الحلقة الخامسة عشر
رنا
رفعت راسي ...شفته الذيب ...شهكت ..كعد بصفي بتردد..
ذبيت روحي بحضنه...ورا مدة حسيت لمني بحضنه..حجيت وانا مقهورة ..
ـاذا ماعنده شي ليش اجت لهنا وهي مسنود ظهرها والموبايل اللكوه الولد ..شنووو ..والله مو قصدي اقلل منه ..احبه سنين احبه ....وتالي يخووني للييييش ....عافني احجي واطلع الي بكلبي..من حس واحددينزل ...كام لحيله وعافني ...
شفته رائد ..من شاف حالتي ركضلي...
حضني وحجيتله...وعدت كلامي عليه...كومني واخذني للحديقة ..كعدني عالمرجوحة...وكف وراي ...رجع راسي لورا ...صار يدفعني خفيف...
ـتعرفين كرار شكد راسه يابس ...واذا صدك ثبت برائته...صدك يندمج ...شون متعرفين رجلج شنوو ..لو منج هسه اصدك بي ...واروح اعتذر منه واخلي يثبت هو بدون ماانا ادفع الثمن ...
كما لحيلي وحجيت بعناااد
ـمستحيل ..ماقصرت وياه هالسنين...يطلع يخووني للليييش ..
عفته ودخلت جوه كلهم خاينين اليحبوهم من هاي يدافعوله ...رحت حضنت جهالي ..وانا دموعي مستمرة ..
****★****★***★*****
ليلى
عفية مو بيت مسلسل يومية صايرة سالفة...وخالة ام ارام ماحلتها الجية الا هسه ...يبووو على حظج ليلو...طبعا باليوم جم مرة نتخابر ...وتسولفلي ليندا صاير لاباس بيها مبين ارام جار اذنها مستعدلة...يوميه يخابرني يحسسني صدك هو مكان ياسر....
ياروحي ...
تمددت وشغلت
اغنية راح الزين غمضت عيوني وصرت ارددها ..
راح الزين ...ومارد ...
راح الغالي ابو الطيبة ...
فدوة يابخت فدوة يازمن ...
واحد منكم يجيبه ....
ليش الزين هيج يروح ليش بسرعة ياربي
ليش الموحنين وياي ضل كاعد على كلبي
ليش الاحبه هواي راح وطول الغيبة ...
اشوف الكون بعيونك ..
ضلمة الدنيا بدونك
مدري بيه برد مدري بي دفه
مدري بيه انا شلونه
باك الوكت مني اعزاز واخذهم مني بالكوة
اخذ كل غالي يسوه الكون ماياخذ المايسوه
مبين الزين من فركاه تصبح فركته مصيبه
انمدت ايد مسحت دموعي فتحت عيوني ...
عيونه مدمعه ..
ـمااسامح روحي لان ماجنت وياج وكتها المفروض وكتها اسندج بالعكس صرت هم ثاني الج ...
ابتسمت بتعب وحضنته ..
ـكلنا نغلط بس كون نتعض ومانعيدها ...انت تعرفني اكثر شي اكرهه الخيانة والغدر والفقدان وال٣عشتهن سوه ...لحد هاللحظة متعجبه من روحي شون كدرت اتحمل .....
ـسامحيني ليلو ...
دفعته ..
ـجاشون تزوجتك اذا مامسامحتك ...
ـقاطعني...لا كلبي ادري رجعتيلي بس متاكد مثل ماشايفج انتي مناسيه شي ...والدليل لحد هاللحظة كل يوم تروحين لسيارتي من انام وتفتشيها حتى تتاكدين ماضام بيها موبايل سري ...وانا مو زعلان ولا متضايق بالعكس انتي كتيلي وانا كتلج اتحملج واخليج على راسي ...وان شاءالله باجراخذج لاخوج الله يرحمه ...وهسه ..
تقرل مني وهو يغنيلي
راح اسجل روحي بسمك
حتى اضل كل عمري يمك
انت بس خليك يمي
خلى انسى وياك همي
انا حاير وين اضمك
عيني انت وروحي انت ودمي دمك
اتمنى تدري انت عمري وحلمي حلمك
عي لربي يحفظك ليا يالغالي ويسلمك
***★***★*****
حلا
كاعده يمه وهو حارك دمه ....اهلي رجعو وسمعو بالصار كالعادة بابا لام كراربابا حتى قبل من جان يصير خلاف بينا وبين ولد عمي يجيب الحق علينا ... ...هالمره مقبلت على تصرف رنا صح حقها من ناحية بس هي تدري كرار وحجالها هي تلحكه ...بس كرار راح يطك يريد يعرف شون وصل الموبايل للسيارة ...
