احمم فراشاتي شلونكم اشتاقيتلكم اسفه عالانقطاع ادري طولت هالمره بس عذروني جنت مريضه ومثل متعرفون عندي ظروف وتفاعلكم هم مايساعد بس مع ذلك كتبتلكم بارت يخبلل 💕💕🦋🦋
أن تنتهي خطواتنا
بنهايات تستحق ،
نستريح فيها مِن السير ،
وألا يتعثر أحدً الإ في المسرَات
أن يكون ما مَضى مِن الحُزن
كافٍ لئلا يُعاد مرة ثانية .💖
___________________________
بديت ارجع لوعيي واصحى من حسيت ايد تمسح على راسي واصوات تبسبس يمي فتحت عيني اخيرا شفتهم كلهم مجتمعين بالغرفه علي كاعد بصفي ويمسح على راسي وماما ملك يم رجلي واسماء واكفه على الجهه الثانيه وبابا سامي وعمر واكفين بزاوية الغرفه ظليت ادور بعيوني استوعب وكلت
شصاير؟
ماما ملك: ماكو شي حبيبتي دختي ووكعتي لاتخافين
علي: شلون دختي يوجعج شي احجي؟
مم... مادري بس راسي ديأذيني
حجيت هيج ولزمت راسي اعصره بايدي متألمه
علي: نروح للمستشفى نوديج؟
لا مايحتاج بس اريد ماي
اسماء: اي تفضلي اشربي
ملك: جوعانه تريدين اسويلج اكل شنو تحبين؟
لا ماريد شي بس اريد ارتاح
سامي: اي يلا عوفوها ترتاح امشو نطلع
ملك: امانه شنو تحتاجون دزو عليه
علي: صار ماما
اسماء: ديري بالج على روحج عمري
ان شاء الله
ابتسمتلهم ابتسامة مجامله حتى يلعون واحجي ويه علي طلعو عافونه وحدنا
باوعتله شفته يرجف وقلق صارت عيوني بعيونه
علي: خوفتيني كلش خفت عليج
علي
ها يابعد روحي
حضنته وانفجرت ابجي واشهك وهو يحضننيي ويهدأ بيه وكال
اششش لاتبجين خلص انتهى
ماخلص ولا انتهى
انتهى صدكيني لاتخافين اني يمج
ليش ماعدمتوني؟
