"تحاليله كلها تمام يااللا متحسن هلبه عن قبل"
للاهم وهي مبتسمه براحه قالت..
/الحمد لله..
قاللها:خليك راده بالك منه وتو يقعد ديما حاله باهي بإذن الله..
للاهم قالت بإبتسامه..
/ان شاء الله..مشكور هلبه متين..
عقد حواجبه وهو يقول بإبتسامه..
/تي عدي يابنت عدي..
ضحكت للاهم وقالت..
/باهي مانعطلش عليك..سلامات..
°°°°°°°°°°°°°°°
ومن بوابه المستشفى..
خش هو وصديقه وذراعه اليمين حول نظاراته وقاله بإنزعاج..
/خلاص بنحسم امري وبنرتاح من وجع الراس..
قاله محرز..
/والحاج!؟
سلطان وهو يمرر في نظره قدامه قال..
/لعيونه هو صبرت السنين هادي كلها لين وصل الصبر حده..
ميل محرز راسه وهو يرفع في حواجبه وينزل فيهم..
سلطان قال..
/تعرف كان نحلل توا يطلعوا عندي السكر والضغط والكولسترون ع قولة جداي في جرة ضجيج النساوين..
قعد يضحك محرز..
سلطان شافله وقال..
/والله جديات..رد بالك ديرها في عمرك وتتزوج رد بالك..
محرز قال بضحكه..
/تم ياراس..
رفع سلطان حاجه وهو يشوفله بربع عين بعدين رد نظره القدام..
°°°°°°°°°°°°
ماشيه بسرعه وهي تشوف في ساعة هاتفها بعدين قالت..
/ياربي بتفوتني المحاضرة!
"للا شن جو"
شافت لممرضه فاتت من جنبها ابتسمت مجامله وقالت..
/تمام..شن جوك انتي..
"مليح خلينا نشوفوك"
سرعت للاهم مشيتها وهي تقول..
/ان شاء الله..ان شاء الله..
وتوصل لأخر الممر وبتخش للممر التاني..
°°°°°°°°°°°
سلطان بإزدراء:ياراجل اكره مانكره بعد الغريبه والصيف المستشفيات وضجيجهم..
محرز قال:هادوا كلهم يجو بعد اصفر بيت المال..
عكرش سلطان وجهه وهو واصل في اخر الممر ويخش منه للتاني وبدون ماينتبه دار حركه بيده اللي فيها النظارات ويضرب بيهم حد طلع في وجهه فجأه..
"آاه"
محرز وقف في مكانه ورفع حواجبه..
وسلطان عقد حواجبه وقال..
/اسف..اسف جدا..
للاهم وهي حاطه يدها ع عينها قالت بألم..
"عيني.."
