كنا جالسين في السيارة وأحمد الرخمه يسوق وصار له اكثر من ساعه يسوق ، موب لاقين شقه حتى تحوينه وتخلينا نسكن فيها
حرفيا في ذي الساعه لقينا وحده بس صاحبها كنسل اول ماوصلنا لها وقال محجوزه ذي اعذرني وكذا ، ياخي اذا محجوزة قول قبل لا تتكلم زايد وتخلينه نقطع كل ذا الطريق واخرتها تضحك علينا !
وأحمد بكل برودة الأرض قال ايوه مشكور وعادي ، والحياة حلوة لا كذب م
ماقال كذا بس هو بعدها راح وجلس في السيارة موب مهتم حتى !
والصراحة انا ماخليتها في خاطري وجلست اهزئ فيه قدام الرجال وبعدها هربت للسيارة وقلت لأحمد حرك وهربنا !
ضحكت بشكل خفيف يوم اذكرت ذا الموقف اللي صار قبل نص ساعه تقريباً والحين نص ساعة كامله وحنا بس نفرفر !
يا شيخ فرفرنا الرياض حرفياً وكل ذا ومافي شقه فاضيه ! الله يهيدهم كلهم هاربين زينا ولا وش السالفه ؟
المهم ناظرت احمد اللي يسوق بملامحه الباردة يا اخي عطي ردة فعل تحسسني انك بشر يعني موب كانك تمثال ابو الهول !
حرفيا كذا رياكشن يشبهه ذاك الصخره اللي في الايموجيات لا مو يشبهه كأنه هو !
ضحكت بشكل خافت وانا اتخيله كذا وفجأة خزر فيني من المراية الإماميه وبسرعه رجع عينه على الطريق !
بلعت ضحكتي ورجعت متكي ظهري على كرسي السيارة وحاولت اتجاهل وجوده ، وناظرت اخواني ،وابتسمت لا ارادياً يوم شفتهم نايمين!
كان زايان نايم ورأسه على كتف رايان اللي نايم ورأسه مرتاح على شباك السيارة شكلهم بالقلب وهم كذا !
الحين اي شخص بيشوفني يقول ذا مههوس في اخوانه ولا فيه شيء موب طبيعي ناحية اخوانه والصراحة اوافقه الرأي لأني انا زدت نفسي مش عارف ليه الصراحه !
والله احبهم حب بس الله يعلم فيه ! تنهدت ومديت يدي اعدل وضعيتهم شوي وبعدها صورتهم صوره كذا عشان ذكريات وكذا ، ورجعت اناظر الطريق بملل
الساعة الحين 3:13 دقيقه صلاة العصر صارت واحمد الزق موب لاقي حل للحين ! يولد حتى لو يوقف بمسجد كذا نصلي ونكمل بحث ابرك !
"يا اخي خلاص طفشت متى نلقي لنا شقه ؟ اذن العصر وحنا مالقينا للحين !"
بس قلت كذا ناظرني أحمد وقال ببرودة اللي طفشت منه واتمنى يرجع احمد اللي كان شوي ويبكي قبل يوم بس !
"انطم بس الحين بنشوف ذي العماره اللي قدامنا واذا ماحصلنا فيها شقه بنروح لصديقي نسكن عنده الين الله يفرجها "
لا والله نروح لصديقك ؟ خير يبوي ما اقدر اخذ راحتي اذا كذا ! بس بدعي يارب ذي العماره فيها شقه لنا حتى مانروح لصديق ذا اللحجي !
أنت تقرأ
غَياّثْ | Ghayath
Açãoقدِمتَ قُدومَ اللّيثِ واللّيثُ باسلٌ.. وَجئتَ مجيء الغَيثِ والغَيثُ هَتّانُ ! عاميه باللهجه السعودية.. خاليه من اي علاقات محرمه ! أهم تصنيقاتها : "صداقة " "إخوة" "اكشن " أستمتع !
