شيماء
غمضت عيوني بس ماحسيت بشي فتحت عيوني شفت غارز السجينه بالسرير ....
ـخاف عبالج اخلي الموت ياخذج بهالبساطة ...ججج ..اريد دائما اشوف هالخوف بعيونج ..
يااارب رحمتك ...ربي ساعدني .
تقرب وانفاسه تضرب بوجهي ...
ـاكيد هسه تدعين وتكولين يارب ساعدني ...محد يكدر يساعدج ...حتى ربج التتوسلين بي هسه
من كفر غمضت عيوني ..انسان حقير شتوقع منه ...دموعي مستمره ..اندك الباب ...راح وانا اصيح اريد يطلع صوتي ماكووو. ...رجع بعد فتره ...نازع قميصه ....جسمه الضخم اليخوف ... تقرب مني بخطوات وهو قصده يزيد الخوف بداخلي وفعلا نجح ...
ـاي شوشو وهاي صرنا وحدنا ..
***★*****★****
الذيب
عرفت قصة زوجة رافد من سئلت رنا ...واتصال ذيج المرة ...الي ظل بالي من رحت شفت زوجها رجع حمدت الله والا جان وكعت بالمشاكل ...بس ماادري شون احجي لرافد واكله زوجة صاحبه تعرف منو كاتل زوجته ...
لازم اسوي خطة وادخل لببتهم واعرف منو القاتل ....بس شون ...باوعت على حرم خواني ...وعلى رنا اريد وحدة منهم تساعدني ونوصل الهم. ...باوعت لحلا ...هالفترة اشوفها متقبله رافد ووجوده نوعا ما ...بس ماادري راح تساعده لو اكو شي ببالها لان مرات اشوفها من تصفن على رافد بنظراتها اكو نظرات تشفي وحقد عليه ...لو ليلى هاي فطيرة خاف تفلت كلمة منها اذا طلبت مساعدتها اشوفها ماتبقي كلمة بحلكها ..او رنا بس للاسف بعد ماراح كرار نفسيتها صفر ..رجع الاختيار على حلا ...
بعد وكت شفتها كاعدة بالحديقة وصافنة عالورد ..تقربت على كيفي ..
انتجيت على شجرة الليمون الموجودة بالحديقه وانطيتها ظهري مااريد اخجلها وحجيت بلامقدمة
ـاذا طلبت مساعدة منج ويضل بينا تقبلين تساعديني ...
**★****★****
حلا
رافد يحاول يتقرب مني واسامحه باي طريقة ...بصراحة افرح من اشوفه يحير شيسوي حتى اتقبله وانطيه فرصة ثانيه والعرفته بعدين ليش رفض يشتري غرفة لان اجا لغرفتي وطلب هالفترة يبقى هنا لحد مايشتري. .سويت روحي مو فاهمه سبب بقائه وياي ...اتغابيت لان عجبني اشوفه يتوسل مني الكلام والافعال ...
واكفة بالحديقه وصافنة بكل المريت والمر بي ابني ...وانصدمت من كلام الذيب ...عبالي يريد مساعدتي بشي يخصه بس انصدمت من كال ...
ـاريد اعرف منو كتل زوجة رافد ...
انصدمت ..وجاوبته جاوبته
ـمفهمت ...الشي الاهلها ورافد مكدرو يعرفوه انت شلون تكدر تلاكي...
ـجاوبتها وانداريت عليها ...اكدركدر اثق بيج هالكلام ميطلع حتى بينج وبين نفسج ..
هزيتله براسي اي ...
ـورا جيتي بجم يوم اندك مو بايل رافد برقم غريب ...من جاوبته طلعت وحده تريد تكوله منو كتل زوجته بشرط يهزمها من رجلها وهو يعرف رجلها.
شهكت وتقربت ..
ـوليش مكتله ...
جاوبني وهو يباوع للكاع ...وبرأيج رافد هيج عاقل بهالشغله بالذات اذا يسمع وحدة تعرف منو فضحه يروح يساعدها وبهدوء يعرف منو كتل زوجته ...لو يكبرها ويوكع المره هم بمشكلة
فكرت كلامه صح ...لان الفضيحة صارت اله اكيد يفقد ومايعرف يتصرف
ـصح بس شون نتساعد. .
