ظلامُ الشمس
سلام بنات شلونكم
اليوم اول بارت من الروايه ان شاء الله يعجبكم 💖
.....
ضجيج وازعاج بالطياره واني نايمه بس اسمع الاصوات اخذت نفس وحسيت توني غفيت فزيت من حسيت بشي وكع يمي دنگت اشوف لمحت شخص نازل كانه يدور على شي تحركت وهو حس رفع راسه وصارت عيني بعينه بقينا لحظات لحد ماهو همس
اسف جدا اعتذر فززتج من النوم بس وگع موبايلي ونزلت اخذه
مسحت وجهي بتعب وكلت لا عادي ورفعت رجلي وكتله
اخذ راحتك
سحب الموبايل وگف رجع اعتذر مره ثانيه
اعتذر مره ثانيه رحله سعيده
ابتسمت هزيت راسي بشكرا وهو ابتسم وراح
مادري شجاني ورجعت التفتت عليه وهو التفت مبتسم درت وجهي وكلت ثول شبيج تباوعيله
رجعت اكمل نومتي انتبهت البنيه الي بصفي ماكو ماهتميت ورجعت غفيت
مرت ساعه تقريبا وفزيت على صوت التنبيه الطياره راح تهبط عدلت نفسي وتحضرت شفت البنيه الي يمي موجوده ابتسمتلي ورديت الابتسامه وهي كالت
ساعتج واكعه
عقجت وجهي ساعتي؟ اني مالابسه ساعه نزلت اخذتها ونطتنياها كالت هاي
اخذتها منها وبقيت ادقق بيها تذكرت هاي ساعته التفتت ادور عليه ماكو
هبطت الطياره ونزلو الركاب ظليت افتر ادور عليه حتى انطيه الساعه بس نفسي فرحانه راح ارجع اشوفه بحجة الساعه مادري ليش بس شعور غريب ظليت ادور مالكيته كلت خلي انزل واشوفه بالمطار
نزلت بالمطار ظليت اتلفت ماكو لمحت شخصين واكفين يلوحولي بيدهم ضحكت ورحت اركض
ريممم
شمس
لج تعالي مشتاقتلج
حضنتها وحظنتني وكعدت تبوسني وثنينا فرحانات باوعت وراها
احمد
ضحك ومد ايده يسلم وكال موتتني مكعدتني من ال4 علمودج
ضحكت وانداريت بستها وكتله غصبا عليكم صديقة روحي هاي
ضحكنا ومشينا نطلع نسيت موضوع الساعه
بالباب ولمحته طلع التفت اروحله وسحبتني ريم
ريم: يلا امشي اليوم اغديج واوكلج وادللج تدلل يلاا
شمس: لا والله ماكدر اليوم اريد اروح اشوف وضع البيت وارتبه وباجر عندج
هزت راسها ب لا وكالت ممنوع والله ماخليج
شمس: لا والله ماكدر بس اليوم اروح ارتاح وارتب وضعي واوعدج الاسبوع كله راح ابقى يمج
ريم: مستحيلللل ابد لاتحاولين
