دخل الاب وهو مرتبك جلس قدام المدير وقال المدير
:يا أستاذ خالد انت تدري ان هاذي المره الخامسه الي تزورنا فيها بذا الشهر.
:اي والله ما بقى غير ابصم وابدي شغل معكم ههههههه... ااحمم...
:بنتك لازم تلقى لها حل هذاك اليوم كانت تبيع على البنات دخان! مشينها بتعهد شدت شعر وحده من البنات وكسرت يدها حصل خير وتفاهمنا مع أهل البنت واليوم! تبقس بنت بدون سبب!
كان الاب ساكت وبس يحرك راسه بخيبه بعدها قال
:أنت تعرف حالتها..... بعد وفاة أمها كنت أحاول اكون الاب والام لها بس....... أعتقد اني دلعتها بزياده.
:يا أستاذ مشكلتنا مو مع انها ضربت البنت!
استغرب خالد وقال
:أجل ليش انا هنا؟
:البنت هكرت شاشه العرض الكبيره الي فالمدرسه وعرضت عليها مقطع لنفسها وهي تسوق لقناتها في يوتيوب او شي زي كذا..
.......
كانت جود جالسه بالسياره حاطه راسها على القزازه والوضع هدوء طالعت في خالد بعدها شغلت أغنيه طفاها بدون ما يقول شي كانت تلعب باصابعها وهي تمثل البرائه وقالت
:يعني ما بروح للمدرسه بعد يبه؟
:إلى...... بنقلك مدرسه ثانيه.
:بس انا مابي! أقدر أشتغل من دون شهادة
قال خالد بعصبيه وهو يطالع في الطريق
:جود! اسمعي الكلام ما ابي حركات زي كذا بمدرستك الجديدة!
صار هدوء مره ثانيه بعدها قالت جود
:يبه انا ابي اشتغل وأعتمد على نفسي
:مجنونه أنتِ! أصلاً مين الي بيقبل فيك ما عندك خبره وبعدك قاصرة
طالعت من قزاز السياره وقالت
:إلى عندي..... واليوم بحتفل اني هكرت مية حساب!
بعد ما وقف خالد في الإشارة طالع فيها بصدمه قالت وهي تهز راسها
:وش؟ ليه تطالع فيني كذا؟
:بسحب منك الحاسب.
مسكت جود كتفه وقالت
:لا يبه تكفى الله يخليك! كيف اقدر اكلم صديقاتي!
خالد بداخله كان يعرف انه ما يقدر يسوي ذا الشي وبتقدر تمثل عليه وبكل سهوله ترجعه مثل ما تسوي لحين
الساعه 10:22 الليل
جت جود وقفت قدام خالد وهو ياكل ويقلب بجواله وكانت حاطه يدها ورا ضهرها وتطالع فيه بطفوليه كمل ياكل وقال
:خير؟ وش مهببه فيه؟
:قدمت على وظيفة في فالكونز.
أختنق خالد لما قالت كذا عطته جود مويه وقالت
:بسم الله عليك اشرب اشرب.
:فالكونز هذول ما غيرهم الي تشغلين مقاطعهم ؟!
قالت بفرح وحماس وهي تهز راسها
:يب
:مين سمحلك! أنتِ بعدك صغيره لازم تركزي على دراستك!متى بتبطلي تفكير الأجانب ذا!
قالت جود وهي متنرفزه
:بابا صغيره ايش! ترا عمري الحين 19!
:وش يعني 19 مانك صغيره؟!
:أكيد مو صغيره بعد لي سنه وادخل جامعه.!
:وليه ما قلتي لنفسك كذا... لما كنتي تضربي بخلق الله!
جلست جمبه وقالت
:الحين مو ذا موضوعنا.... لو انقبلت بتوافق؟
:أكيد لا
:بابااا!
:بابا أيش! مستحيل أوافق
حضنت يده وحاولت تنزل كم دمعه وقالت
:تكفى...
وكالعاده يوافق وتلعب عليه
:بس بشروط!
:وايش هي؟
:أولاً! تركزي على دراستك وتحاولي توازني مبين الاثنين ثانياً! بتبطلي سطاوتك ذي بالمدرسه الجديدة!
:بس؟ تمممم من عيوني.
كنت رايحه الكافتيريا عشان اخذ وجبتي دفعتني ذيك البنت المستفزه الي بس ادور مشاكل قلت بصوت عالي بتهديد
:ما تشوفي قدامك؟
قالت بضحك
:لا حبيبتي أشوف وأسمع.
قالت وحده من البنات الي معها
:(شهقه مصطنعه) ريمي! أحرجتيها وهي تحاول تخفي الشي ذا من بدايه الدوام! هههه
:هاه؟ايش تقصدين؟
قتربت وحده منهم ورجعت شعر جود ورا اذنها وقالت وهي تضرب على السماعه حقت جود
:أقصد ذي يا هبله.
ما قدرت جود تتحمل لما حركتها وصار صوت صفير في اذنها
مسكت جود الصحن الفاضي وعطتها كف فيه عم السكوت بالمكان كامل طاحت على الأرض وهي ماسكه خدها بعدها بدا انفها ينزف أبتسمت وانا اطالع فيها من فوق وكانوا البنات يهدوا فيها لأنها بدت تبكي.
.......
كان هدوء العامله تحط ثلج على مكان الضربه وجود تطالع فيها وتشمق لها وكان خالد متوتر ويهز برجله كانوا كلهم ينتضروا ولي أمر البنت المضروبه وأخيراً دخل على الغرفه وهو يلهث وخايف....
