البوس يحكي :
حوست عليها بزااف و اهملت الخدمة .. كنت سكران حابس بالطنوبيل في نص الطريق حتى دخلت فيا بالطونوبيل كي خرجت نشوف واش صرا قلبي دق مأمنتش هي والله هي معدت حاس يحتى حاجة .. فقت في دارها باينة خايفة عليا و معجبتهاش حالتي قالتلي زوج كلمات و خرجت جيت خارج وراها سمعتها تبكي تمنيت نحضنها تمنيت نكون معاها تمنيت .. سمعت طفل صغير يهدر عرفتها مطيحتش الطفل يعني وليدي فرحت بزااف .. بعد ما راحو رحت رقدت
أصبحنا و أصبح الملك لله
فطنت خرجت من الغرفة لي كنت فيها نحوس على الحمام .. لقيتهم فالكوزينة يضحكو و يلعبو ب نوتيلا يديرو في وجوهوم غيروني تمنيت لوكان راني معاهم و رانا عايشين كأي عائلة
اصلان : ماما ثكون هذا
البوس : أنا ...
قاطعني : صديق قديم و جا يزورني يامات و يروح .. اقعد تاكل
اصلان : كيفاث يسموك
البوس : فهد
رلين : ماهوش إسمو الحقيقي
البوس : إسمي الحقيقي
رلين : مكان مدخلني فيك
البوس : حبيبي طلع لغرفتك نحكي مع يماك شوية
رلين : من نهار رحت و خليتني وحدي مبقاتش هدرة بيناتنا
البوس : حوست عليك بزااف و مالقيتكش
رلين : ههههه ايه باينة نهار جيت لدار نحوس عليك لقيتك مع ق*** فالفراش
البوس : كنت سكران و معلاباليش واش صرا هذاك النهار
رلين تحكي و تبكي : خلاص كلش
قاطعتها كي بستها و نسمع صوت ورايا
يونس : بعد عليها ***
البوس :مدخلش روحك هاذي تاهي وحدي فهمت
يونس : هههه تحكي على مرتي
رلين : حبسو خلااااص
البوس: رلين صح نتي مرتو
رلين: إيه و هذاك وليدو
خرجت من دارها مدمر بمعنا الكلمة للمرة الثانية نخسر قلبي
عيطت لواحد من رجالي
البوس : ألو شوفلي رلين **** إذا متزوجة بيونس **** ولا لالا
الراجل : دقيقة متكوبيش ... إيه متزوجين و عندهم طفل أصلان ***في عمرو 3 سنين
كوبيت عليه كاره حياتي غلطت غلطة و راني نتعذب و نعاني كيفاش و وينتا حبيتها معلاباليش .. صونا تيليفوني
البوس : ألو
الراجل : لقينا الأخت تاعك و راهي في **** شارع **** متزوجة و عندها زوج ذراري
فرحت كي ليقيتها بصح مانيش حاب ندخل لحياتها .. كوبيت عليه نخمم فوليدي أو وليد يونس .. رحت لداري و قررت نرجع للخدمة دوشت حففت و لبست .. دخلت للمقر نخلعو .. حكمت البيرو تاعي لقيت ملف تاع رلين و يونس بصح مكاش تصاور العرس راصي راح يطرطق .. بعثتلهم خدامة لدارهم باش تجيبلي خبارهم
بعد أسبوعين :
الخدامة : البوس كل واحد فيهم يرقد في شمبرا
البوس :يعني متزوجين على الورق برك فرحت
الخدامة : جبت شوية من شعر الطفل الصغير
البوس : ههههه اوك
كوبيت عليها فرحان جابتلي الشعر و درت تحليل DNI خرج وليدي
رلين تحكي :
قاعدة نلعب مع أصلان سمعت الدقديق يونس عندو المفتاح مالا تكون الخدامة فتحت
البوس : جيت ندي وليدي و هاكي ورقة التحليل
مخليتوش يدخل أمر رجالو يشدوني و يدوني لطنوبيل دخل دالي وليدي وصلنا لدارو الدار لي جدرانها تشهد على العذاب لي تعذبتو .. يتبع
