الفصل الرابع
- ضاحي! ، يعني اللي كان واجف في البلكونة من شوية يبجى ضاحي، ودا رجع امتى من سفره؟
تسائلت بها مندهشة نحو والدتها التي كانت تعد في طنجرة كبيرة الطعام على الموقد الغازي بداخل المطبخ المتواضع:
- ايوة يا بت، ما هم بيجولوا انه رجع من سفره امبارح عشية عشان ابوه.
- يا سلام.
تخصرت تردف بسخرية :
- يعني افتكر ابوه دلوك عشان يرجع من غيبته بعد سنين معتبش فيها البلد ، وابوه بجالوا اكتر من سنة تعبان،
- اهو اسمه افتكروا وخلاص، واحنا مالنا اصلا ؟
قالتها عزيزة لتصيح بها زينب غاضبة:
- ياما بجولك كان بيبص عليا وانا بغسل شعري من غير خشا ولا حيا.
- يا بتي اكيد كان طالع بالصدفة ومكانش جاصد
قالتها عزيزة ثم التفت نحوها توجه اللوم لها:
- وانتي برضك غلطانة يا زينب، حبكت تغسلي شعرك النهاردة في الحوش جمب الكانون؟ امال الحمام عندينا بيعمل ايه؟ على العموم هو هيعرفك منين اصلا؟
رغم حنقها من توجيه اللوم لها، الا انها لا تنكر اهمالها في هذا الأمر، ولكن هذا ما اعتادت عليه، نبتت داخلها القوة لترد بدفاعية رغم ارتباكها في بداية الأمر :
- وهي دي اول مرة يعني، ما انا طول عمري بحب اغسل شعري من المية السخنة جنب الكانون، ثم ان الجهة دي من بيتهم بجالها سنين مهجورة، وانا خدت اماني بكدة .
- واديكي عرفتي ان صاحب الجهة دي رجع، خلاص بجى حرصي وخدي بالك، حوشنا نصه مكشوف زي ما انتي عارفة.
- عارفة.
رددت بها زينب بقهر تدب قدمها على الأرض بعدما حملتها والدتها الذنب وتحركت تشرع بالذهاب نحو غرفتها حصن أمانها، ولكن عزيزة اوقفتها فور ان استدارت:
- بت يا زينب، متجربيش ع اللبن اللي في التلاجة، انا بحوشهم عشان ناوية أوفي بالندر اللي عليا بكرة إن شاء الله
- إن شاء الله.
غمغمغت بها زينب قبل ان تتركها وتذهب .
❈-❈-❈
في وقت لاحق
وبداخل غرفتها كان الحديث مع صديقتها نورا التي أتت لزيارتها:
- نشف دمي والله، انا مش عارفة طلعلي منين؟
والمصيبة اني معرفتهوش
- معرفتهوش كيف ؟ شكله اتغير يعني؟
- انا لحجت اشوف شكله انتي كمان؟ اللي شوفتو واحد غريب جدامي، ساعتها فريت على امي وانا مفزوعة.
زامت نورا بفمها لتتكئ على الوسادة خلفها تردف:
- اممم بس انا سمعت انه بجى حاجة تانية، جيمة وسيمة ولا اللي بنشوفهم في التليفزيون، دا غير انه عجل جال وبجى رزين وهيبة.
رددت خلفها بعدم تصديق:
- هيبة كمان، ضاحي بجى هيبة يا نورا؟ والله ما اصدج .
- يا بت امي حكتلي وابويا كمان، الناس كلها بتروح تسلم عليه، ايه رأيك نروح احنا كمان؟
أنت تقرأ
اكل الذئب زينب
Mystery / Thrillerإقترب، إقترب ولا تتردد، ف أنا على أستعداد تام لذلك، لن أتراجع ولن أَقاوم، أهجم بشراسة حتى تُنهي الأمر سريعًا، إغرز أنيابك الحادة في العظام حتى تكسرها كما يكسر أبي أعواد القصب في موعد حصاده، أخرج أحشائي وتناولها كي تشبع جوعك، إطحن بأضراسك حتى تتوه أش...
