القصة لبطلين اساسين همه رافد وصهيب
وابطال ثانويين
القصة تتكلم عن حب حقيقي وعن حب بين اولاد العم وحب من طرف واحد ...وعن خيانة وغدر ووجع الم
مشهد اول
جنت انضف الكنتور ...وصارت عيني عالباب الي مانعني افتحه.... بلعت ريكي واني عقلي يدفعني افتحها ...يخلي المفتاح كدام عيني بس ياويلي ...اذا تقربت منه ...اتذكر ببداية زواجي من فتحها توني افتح البوم الصور ...حسيت انجر مني الالبوم ولزم ايدي وفرها وراد يكسر اصابيعي ...لو مااحلفه بغلاتها .... ...رجعت للواقع واني ابلع ريكي واوخر وسوسة الشيطان الي يريدني افتح الباب ....
اتذكرت اليوم هو مو هنا رايح يمها ...اتقربت من الدولاب البيها المفتاح ....اخذتها واني خايفه خاف اشوف شي ويخليني اكرهه ....ويحرك كلبي اكثر مااني محتركة ...فتحت الباب ...مكدرت اتقرب من الالبوم ...مااريد مااريد اشوفهم سوه يكفي الفترة الجنت احترك بيها من اشوفهم ....بين ماافتش بالاغراض ....جان الكي الدفتر الاسود الجنت اشوفها مرات جانت تكتب بيها....فتحتها ويه فتحت الباب وارفع راسي واني اشوفه شلون يباوعلي بعيونه السود ويخزرني نزل نظراته للدفتر الجان بيدي ورجع يباوعلي بعصبية ....
المشهد الثاني ...
ضلت دموعي تنزل واني ممصدكة الورقة البأيدي ...رجعت باوعتلها وهي تباوعلي بحزن ...مستحيل اصدك ...
تقرب منها ...عفية خالة كولي مو صدك دااشوفها كولي ...كولي مغدرني ومخاني ...جاوبتني بحزن
_شبيدي ياخالة ...جان رايد يضل مستغفلج بس اني كلت مستحيل انتي هم بمثابة بنتي لاتنسين بعد وفاة اهلج ...جبتج يمي وكبرتج ويه بناتي ووليدي ...
سمعت صوت سيارة ...اكيد هو شلون راح اواجهه بعد كل السواه بيه وتحملت لان ادري بي يحبني واني هم احبه بس هاي جانت نهاية هذا الحب
**********
المشهد الثالث
شفتهم واكفين سوه ....ردت افززهم ثاري همه الفززوني وكعدوني من الحلم ورجعوني للواقع ...تقربت ردت اكمز هم وسمعتها وهي تبجي
_واني شنو ذنبي عفية لازم تجي تخطبني ...ابوية راح يجبرني لان المتقدملي مبيه عيب ...
رجعت لورا واني اريد افهم هو شدخله....
_وانا شكو ...
جاوبته وهي تنحب
_لعد منو الاخذني ....منو الكال اني احبج ...
_حدج لهنا انا غيرها ماحبيت ...ومن الاول كتلج هي حبيبتي الوحيدة ...وانتي مجرد نزوة وقبلتي لان جنت اصرف عليج ...
بعد متحملت ...وصفكتلهم ...اثنينهم انصدمو من شافوني ...
وهاي القصة الجديدة وان شاءالله نبلش بيها اول يوم برمضان كل يوم بعد صلاة العشاءو التراويح
