လေတဖြူးဖြူးတိုက်နေတဲ့ တောင်ကုန်းလေးပေါ် fotလမ်းလျှောက်လာသည်။
ဟိုတစုဒီတစု အလေ့ကျပေါက်နေတဲ့ ပန်းခင်းလေးတွေကြောင့်ပိုပြီး မျက်စိပသာဒ ဖြစ်ပြီး အေးချမ်းမှုကလေးခံစားရတာမို့ fot တော်တော်လေး သဘောကျနေမိသည်။
ပန်းခင်းအစုလေးတွေကိုလိုက်ကြည့်ရင်း တနေရာအရောက် ရပ်ကာ ငေးကြည့်မိသွားသည်။
အေးချမ်းလိုက်တာ.....
ပန်းခင်းတခုရဲ့အလယ်မှာ ပန်းရောင်ဂါ၀န်ကလေးနဲ့ ကောင်မလေးတယောက်က လှဲအိပ်နေတယ်။
သူမမျက်နှာလေးက ပြုံးနေပြီးလိုက်ခပ်လာတဲ့လေနုနုလေးဆီမှာပဲ စိတ်တွေကို ထားထားပုံရသည်။
Fotလျှောက်လာတာကို ထိုမိန်းကလေး သတိထားမိသေးဟန်မတူ။
fotလဲ မနှောင့်ယှက်ချင်တာနဲ့ ဘေးကဖြတ်လျှောက်သွားဖို့လုပ်လိုက်ပေမယ့် fot လက်တဖက်ကို ရုတ်တရက်လှမ်းကိုင်လာသည့် ထိုမိန်းကလေးကြောင့် လန့်သွားသည်။
" Khun...ကျနော့လက်ကိုဘာလို့လှမ်းဆွဲတာလဲ ထလို့အဆင်မပြေလို့လားဗျ"
Fot ဆွဲထူဖို့ နောက်လက်တဖက်ကိုလှမ်းလိုက်ချိန်
"ဘာလို့ကျမကို နာကျင်အောင်လုပ်ရတာလဲ...Khun သိလား ကျမဘယ်လောက်နာကျင်ရလဲဆိုတာ ကျမ နာတယ် အရမ်းနာတယ် "
သူမရဲ့မျက်နှာဟာ ခုနကလို အပြုံးနုနုလေးမရှိတော့ပဲ မျက်၀န်းတွေမှာ သွေးတွေပြည့်အိုင်နေကာ မျက်နှာတခုလုံးလဲ ပွန်းပဲ့နေသည်။
သူ့လက်ကိုဆွဲထားတဲ့ လက်တဖက်ဟာလဲ ဒဏ်ရာများစွာနဲ့ အရမ်းအကျဉ်းတန်နေသည်မို့ fot နှလူံးခုန်နှုန်းတွေမြန်လာပြီး နဂိုက ကြောက်တတ်သူမို့ သူ့ကိုဆွဲထားတဲ့လက်တဖက်ကို အတင်းဆွဲဖြုတ်ရင်း
"ကျနော်တောင်းပန်ပါတယ်၊ khun ကိုနာကျင်စေဖို့ တကယ်မရည်ရွယ်ခဲ့ပါဘူး၊ ကျနော်လက်ကိုလွှတ်ပေးပါနော်၊ တောင်းပန်ပါတယ် ကျနော် တောင်းပန်ပါတယ် ...အီးဟီးး....တောင်းပန်ပါတယ် "
"အားးးးးး ကျမနာတယ် အရမ်းနာတယ် အားးးးးး"
အသံနက်ကြီးနဲ့ အော်နေသော ထိုမိန်းကလေးရဲ့မျက်နှာဟာ ဦးခေါင်းကနေစပြီး သွေးတွေစီးကျလာတာမို့ fot ကြောက်လွန်းအားကြီးလို့ လက်တွေအတင်းဆွဲဖြုတ်ရင်း ပါးစပ်ကလဲ တရစပ်တောင်းပန်နေမိသည် ။
YOU ARE READING
Invests With Heart (Completed)
Fanfictionကျနော်တို့ နောက်ဘယ်တော့မှ ထပ်မတွေ့ကြရအောင်ပါ Khun Gemini Fourth Nat ...ကိုယ်တို့တယောက်ကိုတယောက် သိသိရက်နဲ့ရော မသိပဲနဲ့ပါ ထိခိုက်နာကျင်စေခဲ့တာ တွေ၊ ဆုံးရှုံးနစ်နာစေခဲ့တာတွေအရမ်းများခဲ့မှန်းကိုယ်သိပါတယ်၊ ဒါပေမယ့်..... ...
