الريم صدت صوبه !! وهي منصدمه !!! وهو نفس الحاله .. !! كل واحد عينه ع الثاني .. والريم دموعها تلالي بعيونها !!
وش آخر هالجروح اللي ألمها يحتضر عقدين ..
من سنين العذاب اللّي تبعثرني وتقراني . . !
أحاول : أنتصر / أجمع شتاتي / أنشطر نصفين !
أعيش بنصف مايقوى و أرهن نصفي الثاني .. !
تعبت من الحياه : اللا حياه ولعبة التخمين
تعب صدقي يساير هالزمان وتضحك أحزاني . !
أنا : ياأنتِ قصّه من تعب مهما تُدان تبين
على وجه الشحوب اللي سكنّي ليــــن غطّاني
حياتي.. وش حياتي ؟ غير جرح وأنتظار وعين :
توطّنها السهر في عالم غيابِك وألغاني .... !
الريم تطالع هادف وهي منصدمه .. هب عارفه شتسوي.. هب مصدقه إن لي جدامها هادف .. آآآخ من سنه ما شفتك .. غير فالمطار من بعيد !! حتى سلام ماسلمت!! وأحين ما تفصل بينا أي مسافه .. !!
هادف كان وايد قريب من الريم !! هادف حالته هب أحسن !! هادف يطالع الريم ويحس إن دموعه بتخونه !! هب قادر يتخيل إن الريم اللي جدامه .. الريم اللي حبها فيوم بتكون لغيره !!
هادف بصوت متقطع : الرـيم !!
الريم تطالعه وهب قادره ترمس .. هب قادره تهرب من عيونه !! وهادف نفس الشي !! هادف أول مره يشوف الريم جيه .. !!
هادف : الريم .. الريم أنا..
الريم ساكته .. تهز راسها بمعنى انت شوه ؟؟
هادف: أنا!! ماعرف ماعرف..
الريم وهي تصيح : انت شوو ؟ انت شو يا هادف ..؟
هادف: الريم أنا اكررهج اكررهج يالريم ..
هادف ما قدر يتحمل .. ع طول شل عمره ودخل حجرته ..
الريم واقفه وهب مستوعبه شي !! تكرهني !! تكرهني يا هادف !! عذبني سو لي تبغيه !! بس تكرهني ليش!! لالا ! آآآآخ يا هادف !! ما ينجبر قلب على قلب ولا يستوي العاشق اناني !! انا انجرحت منك زوود يا هادف .. خلاص انا ماقدر اتحمل !!
الريم شلت الكيمره ومسحت دموعها وراحت تربع تحت .. تبا تهرب من هالمكان .. تبغي تنسى كل اللي صار .. تربع جنها تحاول تشرد من أي شي يجمعها ويا هادف !!
الريم أول ما نزلت تحت .. شافت أسوم ترقبها ..
أسوم : ريماني ليش تأخرتي..؟
الريم ما قدرت تتحمل .. راحت صوب أسوم تلوي عليها وتصيح بحراره ..
اسوم تروعت : ريم حبيبتي شفيج ... لا تخوفيني .. قولي شفيج ..
الريم هب قادره ترمس.. : خلاص اسوم عقب منصور يرقبنا.. يلا اسووم
اسوم : مابغي .. ريموه قولي احسلج ..
الريم يزيد صياحها وصارخت ع اسوم : اسوووووم يلآ دخيلج ..
اسوم ماعرفت شتسوي .. يودت الريم من ايدينها وراحن ..
ركبن السياره ..
منصور: ما بغيتن حشا شو تسوون ؟
الريم ماقدرت ترمس..
أسوم : ماشي تجرج الكيمره ..
