រឿង ᥫᩣអន្ទាក់ស្នេហ៍សិស្សច្បងᥫᩣ ភាគ17
បន្ទាប់ពីហ្គូហ្វុកដើរចេញទៅផុត រាងក្រាស់ក៏ដើរចេញមកដូចគ្នា ក៏ប៉ុន្តែរាងក្រាស់មិនបាននិយាយរករាងតូចនោះទេ ព្រោះនៅខឹងក្រពុលមុខនៅរឿងថ្ងៃមិញ ដែលរាងតូចវាបាយមកលើមុខនាយនោះ អញ្ចឹងហើយពួកគេក៏មិនបាននិយាយគ្នារហូតដល់ចូលទៅក្នុងឡាន ព្រមទាំងបើកចេញទៅ។ ក្នុងឡានគឺស្ងប់ស្ងាត់មិនមានការនិយាយស្ដីរកគ្នានោះឡើយ ហើយក៏ដោយសារតែការស្ងាត់អញ្ចឹងហើយទើបរាងតូចនៅមិនសុខ សម្លឹងនេះសម្លឹងនោះមើលចុះមើលឡើង ក៏ប្រទះភ្នែកជាមួយហ្នឹងកន្លែងមួយដូចជាប្រអប់ដាក់អីវ៉ាន់អញ្ចឹង អញ្ចឹងហើយទើបរាងតូច រៀបនឹងយកដៃទៅបើក តែក៏ត្រូវបានដៃរាងក្រាស់វាដៃនាយតូចចេញ
« អ៎េស~ ស្អីហ្នឹង ខ្ញុំគ្រាន់តែចង់បើកមើលមិនបានទេឬ? ក្នុងហ្នឹងមានទុក្ខរបស់អីសំខាន់មែនទេ ឬជារបស់ឯកជន? កុំថាន៎ែក...! » គ្រាន់តែគេមិនឱ្យបើកសោះ ក៏គិតពីរឿងនេះរឿងនោះបែកអូរហូរស្ទឹង ព្រោះតាមដឹងកន្លែងគេមិនចង់ឱ្យដឹង ប្រាកដណាស់ជាមានរបស់អីសំខាន់
« កុំឆ្កួតពេកល្មមឈប់ឆ្កួតហើយ របស់របរក្នុងឡានខ្ញុំកុំចេះប៉ះពាល់ តិចខ្ញុំទ្រាំមិនបានចាប់បោះចេញទៅខាងក្រៅឥឡូវហើយ » រាងក្រាស់និយាយទាំងទឹកមុខមាំ មិនមែននិយាយលេងដូចរាល់ដងនោះទេ ក៏ព្រោះតែនាយជាមនុស្សម្នាក់ដែរមិនចូលចិត្តឱ្យនរណាគេម្នាក់ មករញ៉េរញ៉ៃរបស់នាយនោះឡើយ និយាយទៅគឺកំណាញ់របស់តែម្ដង ក៏ប៉ុន្តែមិនមែនមានអីថាគេចិត្តអាក្រក់នោះទេ គេចិត្តល្អណាស់ក៏ប៉ុន្តែរបស់របរគេមិនចង់ឲ្យនៅណាគេប៉ះពាល់ឡើយ
« សាកទៅដឹងហើយ! ឆឹស~ ឯណាលុយខ្ញុំឲ្យលុយខ្ញុំមកខ្ញុំទុកវិញ » អង្គុយៗក៏នឹកដល់រឿងលុយ ដែលរាងក្រាស់យកទៅការពីថ្ងៃមិញ អញ្ចឹងហើយទើបសម្រេចចិត្តទាឥឡូវនេះតែម្ដង
« លុយ? លុយស្អីទៅ? ហើយលុយឯងទុកនៅនឹងខ្ញុំមែនទេ? ចំជាឆ្កួតមែនហើយ លុយឯងឯណានៅខ្ញុំនោះ? » ថាអីថា ឥឡូវគេស៊ីលុយដាច់បាត់ រកទាមិនបានធ្វើដូចខ្លួនឯងហ្នឹងឡូយណាស់អញ្ចឹង ទាំងដែលចាយលុយគេទាំងអស់ ទាំងដែលគេបានប្រាប់រួចហើយថាទុកឱ្យគេផង មើលឥឡូវចុះនៀក ធ្វើឯងភ្លេចឯណា
« ន៎ែ~ និយាយអីភ្លើៗហ្នឹង? លុយអាគាត់ឯងយកពីខ្ញុំនៅកន្លែងញ៉ាំបាយនោះ ឥឡូវនៅឯណាឱ្យខ្ញុំវិញមក កុំខ្សែលើខ្ញុំខ្លាំងពេក ប្រយ័ត្នទ្រាំមិនបានខាំដាច់ស្លឹកត្រចៀកឥឡូវហើយ » ទោះបីជាសៀវចាន់ខំប្រឹងនិយាយយ៉ាងណាក៏ដោយ ក៏រាងក្រាស់មិនខ្វល់អើពើនិងរាងតូចនោះដែរ ព្រោះតែខ្លួនជ្រុលចាយលុយរបស់រាងតូចអស់បាត់ហើយ អញ្ចឹងហើយធ្វើភ្លើៗសិនក៏បានដែរ
