ချစ်လွန်း၍ကြမ်းမိသည်

ချစ်လွန်း၍ကြမ်းမိသည်
အပိုင်း.၁
အ​ဆောင်တော်တစ်ခုတွင်ဖြစ်၏။

မီးရောင်မှိန်မှိန်တို့ဖြင့်ရှိ​နေသောအခန်းကျယ်တစ်ခုတွင်စာရွက်များကပြန့်လွင့်နေ၏။

တစ်ခုခုကိုနက်နဲစွာစဉ်းစားနေပုံရသည့်လူတစ်ယောက်၊ထိုသူကတော်ရှောင်တိုင်းပြည်ကြီး၏စစ်သေနာပတိချုပ်ကြီးဝမ်ရိပေါ်

ထိုအချိန်ခြေဖော့ကာဝင်လာသူများ

အားလုံးကအဖြူရောင်ကိုဝတ်ဆင်ထားပြီးမျက်နှာဖုံးများဖြင့်

ဘယ်လောက်ပဲခြေသံလုံနေပါစေ ရိပေါ်၏စူးရှထက်မြတ်သောအကြားအာရုံမှမလွှတ်မြောက်နိုင်

ဝုန်း.."
အသံနှင့်အတူဓားဖြင့်ခုတ်ပိုင်းလာသူအားအသာရှောင်ကာ​ဘေးရှိဓားအားဆွဲယူကာတိုက်ခိုက်လိုက်သည့်စစ်သူကြီး​ဝမ်ရိပေါ်

တိုက်ခိုက်မှု့တွေပြင်းထန်လာ၏။ရှစ်ယောက်နှင့်တစ်ယောက်ဖြစ်သည့်တိုင် ရိပေါ်ကတော့တည်ငြိမ်စွာတိုက်ခိုက်နေခြင်း

ထိုလုပ်ကြံသူရှစ်ယောက်ကလည်း တိုက်ခိုက်ရေးကျွမ်းကျင်အဆင့်မှလူတွေဖြစ်ပေမဲ့စစ်သေနာပတိချုပ်ဖြစ်တဲ့သူ့ကိုတော့မရှင်နိုင်

ဝုန်း.."

တခါးအားကန်ဖွင့်ကာဝင်လာသောစစ်သည်တော်များ..

လုပ်ကြံသူများကတစ်ယောက်နှင့်တစ်ယောက်ကြည့်ကာခေါင်းညိမ့်ပြပြီး လာသောလမ်းမှခုန်ကာထွက်ပြေးသွားကြသည်။

"လိုက်ကြတစ်ယောက်မှမလွတ်စေနဲ့"

အမိန့်ပေးလိုက်သူက ရိပေါ်၏ညာလက်ရုံးအားဟုံ

အားဟုံအမိန့်သံအဆုံးထွက်သွားကြသောစစ်သည်တော်များ

"စစ်သူကြီး"

အားဟုံသည် အရိုသေပေးကာ ရိပေါ်၏နားသို့ကပ်ကာတစ်စုံတစ်ခုကိုတိတ်တဆိတ်ပြော၏။

ထိုအခါမှရပ်​နေရာမှလျှင်မြန်စွာသွားသူကစစ်သေနာပတိချုပ်ကြီး ရိပေါ်

~~~~~
"မီလော့.."

သေသပ်ပိရိသောနှုတ်ခမ်းထက်မှခေါ်ဆို​လိုက်သောနာမ်စားတစ်ခု၊စာပွဲပေါ်မှာခေါင်တင်၍မှောက်ရက်အနေထားအားအပေါ်ဆွဲလှည့်လိုက်တော့ပါးစပ်ထက်မှစီးကြနေသောသွေးမည်းမည်းများ၊မျက်ဝန်းတစ်စုံပြူးကျယ်သွားရသူက ရိပေါ်