حلا
رجعت لغرفتي ....كعدت عالجرباية ...تذكرت كل لحظة ضيعتها من حياتي على واحد ميستاهل ....متاكدة حتى الراح تتزوجه مراح ترتاح ...لان واحد مثل رافد مستحيل بعد الصار اله ايقنت مستحيل يتخطى ويعيش بسعادة ومتأكدة مثل مااخذ شبابي وسعادتي نفس الشي راح يصيرلها .. مااتمنيت اي وحدة تعيش العشتها بس رافد اتمنيت من صدك ماينسعد على كل اذية شفتها انا وادم الله يرحمه ...ولو هو طير بالجنة ..اندك الباب ...وفات كرار ...كعد بصفي
ـ شلونج ..
هي جانت كلمة ...بس الجواب جانت هوايه تراكمات بداخلي
بس اكتفيت وانا اكله...
ـ لو سألتني قبل جم يوم جان كتلك ضايعة ...بس اليوم مرتاحة واحس بروحي حرة ...انت اكثر شخص يعرف شكد تحملت ...صح غلطت من ماسمعت كلامك ودخلت بعلاقة غلط ...بس كل شي قسمة ونصيب وهاي جانت قسمتي والحمدلله احس هسه لكيت روحي ...
حضني ...
ـ جنت اتمنى تضلين حلا الصغيرة الجانت تسمع كلامي وتاخذ برأيي وماتنخدع بسهولة...جنت اتمنى ذاك المرة هم لو سامعة مني وماتزوجتي ...بس مثل ماكلتي هي قسمة وماانكر فرحت لان خلصتي ...صح متأخرة ...بس كل تأخيرة بيها خيره...وهسه اتمنى ترجعين حلا القديمة ..الجانت كرامتها فوك كل شي ..ودوسين اليكسرج...
ـ اوعدك ..
اخذ بايدي وطلعنا بابا وماما ورنا كاعدين والجهال يلعبون ...بابا فتحلي ايديه ...رحت بسرعة ذبيت روحي بحضنه...
ـ من اليوم ماعندي اهم منج ومن اخوج وسعادتكم ..
ـ لابابا خلاص مدام خلصت من رافد ...ماكو داعي ادمر علاقتك بعمو ..ماانكر شلت بخاطري منه ...بس هاهيه الحمدلله هسه ارتاحيت ...
ثاني يوم تريكنا وكرار ورنا بقو يمنا..
اندك الباب ...طلع كرار...وشويه ورجع.
ـ حلاوي ابن عمج هنا...
استغربت ..
ـ منو ...
ـ الذيب يريدج ...
صاحله يفوت
فات وهو مدنك ...
ـ السلام عليكم..
رديناله ...
ـ بنت عمي ..تمنيت ماصار الصار ....اعتذر اذا جان بسببي
ـ قاطعته ...بالعكس ...انا اشكرك لوما انت جان ضليت زوجته لرافد وهو ياخذ حيلي وصحتي وحياتي وعمري وسنيني...
ابتسم بحزن..
ـ بنت عمي ...اتمنى انتي ورنا العصر تروحون لزوجة ذاك العار وتشوفون شمحتاجين
ـ تمام خوية ...
وصدك العصر رجنا انا ورنا وهي عافت جهالها يم ماما ..دكينا الباب فتحلنا شاب ...من شافنا دنك بسرعة
ـ نعم خويه ...
ابتسمت على اخلاقه وتربيته ...
ـ انا صديقة اختك شيماء ...والذيب اخويه هو الدزنا...
ـ ياهلا بخوات الذيب .....فوتو خويه...
فات وصاح ...شيمااء
ـ ياروح شيماء...شافتني واجتني بسرعة....حضنتني بقوة....وانهارت بالبجي..بالكوة لازمتها لاتوكع ...رفعت راسي شفت بنيه تباوعلنا ومدمعة
ـشمااسويلج انتي وحماج ..بعدني مقصرة ...رديتولي روحي...
ـ شششش شيماء وانتي كفيتي ووفيتي ...وانتي القدمتي مو قليل ...راح يوصله لحبل المشنقة..
ـ الله يسمع منج ..
فوتتنا والولد اترخص وطلع ..فتنا للهول بيها مدات اثنين ...وثلاجة وكاونتر صغير. ..انداريتلها
ـ هاي رنا اخت الذيب وبنت عمي...
ـ حلو يعني الذيب حماج وهم ابن عمج...
ـ لاا...الذيب بس ابن عمي ...
عكدت حواجبها ..
ـ جاموكلتي حماي ...
ـ اطلكت البارحة...
ـ استغربت .
ـ جا ليش مالزمتي عدة ولو تدخل هذا..
ـ منتظره نطلك محكمة والزم عدة ...حاليا محد يعرف مطلكة وهم ردت اشوفج قبل لاالزم العدة ..
ـ اكدر اسئل ليش ..قصدي يعني ليش انفصلتو
ـ لان جان اختياري غلط ..
سكتت من عرفت مااريد احجي اكثر ..
ـ انسيه...من خر.. عالزلم ..تعاي ناري ...وهاي خيتي ناريمان وذاك الشفتو التوم مالها حسين..
حجت رنا
ـ يفدوة اكول بيهم شبه هوايه...
ـ ضحكت ...اي ..
ـ ماشي كلبي الذيب دزنا يريد يعرف عدكم نقص شي ..
ـ لا لا كوليله مقصرت ورحمه الله والديك...
ـ حا لزمي دز هالموبايل وسيم كارت جديد وبي رقمي ورقم رنا ...عود اذا صار شي وعالمحكمة مال ذاك الع...راح نبلغج
كمنا لحيلنا .
ـ ابقو عالعشا
ـ متقصرين كلبي ....دايمة بس لازم نرجع رنا عايفة جهالها...
ـ رنا اخت الذيب ..
ابتسمت
ـ اي ومرت اخويه بنفس الوكت...
ـ الله يحفظكم...
رديناها وودعناها كرار والذيب منتضرينا برا جانو يحجون ويه حسين ...صعدنا وهمه شويه وصعدو كال كرار
ـ خو مناقصهم شي .
جاوبت رنا بلا ...ورجعنا ...وانا قررت اتعين بمدرسة اهليه حتى لو راتب قليل اريد احس انا الي قيمة بهالدنيا ...
