بعد ماخلصت اخذ ادويتي بدلت ملابسي لتيشيرت ابيض بدون اكمام وبيجاما سودا
نزلت تحت اشوف اخواني ووش هببوا ، دخلت المطبخ و شفتهم جالسين يلعبون بالأندومي هذا اللي حطاه تحت خشمه مسوي شنب له والثاني حاطه على شعره قلك أشقر وقذا
انفجعت وتقدمت اركض لهم، المطبخ صاير حفلة بسببب الاندومي يولوموني اذا قطعته عنهم ؟
قلت بصدمه وبصوت عالي
"ياورعان وش ذااا !!"
ناظروني ووجههم انقلب صارو يركضون بطريقة كأنهم بيهربوا مني ،ركضت وراهم وأنا أقول بأنزعاج
"وين بتنحاشون مني ؟ انا اوريكم !"
وركضت البيت كله معاهم وهم للحين مستمرين ولا تعبوا ولأن أنا كنت تعبان اصلاً فَـ ماكان عندي القوة اني امسكهم وكنت اركض بالخفيف بس
إلا إن قال رايان وهو يوقف ويوخر الاندومي من على وجهه
"خلاص خلاص رايان تعب انا آسف !!"
تنهدت واخذته من يده وقلت بهدوء
"تدري اذا ماما جت وشافتكم كذا وش بتسوي صح ؟"
هز راسه وقال بحزن واضح أنه ندم
"أيوه آسف رايان ماراح يعيدها بس ذا زايان هو اللي قالي نسوي كذا !!"
زفرت انا داري أنها فعايل ابليس ذاك افكاره ماتنطري على بال بشري ابد لعب في عقل راياني وخلاه يسوي كذا وذا ماصدق على الله وقلده
سحبت يده وقلت بصوت عالي شوي حتى زايان يطلع
"زايان اطلع خليني اغيرلكم ملابسكم قبل ماتجي امك وتهاوشنه !!"
شوي بس وطلع وهو يجري لي حضني وقال بندم
"طيب انا اسف !"
تنهدت ماني قادر اعصب عليهم هذول كل شيء بحياتي ولو ايش ماسوو مابعصب واضربهم
قلت وأنا اخذهم لغرفتهم
"عادي ماصار شيء ،بس لاتعودونها مره ثانيه طيب ؟"
هزوا راسهم بحزن اشكالهم لطيف مره وهم كذا بس يلا بخليهم يحسون شوي
روشتهم وغيرت لهم وخليتهم يلعبون بالعابهم وأنا نزلت تحت اشوف وش مهببين فالمطبخ
حرفياً وصلت له وزفرت بتعب منظره بس يخليك تتعب اجل كيف اذا نظفته ؟
بس يلا لازم اسوي كذا ولا ذا جو بيلعبون فيني عشان كذا ما لي خلق مشاكل ونفسيه وقت رجوعهم
طلعت كيس فاضي وصرت احط فيه الاندومي الطايح بكل مكان ورميتها بعد ماخلصت وبعدين مسحت الطاوله وبعدها الارض اللي صارت تلزق بكل مكان تحط رجلك فيه
أنت تقرأ
غَياّثْ | Ghayath
Acciónقدِمتَ قُدومَ اللّيثِ واللّيثُ باسلٌ.. وَجئتَ مجيء الغَيثِ والغَيثُ هَتّانُ ! عاميه باللهجه السعودية.. خاليه من اي علاقات محرمه ! أهم تصنيقاتها : "صداقة " "إخوة" "اكشن " أستمتع !
