မျှော်လင့်ခြင်း မနက်ဖြန် (JIKOOK) (SEASON 2)

19

💕

အင်ချွန်းလေဆိပ်တွင်...

ထွက်ခွာဂိတ်ရဲ့ လက်မှတ်စစ်နေရာနဲ့  မလှမ်းမကမ်းက ခုံတန်းတစ်နေရာမှာတော့...

အတူနေရတာမှ မကြာသေး ထပ်ပြီး ခွဲရဖို့ ဖြစ်လာပြန်ပြီမို့ စိတ်မကောင်းစွာနဲ့ မျက်ရည်တွေကျနေတဲ့ မာမီနဲ့ မာမီ့ပုခုံးလေးကို ဖက်ထားပေးပြီး ချော့နေတဲ့ Jimin။

လိုက်ပို့တဲ့ အငယ်လေးကလည်း မာမီ့လက်လေးတစ်ဖက်ကို ကိုင်ထားပေးလို့ပေါ့။

" အချိန်ခဏလေးပါပဲ မာမီရယ်... ဟိုမှာ မောင့်အတွက် ကိစ္စတွေ အားလုံးပြီးရင် သားက မာမီ့ဆီကိုပဲ ပြန်လာခဲ့မှာမို့ မငိုတော့နဲ့နော် "

မိသားစု တစ်စုတစ်စည်းထဲ နေချင်တဲ့ မာမီနဲ့ မာမီ့ရင်ခွင်ထဲကနေ ခဏခဏ ခွဲပြီး အပြင်မှာပဲ လှည့်ထွက်နေကြတဲ့ သားတွေနဲ့...

အငယ်လေးတစ်ယောက်သာ မာမီ့နားမှာ အနီးကပ်နေပေးနိုင်ပေမယ့် ကိုကြီးနဲ့ Jimin ကတော့ ပညာတွေ သင်ယူဖို့ ခွဲလိုက်ရ၊ တာဝန်တွေ ထမ်းဆောင်ဖို့ ခွဲလိုက်ရနဲ့ မာမီ့ရင်ခွင်မှာ အမြဲ မနေနိုင်ခဲ့ကြ။

" သား Jeon ခွဲစိတ်မယ့်ရက်ကျရင် မာမီ လိုက်လာမှာနော်... ရက်အတိအကျသိရရင် မာမီ့ကို ဖုန်းဆက်ပေးနော် သား Jeon "

ငိုနေရင်းနဲ့ မာမီ့က မောင့်ကို လှမ်းပြောတော့ လေဆိပ်အပေါက်ဝကိုပဲ လှည့်ကြည့်လှည့်ကြည့် လုပ်နေတဲ့ မောင်က မာမီ့ဘက်ကို လှည့်လာပြီး

" ဟုတ်ကဲ့ပါ အန်တီ... ကျွန်တော် သေချာသိရပြီဆိုတာနဲ့ ဖုန်းဆက်ပေးပါ့မယ် "

မာမီ့ကို ပြုံးပြနေတဲ့ မောင့်အပြုံးတွေမှာလည်း အသက်မပါခဲ့။

လျော့တိလျော့ရဲ အဲ့ဒီ အပြုံးတွေရဲ့နောက်ကွယ်မှာ မောင့်ရဲ့ မျှော်လင့်ချက် ရောင်ခြည် ခပ်ပါးပါးလေးကို Jimin မြင်နေရတယ်လေ။

မနေ့က ညကတည်းက မောင့်အမေကို သူ ဖုန်းဆက်ပြောပေးထားတာ။