الحلقة الثالث والعشرون
شيماء
خوف محتلني...خفت من نظراته ونظراته المستهزئة ....من طلعنا وكلت كلامي للذيب ...جمد بمكانه .. اندارلي ولمحت عيونه دمعت ..رجع وباوعلي ...
-نفسها اختج الجبتها....
ـ. للاسف ...واليقهر حسين يحبك ومعتبرك اخ اله ....
ـ عايني. ..والله مجنت بوعيي بذاك الوكت و...قاطعنا من اجا حسين وصاحبه للذيب
ـ حجه حسين ..خير شصار ليش وكفتو...
جاوبته بسرعة وانا احضن بي...
ـ ماصار حبيبي الحمدلله انحكم اعدام...حضني بقوة .
ـ خلاص الكابووس انتهى..
حجه صاحبه
ـ مبروك خوية...
جاوبته والذيب ساكن وبس عيونه عليه..
مهتميتله...صعدنه بسيارتهم ..وصلونا للبيت ...تشكرت منهم ونزلت...اول مافتت شفت ناري..واكفة ومتوترة ..اول ماشافتني اجت ركض .حضنتها.وانا احجيلها خلاص خلصنا وراح اتحرر من اخلعه...رفعت راسها...تعاين لوراي وجسمها بلش يرجف...انداريت شفته واكف ويباوعلها ..حسيت جامد ..
دغه صاحبه حس ودنك راسه وفاتو للديوان...لزمت ايدها على كيف واخذتها لغرفتها...كعدتها عالدوشك...رفعتلها راسي ...عايني راح اسئلج سؤال.
ـ اذا صار والذيب خطبج تقبلين بي ...
رفعت نظراتها عليه وهي مصدومة...
ـ لاااا ..لالا....كامت ترجف وتصيح ...اريد الزمها مااكدر ..جسمها يختض ..
احضن بيها تدفعني فات حسين من شاف حالتها ..كبل احا وهو يسحبها مني ويهدي بيها...ماكو فايدة ترجف وتصيح لحد مااغمى علبها..وكعت بحضن حسين...حسين حجه باستعجال ...
ـ لبسيها جبة عبايه ...يللااااا
طلع وانا البسها لان جانت لابسة دشداشه قصيرة...لبستها عبايه مني ..واجا حسين شالها ..وشفت عيونه المدمعه ..
اول ناطلعت شفت الذيب هو الراح يوصلنا. .حقدت عليه حقد موطبيعي ..
وصلنا للمستشفى. اخذوها للطوارئ ..وحجيتلهم تمر بظروف صعبة ..كالو حالة نفسية وانهيار. .مدري شنطوها واخذوها للقاوش. ..كعدت بصفها وحسين طلع برا والذيب شفت بنظراته خوف ...مدري خوف عليها ..او على نفسه...عفتها وطلعت برا شفت واكف وحده ومدنك ...يرسم برجلة عالكاع...تقربت منها ..
ـ شون كدرت تأذي طفلة كل عمرها جان١٨
فتح عيونه مصدوم ..
ـ ششننو....١٨..
ـ اي جا عبالك..شكد...طفلة خايفة من خسارة اخوها ...وعمامهم نتبرين منهم...بدل ماالحكومة تصير مصدر امان ...شوف بمجرد ماشافتك شصار بحالها ..اختي خسرت حياتها ...
ـ صدكيني بذاك الوكت مجنت بوععي..جنت اكره النسوان مو بايدي ...اتمنى ..
راد يكمل وسكت من اجا حسسين
ـ ها شون صارت .
باوعتله..
ـ بعدها ماكعدت ...
ـ تمام روحي يمها واحنا هنا ..
ـ خوش ..عفتهم ورجعت كعدت بصفها ..اعاين الها ...ماشاءالله جمالها طاغي ...ضليت امسد على راسها .
****★****★******
حلا
جنت ادور بالفيس وطلعتلي اغنية جانت توها طاشه لعلي صابر
جانو يكولولي ..بس مااصدك
حجي الكال وملت
غشيم شكد جنت
درت وجهك مشيت
بعدني ماطحت..
لعد وين الملاك..
تبيع الي فداك..
ولاجنك هذاك الي بحبه متت
معقولة
تسوي هيج بواحد حبك
مو هاي المنك مرجية
حبيتك اكثر من روحي
تروحي لغيري ليش شبيه
واصل وياك لهالحالة
شوف الطيبة شسوت بيه
حبيت المايستاهلني
اسف حيل وحقي عليه
نشرتها. ..ودموعي مستمرة ويه الاغنية..
مسحت دموعي ...اليوم طلاكنا ..عرفت عماد انحكم اعدام ..حمدت الله لان خلص شيماء منه...
بابا راد يجي كرار ماقبل ...لبست طقم رسمي تنورة وجاكيت اسودوقميص زيتوني وحجاب وجنطة نفس لون القميص ..من نزلنا ..لزم كرار ايدي ...هناك شفته واكف يم المحامي ...
جنا منتظرين يصيحولنا ...تقرب من عدنا . .حجه ومبين عيونه بيها الندم...
باوعتله بقوة حجه وهو مكسور .
ـ ماكو امل لفرصة صغيرة يابنت العم..
ـ لااا ...من سمع طريقة. ملامي وكلامي هز براسه اي وابتعد لمكانه ..الحمدلله من اول جلسة وبرضا الطرفين بسرعة انفصلنا...
طلعت ولاول مرة احس براحة وطاقة ايجابية...جان ببالي اذا انفصل عن رافد اموت ..محد حبته مثل ماانا حبيته سنين جنت كاتمة حبه بداخلي وعذبني وضليت احبه.. بس من انفصلت حسيت براحة مو طبيعيه...
صعدنا ..حتى نظرة استخسرته بيهاماباوعتله ابد...حجه كرار وهو يباوعلي بابتسامه .
ـانا اليوم كلي نلك ام عيون الوسيعة... وين تردين اخذج .
