نوائبي بين أيدي القدر

بارت12

-نوائبي بين أيدي القدر

-أيـات الـروح
..

محمد بشك: ويامن جنتي تحجين.؟

حور بخوف: اا ويا احمد

محمد بعصبيه: حور

حور: اكلك بس ماتصيح عليه

محمد: لاماسوي شي احجي. يامن

حور بتوتر:  ويا شسمه ء

محمد بجزع: طلعيها للدره عاد

حور: احجي ويا جعفر... حجيته. غطيت وجهي خاف يجيني راشدي طاير ضليت عاصره عيوني خايفه ماشفت ردة فعله مرة دقيقه اكثر ورفعت ايدي اشوف عبالي بعده موجود.!  فص ملح وذاب من كدامي حتى ماحسيت بي يمته طلع؟

..

محمد: احس نار بكلبي بعد العرفته صح همه عقدو بس احنه متحفظين واكره سالفة الاتصال خصوص ابوي اذا عرف يريد حجه يفصخ الخطوبه ويخرب كلشي ماتصرفت بتسرع ابدا رحت اتصلت بأحمد

الاتصال📲

احمد: الو هلا حمود

محمد: هلا حبيبي احمد شخبارك

احمد: الحمد. لله وانتم شخباركم امي البنات ابوي هم سواله سالفه

محمد: لا بس رايد اكلك شغله

احمد: خير كول

محمد: جعفر صاحبك اكثر مني اتصل بي وفهمه لايتصل بحور

احمد: اهاا هنا الحجي يلا خل اتقاهم ويا مع السلامه

محمد: خويه لاتتهور ترا عاقدين سيد مابيها شي بس اني ماريد ابوك يعرف ويخربها

احمد: اعرف اعرف يلا باي

محمد: الله وياك عود. رجعلي خبر

احمد: ان شاءلله

..

جعفر: جنت كاعد احجي ويا امي اتصل بيه احمد ترخصت منها وكمت برا ... الو هلا ضلعي شلونك

احمد: الحمدلله وانت

جعفر: بخير الحمدلله وضعك شلونه دوامك

احمد: عوف وضعي رايدك بموضوع

جعفر: كول اسمعك

احمد:  اول شي ليش متصل على حور.

جعفر بتوتر: هاا ماحجينه هواي والله بس سلمت عليها

احمد: ادري بيك ولان اعرفك شنو مااجيتك للبيت وكسرت اعظامك يبقى بيناتكم عقد قران بس هيه بعدها بيت اهلها وابوي منتظر زله حتى يلغي كلشي دير بالك تتواصل وياها لو حرف لا مو حرف نقطه ماتدز سمعت لو لا اذا مستعجل قرب موعد العرس بس اتصال ماريد

جعفر: هاي هيه خياي عد عيناك اعتذر والله اتصلت بس اسلم ماحجينه شي

احمد: ادري بيك واني لان اعرف اختي فطيره وتثق بسرعه بس مأمن بيك وصلت هسه لو اعيد