سلام بنات شلونكم
محضرتلكم بارت يجنن وكله احداث وصدمات
واليوم حناخذ وجهة نظر علي
وراح تظهر شخصيات جديده شلونه حماسكم؟
🔥🔥🔥💕
بسم الله الرحمن الرحيم.
__________________________
دخت واغمى علي فتره فتحت عيني شفت علي فوگ راسي ومناظرني اكعد واني نايمه عالجربايه فزيت ابتعدت منه وكال
علي: لاتخافين اهدأي اغمى عليج من التوتر يمكن
هزيت راسي اي وكعدت
شنو راح نسوي؟
علي: شوفي راح نمثل علساس نحب بعض وحنت خاطبج واخر مره التقينا بالطياره رجعنا سوا وبعدها اختفيتي
اممم
وعلساس اني جنت ادور عليج وبعدين ايست عبالي خنتيني وانهزمتي
ايي وبعد؟
وانتي اتصلتي عليه وكلتيلي ساعدني اني مخطوفه
لااا مستحيل ماكول هيج
ليش؟
ماكدر
مهدديج؟؟
توترت وكمت لاا بس ماكدر
افهمي مفتاح نجاتج هذا
ماكدرر لاتضغط علي
شوفي اذا اكو شي كوليلي اكدر اساعدج
ماكو شيي
تمام براحتج اذا تعبتي نامي واني راح اكعد هناك ما ازعجج
ماشي
تمددت افكر مرت ساعه تقريبا لمحته كاعد يدخن وبيده موبايل ومدنگ عليه
موافقه
على شنو؟
اكول اني طلبت مساعدتك
صدكيني ماراح تندمين واذا خايفه عليهم لاتخافين ماعدنا معلومات عنهم بس دندور
فتحت عيني مصدومه معقوله عرف بريم واحمد واني ساكته علمودهم توترت وكتله تصبح على خير ونمت هو ظل كاعد
كعدت الصبح هو منتظرني حتى نطلع وطلعنا رجعوني للسجن ورا ساعه اجو اخذوني لغرفة التعذيب يريدون يحاولون اخر مره قبل المحاكمه
ماعترفت بس جسمي ماحس بي روحي طالعه وابجي واشهك واكو وحده تباوعلي هي تجيبلي رسائل تهديد من العصابه ودتراقبني حتى توصللهم خبر انو ماعترفت
نمت كعدت بالليل سبحت وطلعت كعدت صافنه بالفراغ شنو راح يصيرلي مصيري مجهول وريم شلونها هسه اني صح مكسوره منهم شوي لان مادورو عليه ولا اجوني بس رغم ذلك عذرتهم
ظليت افكر تعبت غفيت وحسيت احد يكعدني صار الصبح وكعدوني حتى اتجهز للمحكمه سبحت ولبست تراك شتوي لان الجو بارد ولبست عليه جاكيت
