رلين تحكي :
رجعت إلهام لدار فرحانة بزااف
إلهام : رلين وين راكي اجري خبر يفرح
رلين : خير ان شاء الله
الهام : لقيتلك خدمة لقيتلك خدمة
تعانقنا نصوطو و نضحكو
الهام : بصح تخدمي شوية متأخرة من 7 لل 9 تاع ليل
رلين : معليش نخدم راني لا دار لا طونوبيل لا خدمة كثرت عليك سمحيلي
إلهام : جامي تعاودي هاذي الهدرة سمعتي 😡
رلين : ربي يخليك ليا .. وينتا نبدا ؟؟
الهام : غدوة
رلين : اوك .. نتعشاو و نرقدو
اصبحنا و اصبح الملك لله
نضت جريت شوية و شريت القاطو و دوشت و طيبت القهوة .. راحت إلهام للخدمة كي و صلت 6و نص خرجت من دار لخدمتي جديدة مالقيت حتى واحد ثما غير إلهام وراتلي الشركة و واش نمسح و كيفاش و راحت كانت عيانة .. قعدة نسيق و نسمع صوتو
رلين : رجعت نتخيل فيه حتى هنا
كملت و رحت لدار .. فاتت سمانة و حنا نفس الروتين .. ليوم قاعدة نخدم كيما لعادة .. دخلت لبيرو لمودير باش نسيق .. لقيت راجل عاطيني بظهرو و يشوف من الشباك .. دار ليا
رلين نحكي و نمسح : السمانة لي فاتت نتخيل في صوتو و هاذي المرة تخيلتك نتا كامل .. يا درا الخطرة الجاية واش نشوف
البوس : رلين
رلين : أواه أنا هبلت ههه
البوس : ماراكيش تتخيلي هذا أنا
قربت منو نشوف في عينيه رفدت يدي ترجف حطيتها على خدو مبعد عنقني
البوس يحكي :
كانت عندي خدمة بزااف و كنت نستنى فيهم يوجدولي الطونوبيل حتى ضربت ريحتها في نيفي درت و لقيتها هي بصح متبدلة دايرا خيمار زاد فيها النص عمبالها راهي تتخيل كي حكيت قربت مني حطت يدها على خدي عنقتها و دخلتها في ضلوعي بعدت عليا شوية تشوف في عينيا
رلين : رر راك مليح
البوس : الحمد الله و نتي
رلين : كي تكون نتا مليح نكون أنا مليحة .. و اصلان راه مليح
البوس : مليح مليح
رلين : ياك صح مارانيش نحلم
البوس: تروحي تشوفي وليدك
رلين بدون تفكير : ايه نروح .. اصبر نكمل
البوس: خليهم خليهم هيا نروحو
رحنا و كانت الشتاء خيط من السماء و البرد و الظلمة .. طريق كاملة و حنا ساكتين "قلوبنا التي تحكي مدا شوقنا لبعضنا البعض و عنادنا"
البوس : وصلنا
رلين : 😊
نزلت و نزلت ورايا تبع فيا .. وقفت عند الباب تاع غرفتو تنفست بالقاوي و فتحت الباب .. كان راقد.. دخلت دموعها بداو يطيحو .. شافت وليدها و باستو و خرجت و غلقت الباب
البوس : اقعدي تباتي
رلين : لالا نروح منخليش إلهام وحدها تخاف
البوس : اوك ضك نوصلك
رحنا و قلبي مقبوض معلاباليش علاش كنت حابها تبات .. الهدوء سيد الموقف .. جيت نقس السرعة مكانش فران (فرامل)
البوس : رلين واش يصرا أعرفي بلي نحبك و نبقا نحبك
رلين : ففههههههدد ... 💥
رلين تحكي :
خرجنا من دارو قلبي واجعني منعرف علاه .. ركبنا و في نص الطريق قالي نحبك .. عيطت بإسمو و رميت روحي قدامو .. دخلنا في شجرة و محبيتوش يخبط راسو على الفولون (المقود)
إلهام تحكي :
كنت قاعدة حتى عيطولي من السبيطار .. يتبع
