حلا
انصدمت بكلامي ...جاوبتني برجفة ..
ـمماادري ...من لزمني ماادري وين ذب العلاكة الجان بيها الموبايل والملابس ...
اخذت نفس ..
ـيعني ميدري انتي عندج دليل علي..
هزت براسها لا..
ـعبالي زوجج مثله ...لان ماحاول يجي ويعرف شصار بيه من راد يهزمني .
ـبرايج لو محاجيه زوجي ومدليته على كاتل زوجته راح يضل هيج هادئ...
استغربت ..
ـمفهمت ..
ـجاوبتها بصوت ناصي ..الحجيتي وياه جان اخو رافد حماي يعني مو رافد ..المهم مااكدر انطيج رقمي انتي دوري الموبايل وانا كل فترة اجي واشوفج لكيتي لولا
رادت تحجي ودخل ابليس للمطبخ...
ـشكلكم صرتو صحبه ...ابتسمت ..واترخصت منهمردت افوت كاطع طريقي. ..
رفعتله حاجبي ....ابتعد مني بس من ردت امر طخ بايده ايدي لعبها لتفسي الناقص ...مدري شجاب هالك..على صهيب ورافد ...رجعت كعدت بصف رافد.
ـها شون شفتيها ...
ـفدوة نفس طبع جنة ونفس جوي ..
ابتسم على ابتسامتي ..
****★****★*****
شيماء
اسبوع ...ضيم بضيم ...كل شي عشتها ...اغتصاب ...وعذاب ...حرك كل جسمي بكطوف الجكاير...كلما ياخذ السم ...يلا ارتاح ...لان يخليه نفس الميت مايندل راسه من رجليه ....
عمتي حلتلها الكعدة ببيت اخوه الجبير ..وهمه مكيفين بيها ...كالت راح تبقى يمه هالفترة ...على حظي المصخم ..
وهو حار شيسوي بي ..جتي ايام باليوم ينطيني لكمتين بس حتى مااموت ...كل هذا ليش لان مخبل يريد يحس نفسه سي سيد وانا ضعيفة كدامه...جسمي المتشوه ...ادعي رب العالمين يخلصني منا ...اندك الباب باثناء ماجان يريد يبلش بطقوسه عليه ...شويه وفات ...فتح حلكي وجرني من شعري ..
ـرافد وزوجته هنا ...ديري بالج يفلت لسانج بشي اذبحج واذبح اختج واخوج الجنتي ادورين عليهم ...
فتحت عيوني بصدمة ..ااختتي واخوويه لكيتهم ...
ـطبطب على خدي ...اذا تردين توصليلهم خليج عاقلة. ..
فتح ايدي ورجلي ..كمت لبست حجاب وغسلت شعري وملابس مستورة وعباية عود يغار وبراسه غيرة الخاين. الحقير....
رحبت بيهم ..وانصدمت من كلامها ...ردت للحظة اتراجع واكول ماعندي شي عليه ...بس خفت كلامه عن احواني جذب ويريد يستغلني بيها ...فقررت العب بالطرفين هم اوصله لحبل المشنقة وهم الاكي اختي واخوية الي عمامي كالو انهزمو منهم بعد مازوجوني لعماد ..توسلت بي يدورهم بس الحقير جان يلعب باعصابي ببداية زواجنا يخليني اسوي اليريده مقابل يلاكيهم من مرت سنوات ايست وبالاخص من دخلوه اخوانه وابوه للمصح ...بس هاي اول مرة يحجي بيعم من يوم الطلع من المصح...بلكي واصل الهم ياااارب. ..
راحو ...جرني من شعري ...توسلت بي يحجي اذا ملاكيهم كالعادة جوابه...
ـصدك انتي زوج ..بعد عندج امل توصليلهم ...بابا هسه تلكين اختج ك... واخوج ك ..
جنت اموت خايفة ...خاف لاصدك فايتين بالطريق الغلط ..
***★****★*****★
حلا. ..
من طلعنا ...وصلنا لمحل مرطبات ..نزلني مدلي ايده ...ترددت الزمه ..
ـبس كدام العالم ..
ـورا جملته مقبلت الزمه ..اذا انت كلام الناس مهم يمك انا يمي زيررو ميهمني شي اسوي اذا انا مامقتنعة بي ...عفته ودخلت للمحل ...
ـباي طعم ترديها ...
ابتسمت باستهزاء سنين متزوجتك ولليوم متعرف اي نكههة احب ...المهم اريد بالكاكاو...
هز راسه وراح.
ـلو هاي رفل جنت تعرف ...حييل بيك وبالسوته بيك ...هاااي حوبتي ...وحوبة ادم بعدك ماضايكها ....
