متاهة الطريق (التوأم)

بارت 11

- متاهة الطريق
البارت - الحادي عشر
بقلمي - أم أسد

زهرة .. گمت صليت وكملت ردت ارجع انام مااخذت عيني نوم بقيت گاعدة صبح الصبح گمت للمطبخ اسوي ريوگ سمعت صوت بغرفة نادية تقربت على كيف خليت اذني على الباب سمعت صوت رجال يمها معقولة انمار بس انمار يم مريم اهووو بس لا تعاركو ونزل عنها امداج زهرة رحتي بيها سمعت صوت الباب انفتح ليشوفني هسة شيگول علية اتجسس عليهم گعدت هند جهزنا الريوگ الكل گعدو حجة الشيخ بدون مقدمات

الشيخ .. جهزو نفسكم ليلة الخميس يتم زواج مهيمن وزهرة

الحجية .. أن شاءالله يشيخ

هند .. هلااا هلاا شايف خير ومستاهلها

مُهيمن .. عاد انتِ تموتين على هاية السوالف من هلساع گمتي تهزين

زهرة .. تقرر زواجنا يوم الخميس يعني بعد اربعة ايام الكل وافق بدون ميحجي شي حتى مُهيمن ما حجة بس هالمرة ما حسيت بي ضايج لا بالعكس جان كلش فرحان ما اعرف ليش ضجت ما حسيت بالفرح گمنا كملنا ريوگ كل وحدة راحت لشغلها مر اليوم عادي بين الشغل وسوالف هند التخليك تضحك غصباً عنك احلى شي بالبيت هيه دائماً تنكت وتتشاقة حتى ويا الولد و اكثر شي مُهيمن وزهير حتى هم يرتاحولها عكس البقية ولا يوم شفتهم يسولفون ويضحكون مثل البشر دوم عافسين گصتهم مرت الأيام بسرعة بالترتيبات للعرس نظفنا البيت و اني هم هند بلشت بيه بالحفافة وتنظيف جسمي گتلها ماروح للصالون انتِ شغلج حلو بعد عليمن التعب وروحة وردة وفعلاً اجرنا البدلات والشغلات النحتاجها كلها
اجة يوم الخميس صار موعد العرس اجو گرايبهم من الصبح انترس البيت ترس وصينا سكينة تدير الشغل بمكانة طبينا لغرفة هند وقفلنا الباب اول ما بلشت بالتسريحة بين ما تغدينة النوب مكيجتني مكياجها يخبل فعلاً طلعتني مثل ام الصالون يعني ثقتي بيها ما جانت غلط هي هم بدلت وجهزت نفسها صارت الساعة 3 لبست البدلة وطلعت گعدت بالهول بدا الدگ والرگص خو هند على گولة مُهيمن ذبت شحم ولحم هي وسكينة صار الغروب صاحت عليهن الحجية طفن الأغاني بس بقن كل وحدة تهز بمكانها صبو عشة علما كملو گالت مسرة اجت الزفة شنو اجت الزفة هو غير احنا نفس البيت

مسرة .. مهيمن طلب منهم يزفونة بالديرة

زهرة .. ما حجيت شي طب الشيخ و وراه مهيمن اول ما طب انفجرت الهلاهل باسني بگصتي لزم ايدي گومني وطلعنا صعدت بالسيارة رغم الهوسات والزفة حلوة بس ما حسيت بالفرح لأن ماكو أي واحد من اهلي أو اقاربي نزلت دمعتي مسحتها اسمع صوت مهيمن يضحك ويا الشباب ويصوفرون بقينا تقريباً بالساعة نفتر بالسيارة كللش تعبت ارتجيت على الكشن

مُهيمن .. شمالچ ما سمعت حسچ اليوم

زهرة .. مابيه شي بس تعبانة من الهوسة والگعدة