_نوائبي بين أيدي القدر
_ أيـات الـࢪوح
..
رجوع بالزمن
قبل المشيه بيوم حديث احمد ومحمد...
..
احمد: جنت كاعد برا البيت وحدي ادخن وافكر بسالفة حور وجعفر الي لحد هاي اللحظه مادخلت عقلي وافقت وسويت كلشي عناد بأبوي صح جعفر صاحبي واعرفه بس مامتأكد اذا يستحق حور او لا...
محمد: صافن الحلو بيمن يفكر
احمد: حلو بعينك ادبسزز زلمه مشورب تكلي حلو
محمد: جا المشورب لازم وجها وجه الكرك غير شويه حلو
احمد: ميخالف الجمال للنساء وليس للرجال
محمد بصوت عالي: الله الله احمد السياب
احمد: حبيبي ممكن تاكل خـ**
محمد: بالخدمه ضلعي وهسه كلي شبيك صافن صفنة المطي
احمد وهوا يدفره: ايا نعال وخر من يمي شو ماتحترم
محمد بضحكه: هههه ميانه ميانه ياعيوني وهسه كلي شبيك
احمد: خايف على حور وباجر بعد المشيه بليل لازم اطلع لمحافظة ٠٠٠٠٠ دكتور الكليه اتصل بيه
محمد: وآلله ياخويه مادري شكلك روح اني موجود مااقصر ان شاءلله مااخلي ابوك. يخرب السالفه لان هسه انت اقسام داخليه وماتكدر تبقى لايضل بالك اني هنا
احمد وهوا يخلي ايده على كتفه: ادري بيك بعد اخوك ونعم منك بس والله لو مامجبور ماروح بالكوه يلا وافق اضل لبعد باجر على مود المشيه لايجفصها ابوك كدام العالم ادري بي
محمد: هاي هيه المهم تخلص ان شاءلله لاتضل تفكر وتدخن سامع نفسك شلون تكح
احمد وهوا يكوم: الجو برد خل نفوت خليها وره الله نشوف شلون تنحل
محمد وهوا يتمشى ويا : ونعم بالله وعمامي يدرون
احمد: اي اني اتصلت بيهم ونطيتهم خبر
محمد: هاي هيه جا...
..
رجوع للوقت الحالي
حور: بعد موقف رضا طلعو الناس بعد مااتفقو عقد القرأن باجر.؟؟
ايات: اويلي جوجي مستعجل
حور: جوجي منو
ايات: جعفرج
فرح وهيه تدخل للمطبخ: كافي ولجن يلا نرجع للبيت هذا علي لعب بخلقتي بس يبجي فشلني كدام النسوان
حور: وينه هسه
ايات وهيه تركض ليبرا: يمه خاف طلع
فرح: لا ولج نايم من البجي تعب ونام
حور: خوش يلا وين عباتي خل نطلع احمد ومحمد مارجعو
فرح: كالو راح يروحون للبيت كدامنه
أنت تقرأ
نوائبي بين أيدي القدر
Mystery / Thrillerحياة بنت تواجه صعوبات من الطفوله ، مشاكل، مرض، ورغم كلشي تضل قويه حياتها بين امها واخوانها ماتختلط بالناس راح تكون قصه بيها عِبره وعَبره من ﷲ التوفيق..❤
