سلام 👋
شلونكم فراشاتي بعد انقطاع ايام
جنت مشغوله ماكدرت اكمل
القصه بس وقت فراغي داحاول اكتبلكم
اليوم جايبتلكم بارت جميل لطيف خفيف
ادري لحيت يلا
اللهم صلِّ على محمد وآل محمد 💚🤍
.............................................................
" بسم الله الرحمن الرحيم "
شمس**
راح وظليت بقلق تأخر كلش وقلقي زاد ودموعي ماتنشف واني اتذكر المواقف الي صارت واكول معقوله راح يتحاسبون على الي سوو بيه صارت ساعه 2 الفجر وهو ماكو تعبت كلش تعبت وبطني مغص خفت على الجنين حاولت اهدأ نفسي
مرت فتره قصيره تقريبا ساعع ونص اكثر وسمعت الاذان شجعت روحي وكمت توضيت كلت بس ربي يسمعني اصلي وبلكي اهدأ شوي صليت كملت صلاة وبقيت ادعي واتوسل رب العالمين واحسني ارتاحيت شوي ساعه بقيت ادعي
ماحسيت على نفسي من غفيت على المصلايه حسيت نفسي انرفعت فتحت عيني شوي اشوف علي وهو شايلني من التعب ماكدرت احجي لو افتح عيني
حاوطت رقبته نزلني عالفراش وجر الغطى يغطيني لزمت ايده وحجيت بتعب
ليش طولت؟
علي: نامي ومن تكعدين اسولفلج مو وكتها
علي
نعم
لزمتوهم مو؟
نامي بويه انتي تعبانه
لاتروح
يمج اني لاتخافين
صدك تعبانه مالي حيل اطول واسمع صدمات نمت وكعدت الظهر ساعه 1 مالكيته
رحت للمطبخ لكيته جايب اكل وحاطه عالميز وحاط ورقه صغيره كاتب لاتخافين بالليل ارجع احجيلج اكلي زين الطفل يحتاج تغذيه
كلامه قلقني بس احس نفسي بامان كعدت اكل
وتذكرت ريم واكول يتذكروني لو نسوني معقوله خلصو مني ما اخفي عليكم احيانا يجيني شعور الانانيه واكول اني ليش مجبوره اتحمل كل هذا علمودهم بس اتذكر فضلهم عليه ما انساه
رحت سبحت وبدلت وظليت افتر بالبيت ماعرف شسوي ماريد اكعد نظفت البيت وسويت كهوه وكعدت اشرب بعدين رجعت افتر صابني فضول ادخل لغرفة علي الي ينام بيها لان غرفة نومه اني ماخذتها او بالاصح هو انطانياها
ماكدرت اتحكم بفضولي فتحت الباب طلع مكتب وبي سرير صغير ولوحات دخلت لا هذا مرسم رحت عالمكتب لكيت اوراق رسم واقلام والوان
عاد اني هذذن نقطة ضعفي طلع الاستاذ رسام اخذت اوراق والون وكعدت ارسم اخذت راحتي نسيت نفسي مر الوكت كله اني كاعده بغرفته ارسم تثاميم جديده احسني ارتاحيت بالرسم
