حمدان والشباب ع طول ودو هادف الطواري.. فمستشفى توام .. دخلوه ع طول عند الدكتور .. أول ماظهر الدكتور من عنده .. راحو الشباب صوبه ..
غيث: ها دكتور بشر بلاه هادف؟
الدكتور : انت شتقربله ؟
غيث: أخوه ..
الدكتور : تفضل ويايه المكتب..
غيث : انشالله ..
راح غيث ويا الدكتور : ها يادكتور تفضل؟
الدكتور : امممم هادف تعبان نفسيا .. وهالشي وايد مأثر ع صحته .. ومخلنه ما يتقبل أي شي.. وامبين عليه انه ماياكل ولا يهتم بنفسه .. وللأسف هالشي خله دمه ينزل ..ونفسيته تتعب زود
غيث: والله يادكتور الوالد البارحه متوفي.. وهالشي أكيد كان له أثر فنسفيتنا يميع ..
الدكتور : الله يرحمه انشالله .. عظم الله اجركم ..
غيث: آآمين .. اجرنا واجرك ..
الدكتور: نحن بنرخصه هادف اليوم . انشالله ماعليه شر.. بس لازم يهتم بعمره .. وحاولو انكم تظهرونه من العزله وتحاولون تونسونه وتعرفون شفيه .. بس بدون ضغط !!
غيث: ان شاء الله يا دكتور .. بنحاول قد مانقدر.. يلا عيل بترخص عنك..فداعة الله ..
الدكتور مبتسم : فداعة الرحمن ..
ظهر غيث عن الدكتور وراح صوب الشباب طمنهم .. دشو عند هادف ، غيث يرمسه : شحالك هادف احين ؟
هادف يبتسم بالغصب : الحمدلله ..
حمدان : علنيه فداااك وفدى ويهك ها المصوفر تقول بيضه مرقعه ههههههههه
الشباب كلهم يضحكون .. هادف : هههه دواك عقب ان شاء الله ..
حمدان : عيل ارقبه ههه ..
غيث: يلا عيل ظهرنا .. شو بتباتون عند الدكتور ..امرره وايد حابينه المستشفى .. كل يومين واحد ناقز هني ..
فلاح: ههه أما بهاي صدقت .. يلا عيل ربعوو لا يزخوكم ويرقدووكم ..
هادف يتلفت يمين ويسار .. يرفع كندوورته ويتلثم اونه عاد :ربعوووووووو شباب .. ويظهر خاري وهم ناقعين ضحك عليه ..
حمدان : انت مريض انت .. هههههههه
هادف: قل اعوذ برب الفلق..يلا مناك .. هههه
حمدان : يلا يلا يالدلوع ..
هادف اونه مبوز : كيفي.. هههههههه
منصور : لالا متقن الدور ماشالله ههههه ..
هادف :تبغي اعلمك ..
منصور:ههههههههههههههههه ضحكو ضحكو .. منووه يعلم منووه ..
حمدان : القط ويهك هااادف ههههههههه
هادف : مالت عليكم يلا سرينا..
غيث: الله يعينكم .. يلا جدامي..
فلاح يرمس غيث: نحن عقال والحمدلله هههه ...
غيث: وانا اشهد ههه ..
الشباب ظهروا .. حمدان لي كان يسوق وحذاله غيث..وورى فلاح ومنصور وهادف .. كلهم يايين بسياره وحده ..هادف: حوووووه انتوو جتلتوني..هب جسم عليكم جثه جثه ..
حمدان ناقع ضحك : ههههههههههه انت ياحيك .. الله يعين هالسلق لي حذالك منصور ..
منصور يكفخ حمدان ع راسه : منو السلق يالجثه هااا ..
الشباب كلهم ناقعين ضحك .. عقب كل واحد تم ساكت .. حمدان وهو يسووق .. يلس يتذكر شكل اسوم وهي ظاهره .. ماشالله عليج يا اسوم والله وكبرتي..وغديتي احلى عن قبل.. لو بس هالفلاح يعرس ويفكناا وانا اخلص هالدراسه واشتغل جان انا بخير..بس ماعليه إن مانقزت بيتكم أول ماشتغل ماكون حمدان هههه ..
ولا هادف .. من التعب ماحس بعمره .. حط راسه ع جتف منصور ورقد .. ولا حس بشي.. وغيث يفكر بالشركه واهله والمسؤوليه لي ع راسه .. والامانه اللي لازم يتحملها ..
