_نوائبي بين أيدي القدر
للكاتبه: أيـات الـࢪوح
..
فرح: لا بويه لاااا
احمد: شكو يمه شبيج
فرح ببكاء: ابوي ولك ابوي صار ويا حادث صخام بعيني منو ياخذني اله
أيات: يمه مو خالي رحمان قبل شويه جابنه شوفي بعده برا
حور: لا والله شفته من بتعدنه كبل راح مستعجل
فرح: اخخ لامن رجال بي حظ ولامن اخو وين انطي وجهي ابوي اريد اروحله ولكم
احمد: شبيج يمه شنو هذا الحجي جا اني شنو هنا اني بظهرج وهسه اخذج نإجر تكسي
محمد: إيدك مكسوره يمعود ضل بالبيت يم البنات واني اخذها
احمد: لا انت روح اخذ تكسي للبيت واني اخذ امي لخوالي نشوف جدي وين ماخذينه
فرح: ايدك مكسوره يمه متكدر
احمد: لايمه ايدي المكسوره مو رجلي امشي يلا
أيات: طلعنه من المستشفى احمد اخذ امي لخوالي ومحمد رجع ويانه للبيت وضلينه ننتظرهم يجون
...
احمد: يمه اني انتظرج برا مااطيق اشوف اخوانج
فرح: ليش يمه فوت متكدر تضل
احمد: لا اكدر بس فوتي شوفي المستشفى شنو اسمها البيها جدي
فرح: صار يمه مااتاخر هسه اجيك
احمد: انتظرج
..
فرح: دخلت لبيت اهلي صارت بوجهي زوجة رحمان اخوي
زهور: ها اليوم هنا خير
فرح: السلام لله سلمي بالبدايه ماجايه عليج ابوي شنو اسم المستشفى الي هوا بيها
زهور: بمستشفى الـ........
فرح: خوش مشكوره على حسن الضيافه ام غدير
زهور: شقصدج عيني تدرين بينه اخوج مايحب وجودج هنا اني شعليه
فرح: اي ماكلت باطل ادري كلشي
زهور باوعت صفح ماعاجبه واني طلعت..
احمد: ها يمه نمتي لخاطر الحمزه
فرح: شسوي يمه مرت خالك الحقنه موتتني جدك بمستشفى الـ.....
احمد: ها خوش قريبه يلا اصعدي السياره الرجال انصلب ويانه
فرح: صعدت وطول الطريق بالي يم ابوي ماعندي غيره امي رايحه ويا بالمستشفى ماعرف شنو وضعه اتصل باخواني محد. يرد بعد فتره قصيره واخيرا وصلنه
احمد: نزلي يمه وانتظريني لاتدخلين
فرح: اي بسرعه فدوه
احمد تحاسب ويا الرجال على الكروه وراح وضل لازم ايدي بأيده السليمه ويسحل بيه سأل على اسم الغرفه بالطابق الثاني ورحنه
أنت تقرأ
نوائبي بين أيدي القدر
Mystery / Thrillerحياة بنت تواجه صعوبات من الطفوله ، مشاكل، مرض، ورغم كلشي تضل قويه حياتها بين امها واخوانها ماتختلط بالناس راح تكون قصه بيها عِبره وعَبره من ﷲ التوفيق..❤
