نوائبي بين أيدي القدر

بارت9

_نوائبي بين أيدي القدر

_أيـات الـࢪوح

..

حور: ردت اركض وجان اوكع على وجهي بذيج اللحظه لوميته ولا صايره بهذا الموقف اجاني يركض ويصيح..

جعفر: جنت جاي على احمد وصلت قريب بيتهم شفت بنات ثنين عرفتهن خواته ضليت بموقف لا اكدر ارجع ولااكمل ضليت امشي على كيف وحده منهن طفرت بسرعه دخلت البيت وسدت الباب ضلت وحده ندارت عليه وشفتها هاي نفسها الفتحت الباب بليل.!
يعني حور حلو لسا ذاكر اسمها ندارت عليه بلحظه وحده رادت تركض وكعت بنص الطين بالكوه لزمت روحي مااضحك لان الموقف ميساعد وكلتلها...

_الله الله شجاج متكليلي.. مديت ايدي ردت الزمها مقبلت وكالت..

حور: انت منو وترديني الزم ايدك..؟

جعفر: زوجج بالمستقبل واضل اقهر احمد بيج

حور: احترم نفسك ولاتجيب طاري اخوي لااخلي يشگ حلكك

جعفر: قصدج يشك حلكنه ثنينه لان على اساس ماعنده اخوات وطلعت عنده وحده غزاله

حور: ايا طايح الحظ والله اله احجي لاحمد كلشي وخر منا ولي

جعفر: خفي علينه ام الوسخ شلون حب من اول وكعه بالطين

حور: تحبك حيه ياحقير..

صرت احجي وابجي ميته قهر وفشله واني كلني طين مد ايده بسرعه كومني وكال

جعفر: لاتبجين حوريتي موقصدي والله اتشاقه

حور: سحبت ايدي منه بسرعه.. شعرفك بأسمي وشتريد

جعفر وهوا يعدل بملابسه واردف بجديه: احمد هنا

حور: لا

جعفر: تمام فوتي للبيت غسلي وغيري ملابسج لاتتمرضين بويه

حور: معليك.. حجيتها واني اسحل بنعالي و ملابسي كلها طين ومطر خفيف حتى هوا تبلل بس ضل واكف من فتحت الباب دخلت قبل لااسدها باوعتله سوالي باي وراح..

..
ايات: ركضت بكل سرعتي شردت بروحي العزيزه وخليت الفاهيه حور برا طبيت وسديت الباب خليت بي فتحه صغيره اباوع منها ختنكت من الضحك على مناگرهم خانگه ضحكتي احس عيوني راح يطلعن من مكانهن بس غير اتحرك لو ابطل ضحك ماكو من شفتها اجت بتجاهي تريد تفوت بسرعه بتعدت عن الباب هيه دخلت وباوعت ورا جعفر حسيت صاير شي ياترا شنو مستحيل يصير شي واني مااعرف لو اكتشفه..

حور: سديت الباب وجفلت من شفت ايات وراي... اعوذ بلله شبيج خوفتيني

ايات: شنو هاي النضرات هاا.... احجي واغمز

حور: نعالات مونضرات لاتضلين تمسلتين وحدج

ايات بمكر: اي اي مبين شبيج نفعلتي ياعيني