وصلت لسبيطار سقيت عليها فالإستقبال قالولي راهي في غرفت العمليات .. غاضتني حنونتي رحت نستنا قدام غرفة العمليات ساعة زوج ثلاثة خرج الطبيب
الهام : كيفاش راهي
الطبيب خسرت بزااف دم و حبس قلبها مرتين .. الزجاج دخل في ظهرها في مناطق خطيرة من العمود الفقري و في رقبتها (راني غير نخرط 😂😂)
الهام : و ضكا راهي مليحة
الطبيب : نستناو 48 ساعة إذا مافاقتش راح تدخل في غيبوبة
الهام : مارسي دوكتور
بقيت نخمم عليها مسكينة .. خرجوها لغرفة الإنعاش .. نشوف فيها من الزجاج معمرة خيوطة .. و فهد المودير هنا واش راه يدير
البوس : اكيد تفاجأتي
الهام : نتا هو فهد لي حكاتلي عليه 😱
البوس : انا بالنسبة ليها الجحيم
الهام : رجلك و يدك راهو ملاح
البوس: كسر في رجلي و شق في يدي .. انا عادي المهم هي تنوض
إلهام : انشاء الله
شفتها حركت يدها رحت نجري لطبيب جا فحصها لقاها تجاوزت مرحلة الخطر
الطبيب : أول حالة شفتها كيما هي يعني حابة تعيش "الموت مقدرتش عليها "
البوس : شكرا دكتور
الهام : ندخل نشوفها
الطبيب : ادخلو و متعبوهاش بززاف
لبسنا هاذيك اللبسة تاع سبيطار و دخلنا
رلين تحكي بسيف : ف ه د
البوس : يا روح فهد .. راكي تتوجعي .. خصاتك حاجة ؟؟
رلين : و ا ش ص را
البوس : كاين لي قطع الفران حابني نموت كون ماشي نتي كون ...
رلين : شووووووت لالا
الهام : نقصو هدرة راهي مريضة لالا
البوس : نسيناك كامل نتي 😂😂😂
فاتو 5 ايام و خرجت صديقتي الوحيدة من السبيطار .. في هاذو 5 ايام شفت الحب و الخوف على بعضاهم رلين و فهد عنوان لقصة حب كلها آلام و أحزان و جروح كيما قالت رلين #قصتي و الشيطان
و هذا واقع كل واحد فيها يحب و يتحب إلا أنو مفهوم الحب يتغير عند كل واحد رلين عرفت الحب على طريقتها
رلين : الحب يأتي دون سابق إنذار كمرض السرطان فيفتك بصاحبه إما يجن أو يموت 😘
رلين تحكي :
وصلنا لدار تاعبة علخر .. ظهري يوجع .. و نمشي بسيف شادة في إلهام و فهد .. قرر فهد أنو نتزوجو .. وافقت أكيد بعد يومين عرسي مع حب حياتي خايفة شوية من ردة فعل إبني أصلان ان شاء الله يتفهم الوضع بسهولة .. إلهام تعرفت على عمر و راهي كل يوم تحكي معاه و أنا نشم في ريحت الحب ههههه .. يونس مات و حضرنا جنازتو 😢 قسملي قلبي غير هو لي حس بيا و كنت نشكيلو كان حنين معايا بزااف .. اب يونس متحملش فراق وليدو انتحر 💔 هاذي هي الدنيا يا خسارة يا ربح 💐 شركة فهد غير تزيد تكبر و عرف انو يونس يكون وليد عمو و اصلان الحمد الله تقبل زواجنا و تقبل أنو باباه يكون فهد حب حياتي و تاج راسي خلاص راح نولي حلالو 💍 لعقوبة لكامل لبنات لي راهم يقراو مع لي جا في بالهم .. يتبع
