السلام عليكم بنات شلونكم حبايب گلبي التفاعل عالقصه مو حلو يمكن راح اوقف كتابتها لان داتعب وكوه داكتب عندي ظروف وداحاول اكتب بكل فرصه تصيرلي
المهم اليوم البارت يجنن بي اكشن وحركات حلو لطيفف
يُحب يديَّ
وأُحب يديهْ،
نحن نتشابه كثيرًا، كُلٌ منا يمتلك
صفات الآخر..
__________________________
« بس الله الرحمن الرحيم»
علي: كتلو ابويه كتلووه يجذبون مايحجون الحقيقه
يحجي بخنكه ويبجي واني كاعده كدامه على ركبي واسأل
منو علي جاوبني فدوه
ساكت مايجاوب بس يشهك ويبجي مدري شصار بحالي اول مره اشوفه هيج ويه كل شهكه من شهكاته احس روحي تطلع وگلبي يتگطع گمت كعدت يمه سحبت راسه وخليته بحضني وحضنته واحس بايده حاوطت خصري حضني بقوه ويشهك
حاولت هواي اخليه يحجي بس ماكو فايده كل محاولاتي هباء
عفته يرتاح بقينا ساعه على نفس الوضع شفته هدأ شوي صرت امسح على شعره وبحركه لا اراديه طلعت مني نزلت ايدي على عيونه اتلمس بيهن وهو بقى ساكت ماتحرك ولا انطى ردة فعل
نعست بس هو بعده ساكت مقهور عبالي يحجي بس ماكو شوي وحسيته غفى ماكدرت اكعده رجعت راسي وغفيت بمكاني عالتخم
فزيت من حسيته رفعني حاوطت ركبته وخليت راسي على صدره وغفيت للصبح كعدت تذكرت الي صار بسرعه رحت لغرفته ادور عليه مالكيته طالع
رحت سويت روتيني اليومي كالعاده ظليت افتر طلعت مسلسل وتذكرت مينا الي هي صارت صديقتي باخر فتره لازم احجي وياهه واتطمن عليها
كمت اسوي غدا ماعرف بس طلعت دجاجه وقطعت بصل وجبت بهارات وصلصات اجيت واحط واخلي بكيفي صارت خبيطه ماعرف تطلع يبه لو لا بس المهم اشغل نفسي لان مليت وحدي لاتلفون لاصخام حالي حال المسجون
شويت الدجاجه وكملتها طلعتها من الفرن وكعدت اكل طلعت مقبوله يعني لابأس بيها احسن من ماكو اكلت شويه لان وحدي تنسد نفسي واشبع بسرعه غسلت ورحت للغرفه انام شوي نمت بس فزيت على حركه يمي حسيت احد ديغطيني
باوعتله شفته هو كتله
ساعه بيش؟
ب8
