صلوا على من قال ربي أُمَتي
حُبًّا في أُمَته و كان رحيما
يا أُمة المُختارِ يا أحبابهُ
صلوا عليه و سلموا تسليما
__________________
#مُطَارَدَةٌ_عَبَثيًّة🕊
#لـ رحمة أحمد🕊⚖
___________________
متنسوش الكومنتات و الڤوت❤
اللهم أسترنا فوق الأرض ، و تحت الأرض ، و يوم العرض عليك .
___________________
_تــمــام يــا فــنــدم .
هذا صوت عناصر الشرطة الذين قاموا بتأدية التحية العسكرية بعدما جائهم "هيثم" .. رد لهم "هيثم" تلك التحية و أردف بصوتٍ مرتفع ليصل لمسامع جميع الحضور :-
_يا رجالة طول عمرنا بنّضحي بنفسنا عشان ننقذ الناس اللي أحنا منعرفهمش ولا لينا صلة قرابة بيهم .. أما دلوقتي بقى المأمويى دي تخصني ، و الناس اللي إحنا طالعين عشان ننقذهم دول أهلي و إخواتي .. طبعًا مفيش عندنا حاجة اسمها تفرقة ولا واسطة .. بس أنا محتاج منكم تركيز أكبر ، مش عايز أي خساير ، و قبل أي حاجة مش عايز حد فيكم يتأذى .. فاهمين؟
_فــاهـمـيـن يــا فنـدم .
ابتسم لهم "هيثم" بهدوء .. و أكمل بعدها :-
_اللي هيطلع معايا دلوقتي "أمين" و "ناجي" و "كرم" .. أما بقى "عمار" و "فادي" و "راجي" فأنتم هتسبقونا دلوقتي .. يلا أتحركوا .
ْ
أومأوا له بهدوء و قاموا بتأدية التحية العسكرية و بعدها رحلوا سريعًا بطريقة منظمة خلف بعضهم البعض ، نظر لهم "هيثم" و ابتسم ، و بعدها نظر بحدقتيه إلى "أمين" و "ناجي" و "كرم" ، و أردف :-
_المأمورية مش صعبة ، إحنا بس هنسافر و نجيبهم و نيجي .. هما كانوا متغيبين عن البيت من أكتر من أسبوع .. بس اللي أتضح إن التغيب ده مش بإرادتهم و إنهم مخطوفين .. جهزوا العربية و أمنوا نفسكم كويس عشان هنتحرك بعد عشر دقايق من دلوقتي .
أومأوا له و أدوا هم أيضًا التحية العسكرية و أنصرفوا .. مر الوقت حتى جاءوا سريعًا بالسيارة و أستقلوها و أتجهوا إلى وجهتهم .
__________________________________
غربةٌ و ضيق ، ولكن لم يكتفيا! بل جاء معهم ضلال الطرُقات و توتر "ليث" و قلقه مع إنقباض قلبه ، هذا مؤشر لا يبشر بأن الخير آتٍ .
يكمل "ليث" طريقه و هو يسير أمامهم و هم خلفه واحد تلو الآخر .. حتى توقف عن السير و وضع يده على قلبه ليضغط عليه بشدة معنفًا إياه بصوتٍ غير مسموع بسبب نبضاته الغير منتظمة .. نظروا له جميعًا بعدم فهم و دهشة مما يفعل .. فتحدث "عز" مردفًا بقلق :-
ْ
_مالك؟ فيه إيه؟
