_نوائبي بين أيدي القدر
الكاتبه: أيـات الـࢪوح
بارت تعريفي..
قرائه ممتعه..
--------------------------------------------------------------
في مدينه من مدن العراق
طفله بعمر الـ9 سنوات راح تتغير حياتها بسبب انسان كان المفروض يكون الها سند صار عدو...
أيات: يمه ابوي اجه من الشغل
فرح: اي يمه هسه اسويله غده روحي كملي دراسه
أيات: يمه ابوي راح للحمام اريد اكلج شيئ
فرح: كولي حبيبتي
أيات: ابوي امس سمعته يخابر بعمي يگله اني باجر افاتحها بالموضوع ترضى مترضى اسوي الاريده
فرح بتفكير: ماعرفتي شنو الموضوع
أيات: لا والله
فرح: خوش بنيتي روحي كملي دروسج واشوف تاليها ويا ابوج... أخوانج وين وحور ماهيه
أيات: أحمد ومحمد طلعو يمكن لأصدقائهم وحور بيت عمي
فرح: ماشي روحي ماما
أيات: اي يمه رايحه
رحت عن امي بس ضل بالي اريد اعرف ابوي شنو يريد وشنو الموضوع الميهمه موافقة امي او رضاها.؟
وره فتره سمعت ابوي يحجي كمت تقربت لباب الغرفه موقصدي اتسمع عليهم بس خايفه من ابوي اعرف ماعنده مواضيع غير الاذيه
حميد: اكلج فرح عندي موضوع وياج
فرح: كول خير ان شاءلله
حميد: اريد اتزوج
فرح بصدمه: شنوو ليش اني مقصره وياك
حميد: لامامقصره بس اني عاجبني اتزوج شنو امشي بكيفج
فرح: بس اريد اعرف شنو من بشر انت عمرك كله مقصر ويانه حسره تصرفلك فلس تعير بينه عبالك مو اولادك وزوجتك وتالي وياك.؟
حميد: سمعي لج لاتعلين صوتج والله اكسر سنونج بحلكج اسوي الاريده رضيتي او مارضيتي
فرح: سوي التريده بس ماتضل بالبيت هذا تعبي ونص فلوس بنائه من اخواني
حميد بستهزاء: ههه وينهم اخوانج كل واحد يركض وره مرته مثل الطلي
فرح: وانت شعليك على اساس انت احسن منهم موتروح توالي لليل الله اعلم وين تصرف فلوسك
ايات: امي من حجت هيج ابوي ضربها راشدي خشمها نزف جنت واكفه اراقب وخايفه بس من شفته ضربها طلعت ودفعته
وخرر انت شلون تضرب امي الله ياخذك ويخلصنه منـ...
بعدني مامكمله ضربني راشدي كد ماقوي حسيت بدوخه اجتني امي تركض
أنت تقرأ
نوائبي بين أيدي القدر
Mystery / Thrillerحياة بنت تواجه صعوبات من الطفوله ، مشاكل، مرض، ورغم كلشي تضل قويه حياتها بين امها واخوانها ماتختلط بالناس راح تكون قصه بيها عِبره وعَبره من ﷲ التوفيق..❤
