دخلت لدارنا ننهج جات ليا ماما نخلعت كي شافتني في هاذيك الحالة
ماما: واش بيك يا بنتي وجهك صفر ؟؟
رلين: والو ماما كلب جارنا جرا ورايا هذا مكان
ماما: معليش بنتي هاتي نشد عليك علابالي عييتي
في قلبي"آه يا يما شحال رفدتي على جالنا سمحيلي خبيت عليك معنديش شكون في كتافي من نهار تزوجت ختي قبل متطلقو"
رلين: ماما داخلة ندوش
ماما: اوك بنتي
وجدت صوالحي بلخف كملت جبدت شعري و لبست بيجامتي الناس كامل راقدة و انا نرسم و نكتب فالأقوال حتى للفجر باش نرقد يعني الأرق
نضت الصباح على صوت تيليفوني راهي 7 نضت غسلت وجهي و حاسة روحي مانيش مليحة لبست سروال و تريكو و اديداس بنفس لون حياتي الأسود و خرجت من دار نستنى في صحبتي ماجاتش عيطتلها مرفدتش شفت الساعة لقيتها 8:05 😱 راح الحال .. حبست قدامي طونوبيل كامل كحلة حطولي قماشة على نيفي و مبعد محسيت بوالو
امال: راهي عندك ضكا اعطيني دراهمي
الراجل: عندي ثلث سنين و أنا نلحق فيها و هي ترفضني نعطيك فوق حقك هاكي 10 ملاين و نساي بلي تعرفيني
امال: هاذي هدرة ههههه نتا شكون
انا كنت فاطنة بصح محبيتش نبينلهم و سمعت كلش بوذني صحبتي و رفيقت عمري عشرة تاع ثلث سنين بدلتني بالدراهم و سخ الدنيا .. جا ليا قالي: نوضي علابالي راكي قاعدة حسيت العالم حبس دمي جمد
رلين: شكون نتا علاه جبتني هنا ؟؟
عمر: انا عمر حبيبك و راجلك المستقبلي هههه
رلين: تعيشلك يماك طلقني منحبش نخلي ماما وحدها فدار تكون تقلقت عليا
عمر: هههههه علاه حلوة هكا حبيت نحكي معاك برك
رلين نهدر و نبكي: منحبش نحكي معاك طلقني نروح علاش رابطني
قرب ليا شدلي وجهي يبوس فيه بكل غل و حقد .. فكلي الرباط و نحى حزامو و ضربني ضربني ضربني مع كل ضربة نعيط لربي سبحانو هذا واش نشفا قبل منفقد وعيي
بديت نحل في عينيا راسي باش يطرطق و لحمي كامل يسطر شفت روحي في بلاصتي و في شمبرتي .. دخلت ماما و في يدها الماكلة انا ناكل و هي تخزر فيا قالتلي: راكي شافية واش صرالك
رلين: لالا
ماما:طحتي من الدرج و جابتك امال
على هدرتها لسقتلي الماكلة موحال كنت راقدة ولا تخيلت .. يتبع
