بعد تقريبا شهر علاقة جود بريم قوت أكثر وصاروا يناموا ويباتوا عند بعض كانت جود مع ريم في غرفتها يضحكون ويحشون وبعد ما خلصوا كل سوالفهم صار سكوت شوي في المكان بعدين طالعت ريم بجود وقالت
:جود أنا ابي اسئلك ممكن تجاوبي بصراحه
:أكيد وش سؤالك؟
...... تحبين عامر.
رفعت جود عينها من الصحن الي كانت تاكل فيه ناضرت لريم بصدمه ما كانت تتوقع انها ممكن تنسأل ذا السؤال نزلت جود راسها بأحباط وقلت
:أذا قلتلك أي.... بتتركيني؟
ضحكت ريم وضربت جود على ضهرها
:من جدك انا ابي تقولي اي.... الله تخيلي نعيش بنفس البيت اشوفك كل يوم وترا بعدين (أقتربت ريم وهمست) تراك واضحه انك خاقة.
ضربتها جود على راسها بخجل وقالت
:مو انا الي خاقه أخوك
:هاه؟ أخوي؟ وش قصدك يعيني حتى اخوي يحبك؟ لحظه.....أنتو!!
:لا يحماره....
تنهدت جود بتعب على غباء ريم وقالت
:أنا أعرف أنه يحبني ومتأكده بس...
قالت جود بعصبيه وهي تطالع لريم
:الحقير له مو جالس يجي يعترف! هو ما يلمح حتى!!
طالعت ريم بأستغراب وقالت
:أجل كيف عرفتي أنه يحبك وش عملتي له سحر؟
رجعت جود شعرها بثقه وحطت رجل على رجل وقالت
:حبيبتي أنا جود مافي شي يندس عني.
:هممم.... تبيني اساعدك؟
:تساعديني؟ بأيش؟
:أبخلي عامر يعترفلك بكرا لا ويجي يخطبك بعد.
طالعت جود فيها بأستهزاء وقالت
:من جدك أنتِ؟
:بتشوفي.