ـبس اريد اعرف شوون شوون وصل الموبايل للسيارة ..
كعدت بصفة ..زين هناك بالمحل ...محد داخل سيارتك ...
ـماكو غيري انا وولد عمي والعمال ...وهذول من شكد يمنا ...
ـحتى لو من زمان وياكم اكيد ذيج الجل...متفقة ويه واحد ودافعتله. ...الاريد اعرفه هي متأكده انت مستحيل تتزوجها حتى لو لاسمح الله انفصلت عن رنا ...جا شراح تربح ..
ضرب على رجله ...
ـلان ك. .استغفر الله استغفر الله شون خلتني افقد واسب ... يااارب رحمتك وصبرني حتى ابين الحقيقة ...
رجعو اهلي من بيت عمي ابويه باوع على كرار باعصاب ودخلو لغرفتهم ...
عفته ورجعت للبيت ...ماانكر اكو شي بداخلي موافقه على تصرفات رافد والصاير مثل ظلي. .يريد انطيه فرصة ...بس انا شي داخلي برد وصاير اخر همي ...وكلبي بعده نار على خسارتي لابني ادم الراح بسبب طيش ام واب مهملين مايفكرون غير بارواحهم. ...
دخلت لغرفتي انا وادم. .شفته هناك غافي على المكان الانام بي ...تقربت منه ....وضليت صافنة عليه ..
شويه ورجعت لوعيي ..دغيته بكتفه فز وياوعلي ..
ـها حلاوي ...عبالي تباتين هناك ونمت هنا ..
ابتسمت باستهزاء ..
ـليش ماعندك غرفة ...
زفر الهوه .
ـماطايق الغرفة ..ان شاءالله باجر ابدلها واحركها ..
وخرته من كدامي وكعدت ..
ـليش مو نفسها المقبلت تغيرها بحجة ماترتاح الا عليها وتالي طلعت تريد تعذبني وكل ثانية تذكرني هذا نفسه السرير الكضيت عليها احلى لحظات حياتك ويه عشقك رفولة ...
شفته عصب باوعلي وهو مخنوك ..
ـحلا راح يجي يوم وتنسين كل السويته بيج ...وتسامحين وترجعيلي ...
باوعت عليه ثواني ...
ـمااددري ...يجوز اي ويجوز لا ...عندك وكت تخليني اسامحك لحد ماخالة تكوم. على حيلها لان مااكدر اعوفها صح ليلى ماتقصر بس اكيد تمون عليه اكثر منها ...
اخذايدي وباسها ..
ـانتي نعمة وانا جنت اعمى لان ماقدرتج وفضلت عليج وحدة ماتسوى .
عافني وطلع ...عصرت ايدي ... كمت غسلت اسناني ووجهي ورحت للفراش تمددت وامشي ايدي على الطرف الجان ينام عليها ادم.
ـمشتاقتلك وليدي ...شون اتحمل بعدك ياروح امك ...
ــــ_
جنة ..
مرت الايام وانا لحد هاللحظة مااعرف ليش صهيب تزوج ذيج ... وخالة ساكتة بس نظراتها كلها حقد..اشوفها تتقرب من امير .. بس مااعوفه وحده وياها خاف تسمم عقلة نفس ماسوت ويه صهيب الجان يعشقني وماادري بشنو كدرت تقنعه ياذيني او يمكن جانت تهدده بشي بس ياترى شنو ...فزيت على ايدين حضنتني ...شفته بالمرايه ...يباوعلي بنفس نظراته القديمة الجنت مشتاقتله ...
ـصباح الورد ...
ـصباح الخير حبيبي ...
صار يبوس بوجهي ..وكف من سئلته
ـماناوي تحجيلي الصار قبل جم سنة ...
باوع بعيوني ...واخذنفس. ..
ـاجا الوكت ...بس الحجي الاحجيها الج مااريد تاذين روحج عليها...يلا اوعديني ...
