سم الله الرحمن الرحيم
مرحبا بنات اسفه عالتأخير
ايوم جبتلكم بارت يجنن مليان حب ومشاعرر
اريد تفاعلكم الحلو
اخبروا قلوبكم أنها تستحق الفرح واملؤوها بالابسامه، واستودعوها الله، وكونوا مطمئنين. فالسعادة ليست حلما ولا وهما ولا بامر محال! بل هي تفاؤل وحُسن ظن بالله؛ وصبر بغير استعجال. 🤍💕
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سمعت صوت الرمي وسد الخط واني تخبلت اتصل عليه مايرد متت خوف وقلق والف فكره وفكره براسي رجعت اتصل على عمر ماعندي رقمه اسماء هم ماترد طلعت من الغرفه رحت لغرفة ماما ملك
شمس: ماما الحگيلي
ملك: اسم الزهره بنيتي شبيجج
شمس: جنت احجي ويه علي وصار رمي واتصل عليه مايرد واسماء هم ماترد فدوه خابري عمو راح اموت والله
ملك: اسم الله حبيبتي هسه هسه راح اخابره اهدي لايصير بيج شي
شمس: اي فدوه استعجلي
اخذت تلفونها تتصل واني اكلت اظافري من القلق كلبي يدك سريع ودخت ماكو ررد نفس الباقين
ها خاله شنو مايرد؟
بس اهدي بنيتي لاتخافين هسه يرد
ماكو مايردوون اكيد صاير شييي
اسم الله بنتي لاتفاولين ان شاء الله ماكو شي هسه يتصلون علينا ويطمنونا
عمرر عمر خاله شوفي عمر بلكي يرد
ماشي
اتصلت عليه وطبعا مايرد مادري ليش كلهم اختفو فجأه اباوع لماما ملك هم قلقت بس تحاول ماتبين كدامي
اووفف والله راح اموت ليش محد يرد
بنتي حبيبتي بس اهدي وادعيلهم لاتفاولين
ان شاء الله خاله ان شاء الله ماكو شي
اي حبيبتي تعالي وياي نحضرلهم العشى
اي نحضره يلا
رحنا للمطبخ وطلعت صدر دجاج نطتنياه وكالت
هاج بنيتي قطعيه واني راح اسوي الخضروات
ماشي
اخذته منها واخذت السجينه وبديت اقطعه وبالي سارح وافكر خايفه وبدون لا انتبه جرحت اصبعي وعطت