ـتعرفين صديقه عماد ...استغربت شون يعرفه..
ـاي من وين تعرفه ..
ـالمرة زوجة عماد ...
فتحت عيوني مصدومة ...
ـيعني. ...
ـبالضبط الفهمته من خلال كلامها وخوفها ...زوجها هو الجان بعلاقة ويه زوجته وهو الكاتلها ...
ـوشنو منتظرين ليش مانبلغ الشرطة ...
ـهي كالت عدها دلائل ...لازم نعرف الدلائل بعده عدها لو ذاك وصل ...لان اختفت ومن رحت حتى اهزمها ابن الك.. رجع وماكدرت اساعدها. ..وخايف لا الدلائل وكع بايده..لان مااعرف شلون اوصللها ...ومن هاي طلبت مساعدتج ...
ـشون ..
ـتروحين لبيتها . .
باوعتله مفهمت ...
ـقصدي تلكين طريقة تروحين انتي ورافد عليهم...
ـمااعرف راح احاول ...
ـمثل ماكلت حاليا الحجينا يضل بينا لحد مانوصل للدلائل...
هزيت براسي ...باوعتله ..
ـانت كلت اجيت انتقم ..من يوم الجيت وانا اشوفك دائما تساعدهم اول شي رنا وهسه رافد. .
ـهاي السوالف بعيدة عن انتقامي. ..انتقامي ابلش اخذها من اشوفهم كلهم مستقرين وسعيدين وابلش اسحب منهم الفرح واحد ورا اللاخ عافني وراح ..ابتسمت لان كلامه مابي ربط ولاحقيقي مبين اتعلق بيهم بس ينكر لان مخالف للجاي عليه ...
رجعت... انصدمت من شفت رافد واكف على شباك غرفة الضيوف ومبين جان يباوع علينا ..
عفته ودخلت اجاني للمطبخ ..
ـشجان رايد الذيب ...باوعتله ورفعت حاجبي ...
حس شجنت اريد احجي كبل حجه...
ـاشوفه مايحجي ويانه انصدمت من شفته طول وياج بالحجي ..
ـعادي جان يسئلني عن رنا وعلاقتها بكرار ...وهو حجالي راح يساعدهم. ..
ـغرريب ...
ضل صافن عالباب ..حجيت انا .
ـاكول ...اني تعرفت على زوجة صاحبك صهيب شرايك نروح لبيت صاحبك عماد واتعرف على زوجته بلكي نتصاحب مثل ماتصاحبت ويه زوجة صهيب .
باوعلي وابتسم تدللين . هسه اخابره نروح بالليل ...طلع موبايله واخذته من ايده شرايك نروح مثل المفاجئة ...لان اذا خابرناهم راح يكلفون نفسهم ...واكيد مانريد نتعبهم ونكلهم ...باوعلي وباوع لايدي اللازمه ايده ...عصر ايدي واخذها وباسها ...حركات جنت اتمنى يسويها وكت الجنت واكعة بحبه مدري ليش هسه مااحس بشي من يقدم الحب الي او يتصرف هيج تصرفات سحبت ايدي منه وطلعت لرنا ...
فتت شفتها لازمه صورة كرار ..الراح لاربيل حتى يرتاح نفسيته واختفى ...وهي انتهت وتلوم بروحها حتى الاطفال ماتهتم الهم انا وليلى وماما نهتم بيهم.
ـرنا لياوكت تضلين هيج ... جهالج محتاجيج ...مسحت دموعها وشهكت كعدت بصفها
ـرنا تاكدي كرار يحبج ومايكدر بدونج .. واكيد راح يشتاكلج ويرجعلكم انتي واطفاله ...
***★*****★*****★****,
رنا
ندمت ندم عمري على كلامي الطلعتها بلحظة غضب...
عافني صار اسبوع ماشايفته ولاسمعت صوته....هملت روحي وجهالي اخواني حاولو يطمنوني ويطلعوني من حالتي عبث مااريد غيره ...اريده هو ....حبيبي وعمري كرار...
حلا ماعافتني رغم اذيت اخوها بس ابد ماعاتبتني لاهي ولاخالة بالعكس وكفو ويايه ويحاولون يطلعوني من حالتي ...
