بعد ما راح طحت فالقاعة نبكي حتى مفقتش كيفاش رقدت .. قمت على أشعة الشمس الذهبية على وجهي فتحت عينيا و كانت المفاجأة
عمر: نوضي لبسي هاذو الحوايج و هبطي لتحت رانا نستناو فيك
رلين: عمر وين راني ؟؟
عمر: هذاك الباب تاع الدوش و الحمام روحي ديري صوالحك
رلين: راني نحكي معاك
خرج و خلاني دخلت للحمام و دوشت و لبست واش عطاني روب سوداء فوق الركبة و جاية على حساب جسمي و طالون اسود خليت شعري كرلي .. فتحت باب شمبرا فتحت فمي على لخر فيلا كبيرة و واسعة قصر ماشي فيلا هابطة في هاذوك الدرج باهتة فلي قاعدة نشوف فيه .. وصلت لصالون كبييير قربت من الباب سمعت صوت البوس .. دخلت قالي: قربي اقعدي .. قربت و قعدت الف سؤال و سؤال في راصي
رلين: يعني لي تخطفوهم كامل تعاملهم هكا
البوس: هههههه ضحكتيني
رلين: نظن مقلتش حاجة تضحك
البوس: بلعي منسمعش صوتك بلا إذني
رلين: _____
البوس: شوفي نتي باعتك ختك لينا و صحبتك هي لي وراتلنا بلاصتك
جاتني الدمعة
البوس: يعني نتي يا تكوني معانا و تدربي و تصيري وحدة منا ولا تموتي
رلين: شكون نتوما ؟؟
البوس : ماشي وقتها
خرج و خلاني .. درت فدار و الخدامات كامل يتهامسو عليا و ضنو اني ق*** من لي يجو للبوس .. فاتت 17 يوم مشفتوش و انا كل يوم نجرب نهرب و يحكموني عندهم الحراسة مشددة .. سمعت خطوات يقربو من غرفتي لعبتها راقدة .. تفتح الباب
البوس: متعرفيش تمثلي
رلين : ____
البوس بلعياط : نوضييي
فتحت عينيا نخزر فيه و نسأل فيه بعينيا
البوس: راح نعلمك تخدمي بالسلاح علابالي تعرفي دافعي على روحك عندك الحزام الأسود فالكاراطي
رلين: ____
البوس: كي نحكي مع **** تجاوبيني فهمتي
رلين: سبحان الله عندك انفصام فالشخصية مرة تقلي كي نهدر تسكتي و مرة تقلي كي نهدر تجاوبيني
البوس : رايح نتعب معاك بزااف
رلين : نقبل نكون معاكم بصح بشرط
البوس : قابل بيه .. واش هو
رلين: نشوف ماما للمرة تالية حتى من بعيد معليش
البوس : عظم الله أجركم
رلين: هههه تتمسخر ياك
خرج و خلاني نبكي داخلة في دوامة تاع أفكار مبعد قلت مبقالي حتى واحد غير نرضى بالواقع تاعي رغم ضعف قلبي لي قاعد ينزف
لبست بدلة رياضية مزيرة على جسمي فالأسود نلبس غير هذا اللون .. خرجت من غرفتي معرفتش وين نروح جات ليا الخدامة: البوس يستنا فيك فالجنينة
رلين:اوك .. يتبع
