නීල නුවන්

නවවන කොටස

" ම්ම් මට මතක විදියට එදා මන් ගෙදර යද්දි අම්මා හිටියේ නෑ අක්කා.. "

" ඔයාට හොඳටම සුවර්ද රිතූ "

" ඔව්.. ඒත් ඇයි ඔයා ඒක එකපාරට ඇහුවෙ "

අද අර නර්ස්ව හම්බෙලා හොස්පිට්ල් එකෙන් එළියට ආපු ගමන් මන් රිතූට ළඟ තියෙන කැෆේ එකකට එන්න කියලා එතෙන්ට ගියේ තාත්තා නැති වුණ දවසෙ අම්මා මොන වගේද හැසිරුනේ කියලා දැනගන්න.. ඒක කෝල් එකකින් කතා කරන්න පුලුවන් වුණත් මට ඕනි වුණේ නංගිව හම්බෙලාම ඒ ගැන දැනගන්න..

" මට සැකයි"

" මොකක්ද? "

" මට සැකයි තාත්තාගෙ මරණෙට අම්මා සම්බන්ධද කියලා"

" ඒ කොහොමද? තාත්තා නැති වුණේ suicide කරගෙනනෙ"

රිතූ ඒක කිව්වෙ ටිකක් කලබලෙන්..

" මට හිතෙන්නෙ නෑ රිතූ ඒක එහෙම වෙන්න ඇත්තෙ කියලා.. ඔයාට මතකනෙ එදා තාත්තා ලෙඩ වෙලා හිටියත් අමාරුවෙන් හරි කතා කලා.. එයාට suicide  කරගන්න වුවමනාවක් තිබ්බා වගේ දැක්කද? නෑනෙ "

" ඒ වුණාට තාත්තා පිටට පෙන්නුවෙන් නැද්ද දන්නෑනෙ"

රිතූ ඒක කිව්වෙ මගේ මූණ දිහාවත් නොබලා වෙන පැත්තක් බලන්..

" නෑ මන් හිතන්නෑ.. මන් පොලිසියට දැනුම් දෙනවා.. සමහරවිට එයාලා පැමිණිල්ලක් දාන්න කියයි එතකොට "

" අම්මාට විරුද්ධව ? "

රිතුශි අහද්දි මන් ඔලුව ඉහළ පහළ කලේ හෙමින්..

" ඔයාට පිස්සුද අක්කා ඒ අපේ අම්මා "

" අම්මා තමා ඒත් මේ වෙන දේවල් අම්මා කරපු දේවල් එක්ක මට අම්මා ගැන මාරම සැකයි.. අනික මන් අද තාත්තාව බලාගත්ත නර්ස්ව හම්බුනා.. එයා මට කිව්වා අම්මා කිහිපසැරයක් තාත්තාව බලන්න ආවා කියලා.. ඒකයි මට ගොඩක්ම සැක.. මන් දන්නෑ රිතූ මන් කරන්න යන දේ ඒක වැරදි ඇති.. ඒත් තාත්තාගේ මරණෙට සාධාරණයක් ඉෂ්ට වෙන්නම ඕනි කියලා හිතෙනවා.. මොකද අම්මා නැති කාලෙ මාව බලාගත්තේ තාත්තා.. අම්මාට මාව මතක නොතිබ්බට!"

මන් ඒක කිව්වෙ ආවෙගයක් මුසු වුණු දුකක් එක්ක.. ඇත්තටම මන් දන්නෑ මන් කරන්නෙ හරි දේද කියලා.. ඒත් මේකෙ ඇත්ත නැත්ත ඔප්පු කරගන්න මට මේක කරන්නම වෙනවා.. පොලිසියට කිව්වම එයාලා පරීක්ෂණ කරයිනෙ..