غمضت عيوني وجاوبت حلا...
ـمعقولة هنت عليه ...ماكلف روحه حتى يسئلج عني ...ولافتح موبايله ...حتى يطمن على جهاله.
غمضت عيوني بحزن...
***★*****★"""
حلا
بدلت ملابسي ووصيت ليلى على رنا وطلعنا ..جنت لابسه فستان اسود من يوم المات ادم وكل ملابسي اسود والوان غامقة...وهو لابس قميص جوزي وبنطلون اغمق من القميص ...واناقته الدائمة...طلعنا ووصلنا نزلنا وانا اعترف الخوف مسيطر عليه راح ادخل بيت شخص قاتل حس رافد بيه ولزم ايدي وهو يباوع مستغرب رجفة ايدي وراد يحجي وانفتح الباب ...اندار للباب وحسيت عماد انصدم بشوفتنا ...
ـراففد ...شتسوي هنا ..
ـشبيك لك بدل ماتكول تفضل.
ـها ...اي اي تفضلو بس استغربت ...بس لحظه .فات بسرعة استغربنا انا ورافد ماقبل نفووت كبل كال رافد..
ـاحتمال راح يكول لاهله حتى يتسترون...
ـهزيت براسي بس انا حسيت مسوي جريمة وراد يغطي عليه..ورا لحظات رجع...ودخلنا...
دخلنا لغرفة الضيوف ...
كعدنا ...ورا تقرببا ربع ساعة زوجته اجت ...كمت لحيلي ...تقربت مني وهي ترحب بينه ومنزله راسها ..تباوسنا وحسيت برجفة جسمها ....وخرت وكعدت بصفه...عيوني علبهم وشفته يخزر بيها من حس انا اتابعهم ..ابتسم وكللها يلا حبيبي جيبيلنا الضيافة..
حجه رافد ..
ـلك ماجايين نجربكم بس المدام رادت تتعرف على حرمتك ...
ـهلا بيكم البيت بيتكم ..كامت زوجته كبل كمت وكتلها ..
ـراح اساعدج فز عماد ..
ـلا ام ادم مانريد نتعبج ..غصبت روحي عالابتسامة...
ـماكو تعب خوية حسيت بخوفه وانا الحك زوجته ...فتت للمطبخ..وشفتها ترجف ..
ـخايفة ..فزت واندارت لي وتبتسم بخوف...
ـاخاف من شنو ...تقربت منها وكلت بهمس ...
ـخايفة من زوجج القاتل ...فتحت عيونها بصدمة ..كملت
ـاي ادري هو كتل رفل زوجة رافد الاولى..
ـاننننتتي ححلا..
ـاي وانتي شنو اسمج ...
ـشيماء ..اجا صوته وراي انداريت شفت عيونه الصلفة تباوعلي....ورافد وصهيب المايرفعون عيونهم على حرم صحبانهم مدري شلون مرافقين هيج واحد نذل...
جاوبته بنفس صلافته...
ـاعتقد هي عدها لسان وتجاوب خويه موو..
انصدم من طريقة كلامي ...عافنا وحسيت بنظراته يخزر بزوجته...
ـاي شيماء تقربت منها شونج ...
جاوبتني بنبرة خوف
ـززيينة ..
تقربت منها وحجيت بصوت ناصي.
ـبعد الدلائل بيدج لو وكع بيد الناقص رجلج ...
فتحت عيونها مصدومة بكلامي. ..
****★*****
جنة
عرفتها والله هي ..جا مو كالو ميته ..هاي امي والله امي ...تقربت مني بركض. .
ـيمه جناوي ...ماما الله لايوفق ابوج حرمني منج ...
انصدمت شنو ابويه ...مو كالو ماتت. ..باوعت على صهيب شفت ملامحه التدل عالغضب ...
عتني من امي ...
ـشتسوين هناااا ...
صاح بيها فزيت ....بس هي مهتمت ...ورجعت تريد تتقربلي ...بس صهيب وكف بوجهها ...
ـكلتتت شتسوين هناااا ...
ـاجيت اشوف بنتي الحرمتوني منها ....انت وعمك ...
