قاسم والمتمرده

الفصل الخامس

اللهم صل وسلم وبارك على سيدنا محمد وعلى آله وصحبه وسلم...........

رد ادهم
اقلق على مين على عائشه لا دانا اقلق على زيد اكتر دي يابني بتكسبني في ربع ساعة بص خمس دقايق والماتش هيخلص

نظر قاسم على عائشه وزيد
ورأى زيد يستسلم لها بكل سهوله أنهت المباره ببارعه وسرعه وذكاء أيضا

ذهل الجميع من فوزها بهذه السهولة والسرعه كيف لهذه الصغيره أن تتغلب على زيد اقوى فرد في الفريق بهذه اللعبه حتى أن زيد نفسه ذهل من فوزها عليه وتوعد لها

أما عند قاسم فهو أيضا لم يتوقع ابدا أن تفوز وظن أن أبيها وادهم يهولوا الأمر إلا أنه اعجب كثيرا بذكاءها قبل قوتها وتوقع لها أنها سوف تنهي تدريبها بنجاح باهر

عائشه وهي تمد يدها لزيد
هارد لك يا كابتن دلوقتي اقدر اقولك انا عايزه ايه

نظر لها زيد وقال
انا وعدتك لو فوزتي هنفذ إلى تطلبيه

ردت عائشه عليه بابتسامه اذابت بعضهم من جمالها

انت عايزك تساعدني في تدريبي بس بكل جديه ممكن

زيد لم يتوقع ردها ظن أنها سوف تغتر وتعالى عليه
فقرر أنه سوف يساعدها بكل جوارحه فهو اعجب بذكاؤها وتواضعها والأهم ابتسامتها التي سلبت لبه

فقال لها
وعد منى هساعدك بس مش هتهاون معاكي

ردت عليه
هو ده الى انا عايزاه
في هذا الوقت دخل عليهم شخص وقال
مش انت إلى كنت عايزه مكتب القائد الصبح دانت متطلعتيش صاروخ بس دانت جبروت ياشيخه
معاكي الرائد هشام سنجل وانت

ردت عليه عائشة
اهلا عن اذنك القائد عايزني

ضحك زيد على ملامح الصدمه على وجه هشام
فقال هشام
دى كرفتني يازيد
فقال زيد
باين أننا هنشوف ايام عنب معاها علمت علينا احنا الاتنين في اقل من نص ساعه ياتري هتعمل ايه تاني قالها وهو ينظر لها بمشاعر جديده عليه

أما عند قاسم فكان يغلي من داخله عندما ضحكت ورائ نظرات الإعجاب لها من الجميع وخصوصاً زيد فإنه ينظر لها نظرت حب
أشار لها لكي تأتي له
ذهبت له فقال لها بغضب حاول مدارته ولكنه لم يستطع

خلاص فقرت الضحك والمايصه خلصت ولا لسه
اسمعي انت هنا في تدريب يعني المايصه والدلع ده مش هنا هنا في انضباط مش مكان للدلع

ردت عائشه عليه ببرود عكس مايدور بداخلها كم اهانها وسوف ترد له إهانته قريبا جدا فلينتظر

فقالت
اولا انا معلتش اي حاجه من إلى بتقولها وثانيا بيتهيألى التدريب لسه مبداش يعني انا حره اعمل إلى عايزاه واخر حاجه انا طول عمري منضبطه يا سياده الرائد عن اذنك
قالتها وغادرت وهي تحاول السيطره على غضبها منه واقسمت أن تريه من هي عائشه