البوس يحكي :
كنت قاعد نشرب فالقهوة حتى دخلت بانت مختلفة تماما و تشبه لماما .. قعدت نخمم قادرة تكون ختي بلا منحس كسرت الكاس بيدي و بدات تسيل بالدم .. طالع فالدرج
رلين : حبس نحكي معاك دقيقة .. أووو 😱 يدك واش بيها
اول مرة شفت وحدة خايفة عليا كيما هي
البوس : والو
داتني لشمبرتي و عيطت لطبيب مبعد مزدتش شفتها
رلين تحكي :
كنت رايحة نحاسبو على أفعالو معايا حتى لقيت يدو بالدم دار عليا قلبي 😵 ديتو لبيتو عيطت لطبيب .. حسيت بمغص في بطني رحت نجري رجعت كامل واش كليت .. جبت حبة ليمون 🍋 و قعدت نشم فيها حتى دخل لغرفتي
رلين : يدك راهي مليحة .. واش بيها
البوس : والو .. واش بيه وجهك صفر
رلين : عندي يومين قلبي يدور و نرجع بالاك كاش ماكلة ماجاتش عليا
البوس : لبسي نستناك تحت
رلين : بصح ...
قاطعني : هدرتي منعاودهاش
رلين : اوك
لبست و هبطت رحنا لسبيطار (مستشفى) الخاص بالعصابة تاعو قالولي لازم ديري تحاليل دم .. جاو يجبدو مني دم بلبرا 💉 خفت دورت راصي و شديت فيه تكربت من لمسة يدو فوق شعري حسيت أول مرة بشعور غير طبيعي .. رجعنا لدار تعشينا و رقد كل واحد في بيتو
أصبحنا و أصبح الملك لله
ليوم يخرجو التحاليل لي درتهم نضت نحوس عليه لقيتو في بيتو يبدل فالباصمة مقدرش عاونتو و فكرتو فالتحاليل
رلين : حابة ناكل شورما 😋
البوس : صباح ربي ؟؟
رلين : انا ختك جيبهالي جيبهالي راهي في بالي ضكا ضكا
البوس : اوك باي
بقيت نتبع فيه و هو خارج .. قعد ساعتين و جا
البوس : رلين رلين
رلين : راني فالكوزينة
دخل لقاني ناكل كيما ذراري الصغار .. شاف فالخدامة خرجت
البوس : راكي حامل
لسقتلي الماكلة : كح كح كح كك كيفاش راني حامل
البوس : عندك بب في كرشك
و توشالي كرشي ضربتلو يدو و طلعت نجري تفكرت ماما و بابا و ختي كامل شريط حياتي فات قدامي بكيت حتى شبعت .. تفتح لباب مسحت دموعي
البوس : كاينة مهمة ليوم و لازم تكوني فيها
رلين : حالتي حالة 😢
البوس : ساهلة ضك تجيك الحفافة
رلين : مانيش حابة هاذا بب
البوس : نحي الفكرة من بالك
خرج و جات الحفافة سقمتني محبيتش حتى نشوف روحي لبست روبة قصيرة بزااف و عريانة من الظهر و طالو و خرجت لقيتو يستنا هو و جماعتو .. ديمارينا .. حبسنا قدام قصر .. دخلنا فيه حفلة و كامل أعضاء المافيا هنا
البوس : شوفي كاين وحد الجهاز صغير في صاكك نستحقك ديريه في جيب يونس و نتي دبري راسك
رلين : اوك .. نروح للحمام و نجي
كي رحت لحقني يونس كي دخلت دخل و غلق الباب وراه
يونس : صدفة شابة
جبدت هذاك الجهاز بلا مينتبهلي و بقيت نقرب ليك حتى لصقتو مع الحيط و غطست في بوسة معاه حتى تفتح الباب
رلين و يونس : فهد
البوس : سمحولي قاطعتكم
رلين : لالا استنا ماراكش فاهم
خرج و خلاني .. خرجت وراه مالقيتوش .. رحت نمشي فطريق معلابيش وين رايحة موهيم نبعد من هاذيك البلاصة
البوس يحكي :
بعد ما راحت رلين شفتو كي لحقها خفت عليها .. لحقتهم كي فتحت الباب لقيتها تبوس فيه يعني هي تقربت منو .. شعلت فيا النار و معلاباليش رحت و خليتها وحدها حوست عليها بزااف مالقيتهاش فص ملح و ذاب عرفت أنا خسرت حب حياتي خسرت وليدي و ام وليدي
رلين تحكي :
رحت نبكي حتى لحقني يونس
يونس : واش بيك رلين
رلين : خلاص مانيش حابة نزيد نشوفو خلاص
يونس : عندي حل
رلين : وشنو 😭
يونس : صاحبي عندو شريكة .. تعطيهم سكنة و طونوبيل .. تكون صاحبي يدخلك نورمال
رلين : شكرا شكرا
فاتو يامات و أنا نتعذب حبيبي فراقك صعيب و كي منشوفكش أصعب والفتو و حبيتو و خاصة وليدنا في كرشي يكبر كل يوم 😢
بعد ثلاث سنوات :
رلين : اصلان(إسم وليدها) حبيبي أقعد عاقل حتى نجي نحبك حبيبي
الخدامة : كوني هانية مادام راهو في حمايتي
رلين : أوك
خرجت من دار .. ليوم عندي صفقة مهمة ركبت طونوبيلتي و رحت دايرة غنية و نغني معاها .. دخلت في طونوبيل مشفتهاش كانت في نص الطريق .. نزلت نشوف واش صرا .. نزل من طونوبيلتو اللحية طويلة حوايجو موسخين ريحت الشراب تقتل نزل يتمايل غلقت نيفي .. ركزت معاه
رلين : فهد
و طاح قدامي ديتو لسبيطار حالتو حالة تقطع القلب حكاولي كل يوم يجيبو واحد لسبيطار كون يكمل هكا يموت غاضني بزااف .. ديتو لداري .. فاق مخلوع ماهوش مأمن عنقني
البوس : علاه رحتي و خليتيني حوست عليك فيك بلاصة علاه 😢 بكا
رلين : شوف اقعد هنا كيما تحب كي تحس روحك مليح تقدر تروح
البوس : و وليدي
خرجت و خليتو تكيت هابطة مع الباب نبكي تفكرت العنف تاعو معايا
أصلان : ماما منحبث نثوفك تبكي
رلين : لالا وليدي مانيش نبكي .. ضيف راهو عندنا .. خلي عمو يرقد .. يتبع
