"بسم الله الرحمن الرحيم"
سلام حبيباتي
المفروض البارتات انزلهم بشكل يومي بس انشغلت شوي
وهالفتره يمكن يتأخرون هواي
المهم هذا بارت جميل
قراءة ممتعه 💖
تخسر شيء ثم يعوضك الله
كانك لم تخسر شيء
___________________________
علي**
شمس: انت منو؟
انصدمت من سؤالها معقوله فقدت الذاكره لو شديصير رفعت عيني للممرضه ونظرتلها بنظرات معناها شديصير؟
مينا: ممكن تطلعون برا؟
اخذت ادم وطلعنا من الغرفه واني مصدوم وخايف لاتكون فقدت الذاكره او بيها شي
انتظرت 10 دقايق وطلعت الممرضه
شنو بيها ليش ماعرفتني؟؟
مينا: انطيتها مهدئ ورجعت نامت الافضل تتصل بدكتورتها وهالشي طبيعي متتعرف لان جانت بغيبوبه وشهر
زين ليش الدكتوره؟
مينا: لازم تجي تشوف الحاله وتغير طريقة العلاج وخصوصا الحمل ممكن يتأثر
تمام شكرا راح اتصل على الدكتوره
فعلا اتصلت عليها وشرحتلها الي صار واجت تشوفها
فحصتها وغيرت علاجها
الطبيبه: المريضه تعبانه جدا ولازم ترتاح واذا ماكدرت تتعرف عليك هذا شي طبيعي حاليا حتى نفسها ماتعرفها شوي شوي راح تتعرف على نفسها وعليكم والجنين بخير بس لازم تنتبهون اكثر
شكرا دكتوره
عفوا
راحت الدكتوره وظليت يمها انتظرها تفتح عينها مره ثانيه وبداخلي تساؤلات راح تعرفني وشنو ردة فعلها من تعرف بالحمل معقوله هي تعرف؟ قاطع افكاري ادم دگ الباب
ادم: لاتفكر هواي هسه تصير زينه وتكوم واذا شافتك هيج حالتك ترجع تنام
علي: لك شبيها حالتي
ادم: لا مابيها بس مبهذل وعيونك حمر و...
انجب لاتمسلت زايد غبيي
ادم: هسه شكلنا احنا عيني
كتلك لاتمسلت
خوش
شو مطلعت للشغل؟
بطلت
ليش؟
مارتاحيت
حضرة جنابك تظل هيج؟
دادور شغل ثاني لاتخاف
مينا: لازم ابدل السيروم
طبعا تفضلي
اجت تبدله وادم يتمشكل وياها يكللها
ادم: غلط مو هيج
