بعد ما قمت من الطاوله بعصبيه كنت عصبيه من نفسي لأني فكرت بذا المهبول مره ثانيه لا وبعد فكرت فيه بطريقه رومنسيه! لبست وأخذت الشنطه بملل جلست على الكنب أنتضر الباص حق المدرسه يجي
في المدرسه
كنت أمشي في ممر المدرسه ويسحبني شخص من ورا وهو حاط يده على فمي أنصدمت وكنت ابي اصارخ رمتني البنت وطحت على الأرض سكرت البنت باب الفصل لما شفت انها ريم ضحكت وقلت
:من جدك! أيش حركات الأفلام ذي؟!
:تكلمي مع عمتك زين فاهمه حبيبتي؟
أشرت بعينها للبنت الي جمبها ومسكت يديني من ورا طالعت فيها وانا ميته ضحك وقلت
:وش بتسوين يعني؟ أتحداكي أذا تعرفي تلكمي حتى ههههههههه!
:لا يحبيبتي أنا مو مثلك أضرب الرايح والجاي..... أعتبري ذا تهديد.... لا أشوفك أو أسمع أنك قربتي من أخوي أخوي خط أحمر! مو يعني أنك توظفتي عندهم يعني تسرحي وتمرحي براحتك....لا تشوفي نفسك أوكي بيبي؟
تفلت في وجهها وقلت وانا ابتسم
:هدية لك ولأخوك.
مسحت وجهها بمنديل وقالت
:لازم تتعلمي أني ألاقوى حالياً.
مسكت ريم السماعه وشالتها ورمتها حسيت بصداع وأذني بدت تصفر تركتني البنت الي كانت ماسكتني ومسكت راسي بقوه بسبب الصداع صرت أسمعهم وكأن الصوت غرقان سمعتهم وهم يضحكون شفت السماعه في الأرض مسكتها ولبستها وأنا أتنفس بسرعه أنتضر سمعي يرجع طبيعي ويروح الصداع.
جلست أشرب مويه في الساحه كان في صداع بس خفيف وش تفكر نفسها ذي؟ لو أني أروح الحين وأشتكي عليها بتنقل بثاني يوم! اخ بس لو أني مو واعده ابوي كنت ضربتها الين ما قالت الله أكبر بعدين متى يخلص اليوم ذا!
خلص الدوام وانا مو طايقه نفسي طلعت من المدرسه بملل وكان ببالي آني أتأخر اليوم شوي عن الشغل فجلست بكوفي وطلبت قهوة.
وأنا أتقهوى كانت عيني تلمح شخص ما نزل عينه عني من أول ما دخلت الكوفي طالعت فيه وفعلاً كان يطالع فيني غمزلي بكل بجاحة يعني الغثى لاحقني وين مروح!قمت وعطيت الفلوس للكاشير وطلعت وأنا أمشي لفيت وكان نفس الشخص يلاحقني رجعت وقلت له بعصبيه
:وش تبي أنت!لو ما رحت من وجهي الحين بصارخ والم الناس كلها عليك!
:أف أف! مشاكسه طلعتي؟هديها يبويا أيش رأيك تعطيني رقمك؟
أنصدمت من بجاحته وقلت
:أنت ما تفهم!
:ليش مستعجله؟
كنت مستعده أصارخ بس الخواف لما شافني هرب حسيت نفسي هيبه كملت طريقي وأنا عصبيه من اليوم الي مو راضي يخلص ذا!
وصلت المقر نزلت شنطتي ورميت نفسي على الكنب كانوا نص العيال موجودين ومن بينهم عامر كانوا مستغربين لأنها تأخرت وفوقها تجي تعبانه كذا قلت بصوت عالي شوي وعصبي و واضح اني متنرفزه
:ذا.. أسوء يوم في حياتييييي!!!
وأخذت المخدة وصارت تبقسها قال عادل
:ليه عسى ما شر؟
:أبي أنام.......قالت في قلبها"ابي ماما"
طالعت في عامر لثواني بعدها رجعت غمضت عينها ما كان عندها خلق تتخانق معه قال أبو عبير وهو قلقان عليها
:ليه تأخرتي كل الوقت ذا صار لك شي؟
كانت تبتسم وتطالع السقف وهي نايمه على الكنبه وقالت بدون ما تشيل عينها عن السقف
:لا..... بس كنت بالحجز.
مشوها العيال لأنهم يعرفوا ان جود مشكلجيه راحت جود الحمام غسلت وجهها وطالعت في المرايه لثواني بعدها طلعت أنصدمت من عامر الي كان بوجهها وشهقت
:بسم الله! وش تبي أنت بكل مكان ألقاك!
سحب عامر جود من يدها وأخذها لغرفه ما فيها أحد قالت جود بعصبيه
:وش فيك أنجنيت!
:تكلمي..
:أيش؟
:جود ترا واضح انك كنتي تبي تقولي شي.
:...... اليوم.... تحرش فيني احد..
أنصدم عامر وقال بعصبيه
:أيش!!
جلست جود على الكرسي وطالعت لعامر ببرود وقالت
:تتوقع أنه لو درى عن مشكلتي بيطالع فيني بنفس النضره؟....
:جود وش ذا الكلام لازم تكوني متنرفزه!تعرفين شكله! أسمه؟ عطاك رقمه؟
:وأنت ليه مهتم؟ خلص الموضوع من زمان.... والحين تلقاه جالس يتعشى مع أهله... مع أمه...
:من جدك! أكيد بهتم!
صفنت جود بعامر شوي بعدها قالت
:عامر انت قلت لريم اني اشتغل هنا؟
:ها؟ وش دخل ذا الموضوع بذا؟
قالت جود بعصبيه شوي
:جاوب...
:أي.. بس قلت لها ما تقرب لك سوت لك شي؟
قامت جود بعصبيه والدمعه في عينها وقالت
:واو شكرا والله مشت ريم بنصيحتك وما سوت شي أبداً.
كانت جود تبي تطلع من الغرفه حست بكتمه ودموعها بدت تنزل ما كانت تبي احد يشوفها وهي تبكي بس مسك عامر يدها وسحبها قال عامر بصوت واطي
:أنا أسف... أنا آسف على كل شي صار لك.... أنا آسف لاني ما كنت موجود لما كنتي تحتاجي اي احد...
دفنت وجهها في صدره وصوت شهقاتها كان بكل مكان كان عامر يطبطب على راسها ويبوسه كانت جود تبكي وكأنها ما بكت من خمس سنوات بعد ما سكتت أستوعبت أنها حاضنه عامر بعدت بتوتر قالت
:لا تقول لأحد...
وطلعت وهي مستعجله طلبت من مساعد أنها تاخذ أجازه ألين تخلص الاختبارات بالبدايه كان بيرفض بس لاحظ دموعها و وافق إخذت شنطتها وطلعت بدون ما تسلم على احد عشان ما يشوفوا وجهها.
أما عن عامر فجلس يتأمل في صورها وهو يبتسم.
