رحلة إلتزام 💙💙

الفصل 18:📍اعلم مصدر دينك 💚🍂

📍علابالي يجيك سؤال في راسك مين ذاك شكون فرق هاذي الأمة ، و علاه كل واحد وش يقول فدين ؟؟

النبي ﷺ هخبرنا بلي الأمة الإسلامية راح تتفرق لـ73  فرقة فقال ﷺ:
تنقسم أمتي الى 73 فرقة كلها في النار إلا واحدة .
قالوا : من هي يا رسول الله ؟
قال : من كانت مثل ما أنا عليه وأصحابي .
قال تعالى: (وَالسَّابِقُونَ الأَوَّلُونَ مِنْ الْمُهَاجِرِينَ وَالأَنصَارِ وَالَّذِينَ اتَّبَعُوهُمْ بِإِحْسَانٍ.)

الفرقة الناجية و لي تسلك ملعذاب هي التي سارت على منهج النبي ﷺ ومنهج أصحابه، أما 72 لي بقاو  راه فيهم الكا...فر وفيهم العاصي وفيهم المبتدع و كل واحد يعذبو ربي على حسب انحرافو فالعقيدة ، لأنو العقيدة توقيفية يعني لا تثبت إلا بدليل من الشارع و هو الله تعالى ، صافي قال الله قال الرسول... تروح دير عفايس ماشي فدين تاعنا خاطر شفت الناس ديرها راك انحرفت على العقيدة و هنا حتى أعمالك الصحيحة و تولي في خطر عدم القبول لأنو صحة العقيدة هيا  أساس قبول العمل النافع ( تعبد ربي بواش قالك بطريقة لي قالك )

إتبع السلف ولا تبتدع ، خاطر كل امر فدنيا هاذي فيه خير كانو سبقونا السلف ليه خاطر حنا ماشي خير منهم بش نجيبو الجديد فدين قال تعالى " الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا "، يتسما عليكم بالمنهج السُني السلفي طريق النبي و الصحابى و التابعين و ما تزيدوش على هذا

و بلاكم من البدع و أهل البدع و الضلال لي تزينلك أعمال ما أمركش بيها ربي و نتا أصلا ما كملتش حتى لي أمرك بيهم ربي ، حتى لا يفقد الدين ولا يبنى على كذب و لا يأخذ منه ما يرضي الهوى فقط

عليك بالكتاب و السنة و بدونهما لا تتغنى

#تعلم_دينك_ما_تورثوش