): ادم بعد يشوفك حد يفهمنا غلط
ادم(وخر ومبتسم): باهي ديريلي حاجه ناكلها انا لما انجوع معش انشوف قدامي اي شيء قدامي ناكله فـ ديلي حاجه ناكلها قبل ماناكلك
ملاك (حطت يدها في وسطها وبحركه عفويه طاح الوشاح): واللهِ سألتك بالله حبيبي مش انا اللي تمشي معايا لغة الامر
ادم(كرها له ولصقها في الساس وجاء قدامها)
ملاك(غمضت عيونها لما حست بنفأسه): ادم بعدد
ادم: انتي نابشتي
ملاك: شن درت
ادم: قلتي حبيبي
ملاك: ديما لما انتنرفز انقول فيها
ادم(زاد قرب): واللهِ(حط يده على شعرها): وكم واحد قايلتها له
ملاك (تستفز فيه): كم بالضبط مش عارف بس من 35 وفوق
ادم: نعم (قرب منها وخلاص يبي يبوسها)(قاطعهم دقة الباب)
ادم: ازح مش وقتك بكل
ملاك(وخرت و ردت الوشاح ؏ راسها)(بصوت واطي): احسن
(خش محمود)
محمود(مبتسم): هاي
ملاك (زادت عدلت الوشاح): هايات
محمود (غمز لـ ادم): زايط
ادم: تبي كف
محمود: مبردك لوكا ديريلي قهوة راسي بينفجر
ملاك: حاضر هي
محمود (بيطلع): تم ادم جيبها لياء معاك(غمزله)(بصوت واطي): خوذ راحتك مع المدام
ادم: واطي وربي
(طلع محمود وادم متكي ويتفرج عليها اتدير في القهوة)
ادم: يعني اتديري لـ محمود وانا لاء
ملاك: اها
ادم(جاء وراها؛ ويهمس بصوت واطي): مصيرلك طايحه ؏ وجهك
ملاك (لفت بسرعه)(بثقه): تو انشوفو
ادم(زاد قرب): تم
ملاك(دفاته): ادم بعد اوكِ صح انا عطيتك فرصه بس مش للدرجه هذي وربي يشوفنا حد يفهمنا غلط بكل
ادم(وخر وركز في كلامها يعني صح في النهايه هذا عرس واي حد ممكن يشوفهم): تم براحتك (لف بيطلع)
ملاك (جت قدامه الباب بسرعه قبله وسكراته): اوففف فكني من الزعل عاد (الدمعه في عينها)
ادم(ابتسم وقدم باس خدها): مش زعلان بالعكس كلامك صح
ملاك (تجمدت في مكانها من البوسه ماتوقعتهش منه نهائي)
ادم(ضحك ؏ شكلها وهيا متحشمه)
(فاجت القهوة)
ادم(يضحك): عدي للـ قهوه يا مستوها الغاز راح فيها
ملاك(ناضت من الغيبوبه اللي جتها بعد البوسه ولفت بسرعه ؏ الغاز)
ادم(واقف خشت فاطمه خالته عقد حواجبه و رد ملامحه الجامده): احم هيا ملاك جيعان
ملاك: هي حاضر تفضل شيل القهوة لـ محمود و عزو وتعال تلقاني موتيه السندوتشات
(لفت فاطمه ؏ الثلاجه تاخذ في حاجه)
ادم(خذاء منها السفره وغمز): منوره
ملاك (نزلت راسها): نورك عاكس
(جت فاطمه جنبها)
فاطمه (تلقح تبي تعرف اي حاجه): غربيه ادم نادك دون الكل
ملاك(خافت اتكون شافته لما غمز):ڪيف قصدي عادي اول وحده شافها
فاطمه: اها ممكن
(جاء ادم)
ادم:هيا لوكا عاد جيعاااان
(ملاك فنصت فيه)
فاطمه:ماشاءالله والله اول مره انشوفك اتدلع في حد
ادم(تنرفز): خالتي الحوش كله يقول لملاك لوكا انا و محمود والبنات و امي و حتي الحصله عزو
فاطمه : باهي يا اوليدي نسأل انا بس
(طلعت فاطمه)
(ادم ياكل في الخيار و ملاك اتديره في سندوتشات)
ادم(قريب يكمل التبسي): تي هيا اقريب نقعد ارنب
ملاك (ضحكت): الارنب ياكل في الجزر مش الخيار
ادم(جاء قرب منها):(غمز) وادم حـ ياكل ملاك كان ما اتبطلش حركات الاطفال
ملاك (عطاته السندوتشات): تفضل واسقد هيا
ادم: حاضر يمي
أنت تقرأ
لم تكن صدفه بل ساقتنا الاقدار
Romansaقصه تتكلم عن اخين كل شخص فيهم طاح في الحب بدون مقدمات واحد واقف ع كافي وجت بنت حضنته و تطلب منه الاستغاثه والثاني شاف بنت خالته بالفستان مغمى عليها اسعفها للمستشفي و اعترفلها بحبه لها وباقي الاحداث ح تعرفوهن مع الروايه