رجع جاوبها بغضب
ـلاتجيبين اسمي عمي على لساانج ...
صحت بيهم...
ـكااافي كااافي ...شنو ديصير هناااا ...مو على اساس انتي ميته ...باوعت على صهيب مو كتلي ميته جااا منووو هاي ...
ـتقربت ام صهيب ...مااريد ازعلج بس هاي امج وصح زوجج وابوج الله يرحمه حرموج منها ...
ـيووووووووم... تخسريني والله ...والله تخسريني ...
ـقابل اضل احرم بنت من امها مثل ماانت سويت ...ياما هالمسكينه ورا وفاة عمك جت وانت تطردها لان تريدها بس الك. ..
شهكت ...اندارلي تقربلي ...
ـجذب ...يجذبون والله ...هي عافتج والله عافتج وانهزمت و...سكت غمض عيونه بقوة ...
ـليش انهزمت ...
جاوبتها الاسمها امي ...
ـاذا كلامك صدك كللها ليش انهزمت ...باوعتلي انهزمت من ضيم ابوج ...
باوعتله ...يباوعلي ويريدني اصدكه ..
ـانت حرمتني منها ...
ـلمصلحتج. ..هذا وصية ابوج من مات وصاني مااخليها توصلج ....
ـصحتت بي ...اييي ليش مراد ارجعلها ...جاا ليش مات اذا رادني ابقى يمه ...ليش خلاني اعيش اليتم وانا عندي ام ... تعرف شنو جنت احس من امك تهتم بخواتك ...وانا مركونة صح انت هتميت بيه وصرت ام واب اليه ...بس بعدني اريد احس بحنان ودفء حضن الام ...صح امك مقصرت بس مغريبه اتمنيت تحسبني مثل بناتها بس ابببد ....
ـهاي انا رديت وراح اشبعج حنان ...
ـوللللي مناااا ...
ـلامتتروووح ...اذا راحت اروح وياها ...
ـاذا رحتي تخسريني ...اختاري ياانا ياهاي التسمي روحها امج ..انصدمت الاختيار صعب ...هو حياتي ..هو الرباني وصارلي اب وام ... ومن جهة اريد احس بشعور وحنان الام
لزمت ايده ...
ـفدوة ...خليها اريد يكون الي ام ...صرت ان وبعدني اريد احس بحضن الام ...فدوة صهيب لاتحرمني ... مسامحتك لان حرمتني من سنين ...بس فدوة مااريد اكسر كلامك واخسر حبك ...ابو اموري فدوة ...
اخذ نفس ...صدكيني راح تتندمين وكولي صخيب كال ...بس مااريد اكسر كلبج مرة ثاني ...حضنته ...وورت ورحت تقربت منا وذبيت روحي بحضنها ...بس الغريب محسيت بشي ...ماادري بقائها هنا لمصلحتي لو راح ادمرني وادمر علاقتي بصهيب ...
ـبس يمه انا عندي بنيه ... زوجي مات مااكدراعوفها. ..
ـابتسمت بوجع. ..يعني عندي اخت ..فدوة يعني راح يكون عندي اخت ونكول اسرار لبعض ..اكيد تكدر تجي ...باوعت لصهيب مو حبيبي ...
ادري بالكوة مصبر روحه مايطردها هز براسه اي ..الغريب اسوف فرحة ام صهيب اكثر من فرحتي بوجود امي ..
ـحجت خالة ...تعاي ام جناوي اشوفج غرفتج انتي وبنتج. .
راحو ...
باوعلي بقهر. .تقربت منه..
ـليش بابا مسولفلي ابد ... ماما نهزمت منه ..انت متعرف السبب ..لان مافات بعقلي بابا مشوفها ضيم ...بابا دومه فقير وحنين.
تقرب مني ..
ـراح انصحج نصيحة وحدة لاتثقين بيها ...
ـشتقصد...اكو شي لازم اعرفه.
ـاللازم تعرفي ابوج ماجان اكو مثله ...وديري بالج تقبلين اي شخص يحجي عليه بكلمة وان شاءالله ماتندمين لان دخلتيها بحياتنا .
خوف عصر كلبي ...بس خلاص حب الام احتلني واريد اجربها ...