رجع ...جايب لروحه بنكهة الفانيلا ...نفس الجانت تحبه رفل ..
حجيت باستهواء
ـياترى صدك تحب هالنكهة لو هاي لان تذكرك بالغوالي ....
عصر ايده وسكت ...صاير مايعصب مني ولا يقهرني من اسستفززه ... مااريده هيج اريده نفس قبل حتى ميلين كلبي عليه ...لهسه ماانسى الليالي الجان يحسسني انا بنت ليل ...ولاانسى من كسر ايدي لخاطر اغراضها ولاانسه المفوف الاخذتها بسببها ...ولاانسى ابني الفقدته بسببه ...لييش هسه يريد يتقرب مني ..والله لو مامات ادم جان كبل رديتله وطونا اسرة حلوة ...بس بعديش ندمان ..بعد ماموت كلبي وروحي وابني. ..هسه جاي يريد يصلح اخطائه ...فزيت من كالي ..
ـترى ماعت اجيبلج غيرة ..
كمت لحيلي ..
ـلااصلا مجنت مشتهية موطه ..
رجعنا ودخلت لغرفتي ...فات هو انداريت عليه ...
ـيمتى تشتري غرفة ...
ـجاةبني بهدوء..ليش ماثر عليج بشي ..
ماجاوبته اخذت ملابس وطلعت للحمام ..بس بردت روحي ..وبدلت ...طلعت دورت عالذيب ..ماكو ..اجلت الكلام للصبح ...دخلت هو اخذ ملابس وطلع للحمام ..
غفيت بلامااحس وانا افكر برافد وبشيماءوعماد ...
كعدت وانا احس بدفو وراحة وامان ...فتحت عيوني شفت روحي بحضنه وهو حاضني عبالك خايف لااعوفه ...وخرت منه قبل لااضعف ....
وطلعت غسلت وجهي ...فتت على رنا نايمة ..
موبايلي بايدي ...
دكيت على كرار ..
ـبدون مااسلم كتله ..شفت مااخذ نفس طباع ابن عمك...تدري بيها ماتكدر بدونك وانت استغليت هالنقطة نفس ابن عمك...
ـيعني تشوفين السوتها والكالته سهل وعادي ..
ـماكلت عادي ...بس تكدر تعاقبها باي شي غير انو تحرمها منك ...غلطت بس حقها ترى الموبايل جانت بالسيارة قبل لايحجي كتله. ادري راح تكول جا ليش انتي ماصدكتي راح اكولك ليش ...لان انا اختك ...يمكت وكتها حكمت عقلي لان ماغرت الوحدة منا من تغار تفقد عقلها ...وهي زوجتك فاكيد ردة فعلها تختلف عن ردة فعل اختك البينكم يختلف عن البينا واتمنى تحكم عقلك وضميرك مثل كل مرة انت الشيخ كرار الجنا من نغلط نلتجئ الك ...ماضربتها عاشت ايدك عقابك كان الهجر بس خلاص لاتخليها تتعود على فراكك.
ـمن يمتى كبرتي ولج..
اخذت نفس
ـالكفخات الاخذتها من الحياة علمتني وكبرتني يبعد اختك..
تسالمنا ورحت اجهز بالريوك ...
نزلت ليلى ...
سئلتها باستغراب شو اليوم ماكو قران ...
ـمنوكال ماكو من الستة كاعدة شغلت قران وبخور ونزلت ..
ابتسمت الها ...وبلشنا نحظر شوية وسمعنا واحد يدكدك عالباب ويغني ...
العب حبيبي وحدك بهالساعة
العب بكلبي وبروحي بس براحة
كلبي قفلته هاك اخذ مفتاحه
الورد انت وريحتك فواحة يابوخدود
تفاحة يابوخدود تفاحة اويويويو
باوعتلي ليلى وهي تهز بايدها ..
ـبالله شتحجين وياه اكول هو هيج خفيف من يومه لو من اخذني ...
ضحكت بصوت فاتو رافد والذيب اليباوعلي ومبين يريد احجيله بعدين شصار هزيتله براسي بعدين راح كعد ..
ـاكول ابو الشباب انت من تجي تكعد يمنا لازم تكون نفس جونا ...
كلام ليلى خله الذيب يرفع حاجبه عليها .
ـاي عيني جو رفعة الحاجب والعصابات والمافيا مو عليه ...تدري شنو اذا سويت جم وشم تطلع بيرفكت ..
كفخها رائد ..
ـادري يامرة بالعة مسجل ...علقتي عليه وعلى الذيب بنفس الثانية اخذي نفس ...
ـهاي المن كفخت ...
كام رائد لحيله ...اعتذر جدا اميرتي للو ...
