_نوائبي بين أيدي القدر
_أيـات الـࢪوح
..
مروراسبوع
حور: اسبوع واحنه ماشايفين راحه بين امي الكل شويه ومغمى عليها مانعرف من القهر لو من شي ثاني واحمد الجرحه التهب بسبب الخنجر الطعنه بي رضا جان وسخ وبي بقايا دم يابس وسبب التهاب بالجرح ومحمد يركض من هنا وهنا حاير بين المستشفى والبيت صرنه مانعرف ليلنه من نهارنه خصوص بسبب وضع ايات المتأزم الي كان ممكن بأي لحظه نفقدها.!
ثامن يوم اتصل محمد يبشرنه بأحلى خبر والي هوا...
..
محمد: طول فترة مرض امي واصابة احمد وغيبوبة ايات كلهن صدمات تعب وقهر وحاير وين اروح وين اجي صرنه نقتصد الاكل بسبب كعدتنه عن الشغل والدوام اسبوع كامل مارايحين للجامعه وثنينه مرحله اولى بسبب رسوب احمد بالسادس باليوم البعده قررت اترك ايات اخلي احمد يمها واطلع للشغل واعوف الدوام بنص الشغل اتصل بيه رقم غريب رديت عليه..
الممرض: الو سلام عليكم
محمد: وعليكم السلام اخي تفضل.؟
الممرض: انت ويا المريضه ايات حميد
محمد بخوف: اي اي اني شصاير شبيها اختي
الممرض: لاتخاف اختك بخير تعدت مرحلة الخطر وهسه رجعلها الوعي اذا متصير زحمه تجون تشوفوها لان تكول اريد اهلي
محمد بستغراب: ليش احمد اخوي وياها عفته الصبح
الممرض: لا والله محد موجود للاسف بس هيه وجاي تبجي اتمنى تسرع بالجيه
محمد: تمام خويه مشكور... سديت الاتصال منه واني حاير احمد وين موعفته يمها معقوله طالع لو خاف صايرله شي..؟ طلعت اركض من الشغل بعد مانطيت خبر للعمال اتصل بأحمد مايرد وصلت للبيت صحت
يمااا وين احمدد
فرح: مادري والله ويا ايات بالمستشفى مو انت كتله يروح
-ماهوا يمه اتصل بي ميرد
-صخام الصخم حظي ولك وين اخوك شمدريك مو بالمستشفى
-اتصلو بيه من المستشفى ايات صحت وتبجي تريدنه محد يمها.
فرح بشهكه: يمهه بنيتي اللهم صلِّ على محمد وآل اخذني الها بسرعه
حور وهيه تدخل للصاله: شكو شبيكم وين ياخذج يمه
فرح: اختج كعدت يمه نروح ليها
حور بفرح: الحمدلله الف الحمدلله
محمد: يمه بالي ويا احمد وين راح
فرح بلطم: سوده عليه افرح بشي انصدم من شي خل نروح المستشفى بلكي نلكا كاعد برا
حور: اي والله خويه تحرك شمنتظر
أنت تقرأ
نوائبي بين أيدي القدر
Misterio / Suspensoحياة بنت تواجه صعوبات من الطفوله ، مشاكل، مرض، ورغم كلشي تضل قويه حياتها بين امها واخوانها ماتختلط بالناس راح تكون قصه بيها عِبره وعَبره من ﷲ التوفيق..❤
