إنتقام الجبابره"احفاد المنشاوي 2"

الفصل السابع"عناق دافئ"

‏"التقيتُ بك فتصالحتُ مع العالم، عفوت عن الغائبيِن، وعذرت كل الرّاحلين، منذ أن التقيتك وأنا أرىٰ أن لا شيء يدعوا للغضَب إلا غيابك."

من كافكا إلى ميلينا »»

كانت تجلس في حديقه القصر الواسعه وامامها لوح خشبي كبير وعليه بعض الاوراق التي تقوم بالرسم عليها فهي مهووسه بكل شيء يختص بالرسم بعد ان حققت حلمها ودلفت كليه الفنون الجميله كما تحب تجلس علي الارض وهي تقوم برسم ذلك الذي سرق قلبها بدون ذره رحمه بل ولم يلحظ حبها له كانت تتعمق في ملامحه الرجوليه مظهره وهو يجلس علي الحاسوب الخاص به يعمل عليه بجديه كبيره حتي لاحظ هو نظراتها له ثم تحدث قائلًا..

: جرا ايه يا جنه ياختي انتِ بتصوريني ولا ايه؟

نظرت له بضجر وهي تهتف من بين اسنانها

: خليك في شغلك يا مصعب بدل ما اجي ازعلك

ترك مصعب الحاسوب من يده وهو يلتفت لها بسرعه كبيره قائلًا..

: تزعليني انا يا بنت ريان

رفعت احدي حاجبيها بأستنكار وهي تقول له بطريقه "الردح"

: ومالها بنت ريان يا ابن رحيم؟

: انتِ بتردحيلي يا جنه؟

: ما انت اللي عايش دور توم كروز وانت مصعب عادي يعني

نظر لها مصعب بخبث

: يخرابي علي مصعب اللي طالعه من بؤقك زي المهلبيه بالقشطه كده

نظرت له بقرف قائله

: ولا اظبط بدل ما اظبطك وجو الشقط ده تعمله بره مش هنا ومع اي بنت تانيه مش بنت ريان الخديوي يا ابن السويسي

قالت حديثها وذهبت اللي الداخل بوجه غاضب بينما الاخر ينظر لها ببلاهه من حديثها ثواني حتي ابتسم قائلًا..

: مجنونه بس قشطه

انهي حديثه وتبعه ضربه علي رقبته من الخلف تزامنًا مع حديثه الساخر يعرفه عن ظهر قلب ولم يكن سوي"آدم"

: واخيرًا اتهبلت يا مصعب بتكلم نفسك ياض

: ياخويا واللي يحب جنه مش عايزو يتهبل ده البت عليها لسان زي الساطور ده رمتلي جمله جابت اجلي

: احسن تستاهل

: حرام عليك يا آدم ده انا بعشقها ياجدع

: وانت عايزها تصدقك ازاي يا زير النساء ده انت بتغير البنات اكتر ما بتغير هدومك يا منتن

اغمض مصعب عينيه بتعب قائلًا..

: انا مش بهزر يا آدم عايزها تحس بيا بجد انا تعبت

: عايزها تحس بيك؟ صلح من نفسك ابعد عن البنات يا مصعب

اومأ له مصعب قائلًا