نوائبي بين أيدي القدر
_أيـات الـࢪوح
..
حميد: شنو تهدد انت.؟
احمد: اي طبعاً اهدد خواتي خط احمر واني موجود اشوف منو يتقربلهن....
بعده يحجي ودخل محمد شاف الجو مشحون وابو موجود اردف
محمد: يابه سلام الله عليكم شنو هاي الجمعه الحلوه... صفن ورجع كال جمعه لو سبت هههاايي
ايات: الجو ميساعد والكل متوتر واجه محمد يحشش صاح بي ابوي
حميد: كافي لك زلمه مشورب شوكت تكبر وتعقل
احمد: من تفك ياخه من خواتي وامي
محمد: دك قصف عجبتني الاجواء شصاير
فرح: ام جعفر اجت تخطب حور لجعفر
محمد: ايي..؟؟
ايات: ابوي يريد ينطي حور بدال دين واحمد رافض وراح تصير بالنعل... حجيت بسرعه بدون مااسحب نفس وبالاخير جفصت كرصتني حور
حور: طيح الله حظج
حميد: كافي لغوه حور لصلاح صديقي
احمد بتحدي: حور لجعفر
محمد: جا اني هنا نعال محد. يحاجيني
ايات: حشاك ضلعي بس حاليا كل واحد مركز على فريسته
حور: اسكتو
ايات: جنه نحجي بهمس كاعدين قريب من بعض اني وحور ومحمد وامي ساكته وصافنه تباوع للتحديات...
حميد: احمد لاتخلي راسك براسي اني ابوك وكلمتي التمشي
احمد بستهزاء: ههههه من تصير ابونه من صدك الك حق تتحكم بينه غير هيج لا
حميد: خوش حجي جا لاتلومني على الراح يصير
فرح: حميد من كل عقلك انت اولادك ذوله هيج تعاملهم
احمد: عوفي يمه..... وهسه تكدر تروح لبيتك حور لجعفر وهذا اخر كلام واعلى مابخيلك اركبه
حميد وهوا يكوم متعصب: اريد اشوف ياگـ** ينطيها لجعفر
احمد ببرود: اني
محمد: بويه كافي رحمه لبوك ملينه ترا يوميه جايب واحد توزع بخواتي عيب عليك وحرامات انت ابونه والله
حميد وهوا يمشي متوجه للباب: لاتضل تاكل خـ**
..
ايات: طلع ابوي وعافنه بحيرتنه هوا هدد ميخلي هاي الخطبه تصير حور دمعتها بعينها خايفه من الرااح يصير وامي ماتقل عنها تدعي وترجف احمد كاعد. بكل برود وكأن هوا متأكد. راح. يربح بالتحدي الصار بينه وبين ابويه محمد ابد مايهتم لشي وشيكول احمد هوا يكله تم وصار لان نحسبه ابونه رغم فرق محمد واحمد سنه وحده يعني نفس العمر بس هوا يعاملنه بمثابة اب..!
أنت تقرأ
نوائبي بين أيدي القدر
Mystery / Thrillerحياة بنت تواجه صعوبات من الطفوله ، مشاكل، مرض، ورغم كلشي تضل قويه حياتها بين امها واخوانها ماتختلط بالناس راح تكون قصه بيها عِبره وعَبره من ﷲ التوفيق..❤
