كنت جالس على الكنب واناظر أحمد اللي يروح ويجي وعلى ذا الوضع
صار لنا اكثر من ساعه وانا رحت صليت وبدلت وحطيت لأخواني اكل وخليتهم ينامون عشان يرتاحون شوي
ورجعت له وهو للحين على نفس الوضع وأنا جالس اكل اندومي واناظر فيه بملل
قلت له ببرود وأنا اكل
"يرجال دوختني ماتجلس شوي !"
ناظرني هو بحده وقال
"وش تقول انت ! نور الزفت اخذت كل شيء وخلتني الحين على الحديد بعد ماصار الدين علي زي المطر والحين بيرفعون علي قضيه بسبب ذا الشيء ويمكن اني انسجن حتى وذاك الرجال ماعرف وش راح يسوي لا سكتت زياده وذا من حقه !!"
عقدت حاجبي على كلامه وزفرت وقلت بأنزعاج
"تستاهل لو انت ماسمعت كلامها وانتبهت لها ولكل شيء كان ماصار كل ذا !"
ناظرني ووقف وتقرب مني وقال
"وش كنت تقصد قبل شوي بعمايلي انا وش سويت لك وليه مب جالس أتذكر شيء ؟"
رفعت حاجبي وقلت ببرود
"مالك دخل في ذا الشيء وليه ماتتذكر مدري شكله بسبب سوالفكم الخايسه انت ونور زي كل مره !"
غمض عيونه بتفكير وقال بأستغراب
"وش اللي ماخذه انا وش جالس تهبد انت ؟"
يأخي اكرهه يوم يمثل الغباء اليوم وش فيه ذا ؟
قلت بحده وعصبيه
"وش بعد ماخذ مخدرات بعد وش غير ذا ؟؟"
انفجعت ملامحه وتقرب مني ماسك يديني بعد ماحط الاندومي على الطاوله وقال بصدمه
"وش تقول ؟ متسحيل انا اخذ ذي الاشياء مب انا اللي اسوي كذا !!"
رفعت حاجبي بأستنكار وقلت بحقد وأنا اناضر وجهه
"يعني مسوي انك ماتذكر شيء ؟"
هز راسه وقال
"وربك غياث ماتذكر شيء وش سويت انا ومستحيل اخذ ذي الاشياء بأيش تبغاني احلف لك ؟"
هزيت راسي وببرود طلعت جوالي ودخلت على الصور ولقيت فيديو دخلت عليه وحطيته بوجهه
"كل سوالفكم اللي تصير في ذا البيت وقدام عيني مصوره انا عشان المستقبل لا صار شيء لي ولا لأخواني !"
ناضرني مصدوم وعينه جت على الجوال وعلى الفيديو بالضبط
واللي كان عبارة عنه هو ونور جالسين بالصاله ونور تطلع شيء من شنطتها وتحطه لأحمد بالعصير بدون مايشوف وتعطيه له وهو شربه وهي بعدها اخذت تشرب الحبوب ذي بدون مويه او عصير حتى
أنت تقرأ
غَياّثْ | Ghayath
Açãoقدِمتَ قُدومَ اللّيثِ واللّيثُ باسلٌ.. وَجئتَ مجيء الغَيثِ والغَيثُ هَتّانُ ! عاميه باللهجه السعودية.. خاليه من اي علاقات محرمه ! أهم تصنيقاتها : "صداقة " "إخوة" "اكشن " أستمتع !
