නීල නුවන්

දෙවන කොටස

මන් සෙනේෂා අක්කව හොයන් යද්දි ෆෝන් එකට කෝල් එකක් ආවා..

ආහ් මේ හෝන්තුව..

" හෙලෝ "

" තෝ මොකක්ද යකෝ අර කරලා තියෙන්නෙ අද "

මන් ෆෝන් එක කනෙන් එහාට කරේ කනකඩාගෙන යන තරම් බෙලෙක්ක කටහඬක් එහාපැත්තෙන් ඇහෙද්දි..

" මොකක්ද බන් කෑගහන්නේ කනත් බීරි වුණාද කොහෙද "

" අර නැට්ටිච්චි එක්ක උබ වලියට ගියාද? "

ආහ් ඔය ගිහින් තියෙන්නෙ වෛරස් එක හතර වටේ.. ඒත් මන් බැලුවා මොකද පරක්කු කියලා..

" මේ මියු උබ දන්නවනේ.. ඒකිනේ ඕයි මාත් එක්ක වලියට එන්නෙ මට අද මලපැන්නා "

" මන් උබට කිව්වනේ ඉවසපන් කියලා.. මන් නැති වුණා විතරයි නාගන්නවා.. අන්න අරකිගේ බෙල්ල මිරිකන එක හතර වටේ share වෙනවා.. "

" උබ කියන්නෙ අරකි අච්චර බලු කතා කියද්දි තව ඉවසන්න කියලාද? අනේ මේ මියුරි මගෙන් අහගන්නෙ නැතුව තියපන් ඕක රෙද්ද.. ඔක්කොම එකයි එහෙන් අර බකමූණා ඒ මිනිහා හිතන්නෙත් මන් එතන එල්ලි එල්ලි ගියා කියලා දැන් උබත් මගේ ඔලුව කාපන් "

" එහෙම නෙවෙයි රුවී.. අර ශේන් ගැන උබ දන්නවනේ.. ශෙහානා දැන් නැලවි නැලවි ගිහින් කියයි උබ බෙල්ල මිරිකුවා කියලා නහයෙන් අඬයි.. ඊට පස්සේ එතන යන්නේ වෙන නාඩගමක්නේ.. අනික ශේන් ඌ දන්නවා කෙල්ලෙක්ගේ චරිතේ හරි ලේසියෙක් විනාශ කරන්න ඒකයි ඕයි මන් කිව්වේ.. පොඩ්ඩක් පස්ස කැඩිච්ච කඩියෙක් වගේ දගලන්නැතුව හිතලා වැඩක් කරපන්කෝ "

" මන් හිතලා තමා බෙල්ල මිරිකුවේ.. අනික ශේන්ට මන් බය නෑ.. ඌට බෑ මොකුත් කරන්න.. එන්න කියපන්කෝ ඕකාට කොහොමත් මට ඌටත් උගන්න පාඩමක් තියේ.."

" අනේ මේ තොට කියන කට හොඳයි ගලක උලා ගන්නවා.. මන් තියනවා.. ඕන මගුලක් කරගනින් "

" ඒ ඒ පොඩ්ඩක් හිටපන්.. මේ උබට කොහොමද දැන්... "

මියුරි අද කැම්පස් ආවෙ නැත්තේ හෙම්බිරිස්සාවක් හැදිලා.. ඊයෙත් සූස් සූස් ගගා හිටියේ.. අද ටිකක් අමාරුවෙලා උදේ මැසේජ් එකක් දාලා තිබුණා කැම්පස් එන්න වෙන්නෙ නෑ කියලා...