قاسم والمتمرده

الفصل الرابع

اللهم صل وسلم وبارك على سيدنا محمد وعلى آله وصحبه وسلم.........

محمد وهو ينظر لعائشه بحنان بالغ

عائشه جهزي حاجتك علشان اوصلك لمعسكر التدريب بكره الصبح

عائشه بعدم تصديق
انت بتقول ايه يابابا انت بتتكلم جد وفاجأة قفزت عائشه على أبيها وظلت تقبله وتقول
انت احلى اب في الدنيا ربنا ميحرمني منك يابابا ياحبيبي

ضحك محمد كثيرا وقال

انت بكاشه يابت انتي بعد مخدتي إلى انت عايزه بقيت احلى اب

قالت عائشه بحب
لا طبعا حتى لو مكنتش وافقت وصممت على رايك كنت هتفضل احلى اب بالنسبه ليا وان كنت زعلت شويه من حضرتك الا اني عارفه انك خايف عليا ولا ايه ياحمودي

ضحك كثيرا معها وقضوا وقت رائع سويا ذهبت عائشه إلى غرفتها وجهزت نفسها وحقيبتها جيدا ثم دعت الله أن يوفقنا في القادم

جاء الصباح سريعا تناولت عائشه الافطار مع والدها ثم غادروا سويا إلى المعسكر

عندما وصلوا إلى المعسكر قالت عائشه لأبيها
بابا هنزل انا وادخل لوحدى مش عايزه حد يقول اني هنا بسببك وانك بتساعدنى علشان انت لواء وكده يعني

نظر لها بفخر وقال
عارف انت وادهم شبه بعض اوى في الحته دي لغايه دلوقتي رافض أنه يعرف حد اني أبوه كبرتوا يارمم

انطلقت عائشه في حماس إلى الداخل وذهبت حتى تعرف مكانها أوقفت ضابط مرت من جواره وقالت
لوسمحت
التفت لها الضابط وانبهر من جمالها الصاخب وقال
نعم حضرتك عايزه حاجه

ردت عليه باحترام
عايزه اعرف مكان القائد هنا

رد عليها
انا رايح هناك تعالى معايا هاتي الشنطه اساعدك
ردت عليه
لا شكرا انا هشيل حاجتي بنفسي مش محتاجه مساعده

نظر لها وهو يقول في نفسه ايه البت دي إلى يشوف شكلها ميشوفش طبعها باين هتبقى ايام عنب

وصلوا بالفعل الى مكتب القائد المسؤول عن التدريب
طرقت عائشه الباب
إذن لها القائد بالدخول
دخلت عائشه والقت التحيه ولكن تفاجأت ان القائد ماهو الا قاسم

قاسم وهو يرد التحيه وايضا تفاجأ بها ولكن لم يبن ذلك

انت متدربه جديده عرفي نفسك
ردت عليه
انا عائشه محمد القناوي عمرى ١٩سنه دخله تالته طب السنادى واكملت ممكن اعرف حضرتك مين

نظر لها قاسم بصدمه من ردها وقال
فقال وهو ينظر لها بقوه واعجبه نديتها
معاك الرائد قاسم فاروق القائد بتاعك وانا عرفتك عن نفسي بس علشان محمد باشا القناوي القائد بتاعى

قبل أن ترد عليه عائشه
طرق أحدهم الباب وبالطبع لم ينتظر أن يأتيه الرد وكان هذا هو ادهم